Zefania 3:1-20

  • Yerusalem, maŋ ni tseɔ atua, ní feɔ nifɔjianii (1-7)

  • Kojomɔ kɛ maŋ lɛ ni abaatswa ama shi ekoŋŋ (8-20)

    • Abaatsake amɛwiemɔ lɛ afee lɛ wiemɔ krɔŋŋ (9)

    • Abaahere heshibalɔi kɛ mɛi ni bɛ nɔ ko mli (12)

    • Yehowa baanya Zion he (17)

3  Kpoo hã maŋ ni tseɔ atua, ní ewo ehe muji, ní yitsoŋ wa lɛ!+   Ebooo gbee ko gbee ko toi;+ ekpɛlɛɛɛ tsɔsemɔ ko tsɔsemɔ ko.+ Ekɛ ehiɛ efɔ̃ɔɔ Yehowa nɔ;+ etsiii ebɛŋkɛɛɛ e-Nyɔŋmɔ lɛ.+   Emli lumɛi lɛ, jatai ni hũɔ ji amɛ.+ Ekojolɔi lɛ, gbɛkɛ ŋa mli gbei ji amɛ;Amɛshiii wu kome po ni je atsɛre nɔ koni akpe.   Egbalɔi lɛ ebuuu nɔ ko nɔ ko, ni amɛyeee anɔkwa.+ Esɔfoi lɛ buleɔ krɔŋkrɔŋ nii;+Amɛkuɔ mla lɛ mli.+   Jalɔ ji Yehowa yɛ eteŋ;+ efeee nɔ ko ni ejaaa. Daa leebi lɛ, ehãa aleɔ ekojomɔi lɛ,+Ekpaaa, tamɔ jetsɛremɔ la jeɔ daa lɛ. Shi mɔ ni ejaaa lɛ, nɔ ko nɔ ko efeee lɛ hiɛgbele.+   “Mikpãtã jeŋmaji ahiɛ; ashi amɛkoji anɔ mɔji* lɛ amaŋfɔ. Mikpãtã amɛgbɛjegbɛi lɛ ahiɛ, bɔ ni mɔ ko mɔ ko tsɔɔɔ jɛmɛ kɛhooo. Ahã amɛmaji lɛ tsɔmɔ koikoi, gbɔmɔ ko gbɔmɔ ko bɛ mli, hɛɛ, mɔ ko mɔ ko bɛ mli.+   Mikɛɛ akɛ, ‘Bɔ fɛɛ bɔ ni fee lɛ, obaashe mi gbeyei ni obaakpɛlɛ tsɔsemɔ,’*+ Koni akakpãtã eshihilɛhe lɛ hiɛ+—Mahã ebu ehe akɔntaa* yɛ nibii nɛɛ fɛɛ ahewɔ. Shi amɛtswa amɛfai shi moŋ akɛ amɛbaaya nɔ amɛfee nibii fɔji.+   ‘No hewɔ lɛ, nyɛyaa nɔ nyɛkwɛa mi gbɛ,’*+ Yehowa kɛɛ,‘Kɛyashi gbi ni mate shi maloo nibii,*Ejaakɛ mikpɛ miyiŋ akɛ mabua jeŋmaji anaa, mabua maŋtsɛyelii anaa,Koni mafɔse mimlila lɛ, mimlifu ni naa wa lɛ fɛɛ mashwie amɛnɔ;+Ejaakɛ mihiɛdɔɔ lɛ la lɛ baashã shikpɔŋ muu lɛ fɛɛ.+   Ejaakɛ nakai beiaŋ lɛ, matsake majimaji lɛ awiemɔ mafee lɛ wiemɔ krɔŋŋ,Koni amɛ fɛɛ kwa amɛtsɛ Yehowa gbɛ́i lɛ,Ní amɛfee ekome kɛsɔmɔ lɛ.’*+ 10  Etiopia fai lɛ akpokpaa lɛ nɔ tɔ̃ɔMɛi ni kpaa mi fai, ni ji miwebii ni agbɛ amɛ ashwã lɛ biyoo lɛ, baajɛ amɛkɛ nikeenii abahã mi.+ 11  Nakai gbi lɛ nɔ lɛ, awoŋ bo hiɛgbeleYɛ onifeemɔi fɛɛ ni okɛtse mihiɛ atua lɛ he,+Ejaakɛ nakai beiaŋ lɛ, majie henɔwolɔi ni shwãa lɛ kɛje oteŋ;Ni owóŋ ohe nɔ dɔŋŋ yɛ migɔŋ krɔŋkrɔŋ lɛ nɔ.+ 12  Mahã eshwɛ heshibalɔi kɛ mɛi ni bɛ yelikɛbualɔ yɛ oteŋ,+Ni amɛbaaba abo yɛ Yehowa gbɛ́i lɛ mli. 13  Israelbii ni eshwɛ+ lɛ efeŋ nɔ ko ni ejaaa;+Amɛmaleŋ, ni anaŋ lakamɔ lilɛi ko yɛ amɛdaaŋ;Amɛbaaye nii* ni amɛbaabumɔ shi, ni mɔ ko mɔ ko woŋ amɛhe gbeyei.”+ 14  Zion biyoo, nya waa! Israel, bɔɔ kunimyeli oshe!+ Yerusalem biyoo, nya ní omii ashɛ ohe kɛ otsui fɛɛ!+ 15  Yehowa ejie kojomɔi lɛ kɛje onɔ.+ Eshwie ohenyɛlɔ lɛ kɛtee.+ Yehowa, Israel Maŋtsɛ lɛ, yɛ oteŋ.+ Osheŋ amanehulu ko gbeyei dɔŋŋ.+ 16  Nakai gbi lɛ nɔ lɛ, abaakɛɛ Yerusalem akɛ: “Zion, kaashe gbeyei.+ Kaahã onijiaŋ miigbɔjɔ. 17  Yehowa, o-Nyɔŋmɔ lɛ, yɛ oteŋ.+ Akɛ hewalɔ lɛ, ebaahere yiwala. Ebaanya ohe kɛ miishɛɛ kpele.+ Ebaafee diŋŋ* yɛ esuɔmɔ lɛ mli. Ebaanya ohe kɛ miishɛɛ gbee. 18  Mɛi ni yeɔ awerɛho akɛni amɛbafataaa ohe yɛ ogbii juji lɛ ashishi lɛ hewɔ lɛ, mabua amɛnaa;+Amɛbafataaa ohe ejaakɛ ehorabɔɔ lɛ kã amɛnɔ.+ 19  Naa! Nakai beiaŋ lɛ, mate shi mawo mɛi fɛɛ ni waa bo yi lɛ;+Ni mahere mɔ ni tsutsɔɔ lɛ yiwala,+Ni mabua mɛi ni agbɛ amɛ ashwã lɛ anaa.+ Maŋɔ amɛ mafee yijiemɔ nɔ kɛ gbɛ́ihemɔ nɔ*Yɛ shikpɔji fɛɛ ni amɛhiɛ shwie shi yɛ nɔ lɛ anɔ. 20  Nakai beiaŋ lɛ, mikɛ nyɛ baaba,Be ni mabua nyɛnaa lɛ. Ejaakɛ maŋɔ nyɛ mafee gbɛ́ihemɔ nɔ* kɛ yijiemɔ nɔ+ yɛ shikpɔŋ lɛ nɔ majimaji fɛɛ ateŋ,Be ni mabua omɛi ni aŋɔ amɛ nom lɛ anaa kɛku sɛɛ kɛba yɛ ohiɛ lɛ,” Yehowa kɛɛ.+

Shishigbɛ Niŋmaa

Ni ji, mɔji ni yɔɔ amɛgbogboi lɛ akoji lɛ.
Loo “jajemɔ.”
Loo “Magbala etoi.”
Loo “nyɛtoa nyɛtsui shi nyɛmɛa mi.”
Shishitsɔɔmɔi komɛi kɛɔ akɛ, “mate shi akɛ odasefonyo.”
Hebri sht. ŋm., “Ní amɛkɛ kɔɔŋ kome asɔmɔ lɛ.”
Loo “Amɛbaakpe jwɛi.”
Loo “Ehe baajɔ lɛ; Etsui baanyɔ emli.”
Hebri sht. ŋm., “kɛ gbɛ́i.”
Hebri sht. ŋm., “maŋɔ nyɛ mafee gbɛ́i.”