Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Ani Amanehulu Sɛɛ Baafo Be Ko?

Ani Amanehulu Sɛɛ Baafo Be Ko?

Ani obaakɛɛ . . .

  • hɛɛ?

  • dabi?

  • ekolɛ?

 NƆ NI BIBLIA LƐ KƐƆ

“Nyɔŋmɔ aaatsumɔ amɛhiɛaŋ yaafonui fɛɛ, ni gbele bɛ dɔŋŋ, ni ŋkɔmɔyeli ko kɛ bolɔmɔ ko kɛ nɔnaa ko hu bɛ dɔŋŋ.”—Kpojiemɔ 21:4, Ga Biblia.

NƆ NI NO BAANYƐ ATSƆƆ KƐHA BO

Emaa nɔ mi ehaa wɔ akɛ jeee Nyɔŋmɔ ji mɔ ni haa wɔkɛ naagbai kpeɔ.—Yakobo 1:13.

Le ni wɔle akɛ Nyɔŋmɔ nuɔ he ehaa wɔ kɛ́ wɔmiina amanehulu lɛ shɛjeɔ wɔmii.—Zakaria 2:8.

Hiɛnɔkamɔ yɛ akɛ amanehului fɛɛ asɛɛ baafo.—Lala 37:9-11.

 ANI WƆBAANYƐ WƆHE NƆ NI BIBLIA LƐ KƐƆ LƐ WƆYE LƐƐLƐŊ?

Hɛɛ, kɛ́ hooo lɛ yɛ yiŋtoi enyɔ ahewɔ:

  • Nyɔŋmɔ nyɛɔ amanehulu kɛ jalɛsane ni ayeee. Susumɔ bɔ ni Yehowa Nyɔŋmɔ nu he eha be ni awa ewebii ni hi shi yɛ Biblia beaŋ lɛ ayi lɛ he okwɛ. Biblia lɛ kɛɔ akɛ edɔ lɛ waa yɛ mɛi ni ‘haoɔ amɛ lɛ hewɔ.’—Kojolɔi 2:18.

    Nyɔŋmɔ naaa mɛi ni yeɔ mɛi krokomɛi awui lɛ ahe miishɛɛ. Akɛ nɔkwɛmɔnɔ lɛ, Biblia lɛ kɛɔ akɛ “niji ni shwieɔ lá ni eye bem shi” lɛ ji enihiinii.—Abɛi 6:16, 17.

  • Nyɔŋmɔ susuɔ wɔhe akɛ aŋkroaŋkroi. Jeee akɛ mɔ fɛɛ mɔ “le lɛ diɛŋtsɛ ehaomɔ kɛ emanehulu” ni ekɛkpeɔ lɛ, shi Yehowa hu le!2 Kronika 6:29, 30.

    Etsɛŋ ni Yehowa baatsɔ e-Maŋtsɛyeli lɛ nɔ efo amanehulu ni adesa fɛɛ adesa kɛkpeɔ lɛ sɛɛ. (Mateo 6:9, 10) Dani nakai be lɛ baashɛ lɛ, eshɛjeɔ mɛi ni jɛɔ amɛtsuiŋ amɛtaoɔ esɛɛgbɛ lɛ amii.—Bɔfoi lɛ Asaji 17:27; 2 Korintobii 1:3, 4.

 SANEBIMƆ KO NI ESA AKƐ OSUSU HE

Mɛni hewɔ Nyɔŋmɔ ŋmɛɔ amanehulu gbɛ?

Biblia lɛ haa nakai sanebimɔ lɛ hetoo yɛ ROMABII 5:122 PETRO 3:9.

 

Ekrokromɛi Hu Nɛ

Mɛni Hewɔ Nyɔŋmɔ Ŋmɛɔ Efɔŋfeemɔ kɛ Piŋmɔ Gbɛ?

Mɛni kɛ efɔŋfeemɔ ba, ni mɛni hewɔ Nyɔŋmɔ eŋmɛ gbɛ ni eyaa nɔ lɛ? Ani nɔnaa baaba naagbee gbi ko?