Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Tsɔɔmɔ Obii lɛ Anii

 NIKASEMƆ 14

Maŋtsɛyeli ko ni Baaye Shikpɔŋ Muu lɛ Fɛɛ Nɔ

Maŋtsɛyeli ko ni Baaye Shikpɔŋ Muu lɛ Fɛɛ Nɔ

Kɛ́ okwɛ lɛ, mɛɛ Maŋtsɛyeli he wɔwieɔ nɛɛ?— Hɛɛ, Nyɔŋmɔ Maŋtsɛyeli lɛ ni, no ji Maŋtsɛyeli ni baaha shikpɔŋ muu lɛ fɛɛ atsɔ paradeiso lɛ. Ani obaasumɔ ni okase Maŋtsɛyeli nɛɛ he nii babaoo?

Maŋtsɛyeli fɛɛ maŋtsɛyeli yɛ enɔ maŋtsɛ. Ni maŋtsɛ lɛ yeɔ mɛi ni yɔɔ emaŋ lɛ mli lɛ anɔ. Ani ole mɔ ni ji Nyɔŋmɔ Maŋtsɛyeli lɛ nɔ Maŋtsɛ?— Lɛ ji Yesu Kristo. Eyɛ ŋwɛi. Etsɛŋ, ebaaye mɛi fɛɛ ni yɔɔ shikpɔŋ lɛ nɔ lɛ nɔ Maŋtsɛ! Ani osusuɔ akɛ kɛ́ Yesu miiye shikpɔŋ muu lɛ fɛɛ nɔ Maŋtsɛ lɛ, wɔbaaná miishɛɛ?

Mɛni okpaa gbɛ yɛ Paradeiso lɛ mli?

Wɔbaaná miishɛɛ waa! Yɛ Paradeiso lɛ mli lɛ, mɛi enɔŋ ni awuŋ ta dɔŋŋ. Wɔ fɛɛ wɔbaasumɔ wɔhe. Hela mɔŋ mɔ ko mɔ ko; ni mɔ ko gboŋ yɛ jɛmɛ. Mɛi ni enaaa nii lɛ baana nii, ni mɛi ni nuu nii hu baanu nii. Mɛi ni nyɛɛɛ anyiɛ lɛ baajo foi ni amɛaatumɔ. Mɔ fɛɛ mɔ baaná niyenii babaoo eye. Kooloo ko yeŋ kooloo ko awui ni amɛyeŋ wɔ awui hu. Mɛi ni egboi lɛ baate shi. Hii kɛ yei ni wɔkase amɛhe nii yɛ wolo bibioo nɛɛ mli lɛ ateŋ mɛi babaoo tamɔ Rebeka, Rahab, David, kɛ Elia hu baate shi! Kɛ́ amɛba  wala mli ekoŋŋ lɛ, ani obaasumɔ ni ona amɛ?

Yehowa miisumɔ bo, ni eesumɔ ni oná miishɛɛ. Kɛ́ otee nɔ okase Yehowa he nii ni obo lɛ toi lɛ, obaahi shi kɛya naanɔ yɛ Paradeiso fɛfɛo lɛ mli! Ani obaasumɔ ni ohi jɛmɛ?

KANEMƆ YƐ OBIBLIA LƐ MLI

Ekrokromɛi Hu Nɛ

Wɔnifeemɔi Baanyɛ Adɔ Nyɔŋmɔ—Bɔ ni Wɔbaafee Wɔha Ená Miishɛɛ

Ani ole akɛ onifeemɔ baanyɛ adɔ Yehowa loo ebaaha ená miishɛɛ? Kanemɔ ni ona bɔ ni Adam kɛ Hawa fee Yehowa nidɔɔnii.