Zakaria 9:1-17

  • Nyɔŋmɔ kojo jeŋmaji ni bɔle shi lɛ (1-8)

  • Zion maŋtsɛ lɛ miiba (9, 10)

    • Maŋtsɛ heshibalɔ ni ta teji nɔ (9)

  • Abaaŋmɛɛ Yehowa maŋbii lɛ ahe (11-17)

9  Sane ni ajaje atsɔɔ nɛ: “Yehowa ewie eshi Hadrak shikpɔŋ lɛ,Ni Damasko tuuntu he ebaasa*+—Ejaakɛ Yehowa hiŋmɛi yɛ adesai+Kɛ Israel wekui lɛ fɛɛ anɔ—   Ni ewie eshi Hamat+ ní kɛ lɛ je husu lɛ,Kɛ Tiro+ kɛ Sidon+ hu, ejaakɛ amɛhiɛ kã shi tsɔ.+   Tiro tswa kpoku* ehã ehe. Ebua jwiɛtɛi naa tamɔ muluKɛ shika tsuru hu naa tamɔ gbɛjegbɛi anɔ shia.+   Naa! Yehowa baashɔ̃ enibii lɛ yɛ edɛŋ,Ni ebaatswia esraafoi lɛ nii ewo ŋshɔ lɛ mli;*+Ni akɛ la baashã lɛ.+   Ashkelon baana ni ebaashe gbeyei;Gaza baana nɔ waa,Kɛ Ekron hu, ejaakɛ ashwie mɔ ni ehiɛ kã enɔ lɛ hiɛ shi. Maŋtsɛ hiɛ baakpãtã yɛ Gaza,Ni mɔ ko ehiŋ Ashkelon.+   Gbɔ* baahi Ashdod,Ni mafo Filistibii lɛ ashwãa lɛ sɛɛ.+   Majie nibii ni lá yɔɔ he lɛ kɛje edaaŋ,Kɛ nyaŋemɔ nibii lɛ kɛje enyanyɔji ateŋ,Ni abaashi lɛ ahã wɔ-Nyɔŋmɔ lɛ;Ni ebaatsɔ tamɔ sheik* yɛ Yuda,+Ni Ekron hu baatsɔ tamɔ Yebusnyo.+   Mabɔ nsara tamɔ bulɔ* kɛbu mishĩa lɛ he,+Koni mɔ ko akatsɔ mli kɛho, ní mɔ ko hu akaku esɛɛ;Ni mɔ ni nyɛɔ mɛi anɔ ni amɛtsu nii* hu tsɔŋ mli dɔŋŋ,+Ejaakɛ agbɛnɛ mina kɛ mihiŋmɛii.*   Zion biyoo, nya waa. Yerusalem biyoo, bɔɔ kunimyeli oshe. Naa! Omaŋtsɛ lɛ miiba oŋɔɔ.+ Jalɔ ji lɛ, ni ekɛ yiwalaheremɔ miiba,*Ebaa ehe shi,+ ni eta teji nɔ,Eta teji bi* nɔ, hɛɛ, eta tejiyoo bi ko nɔ.+ 10  Mashɔ̃ ta shwiili yɛ Efraim dɛŋ,Kɛ okpɔŋɔ hu yɛ Yerusalem dɛŋ. Abaashɔ̃ ta gãi lɛ kɛya. Ni ebaashiɛ toiŋjɔlɛ ehã jeŋmaji lɛ;+Enɔyeli lɛ baajɛ ŋshɔnaa kɛyagbee ŋshɔnaaNi ebaajɛ Faa* lɛ naa kɛyashi shikpɔŋ lɛ naagbeehei lɛ.+ 11  Ni bo yoo hu, matsɔ okpaŋmɔ lɛ nɔ lá lɛ nɔMajie ogboklɛfoi lɛ kɛaaje bu ni nu bɛ mli lɛ mli.+ 12  Nyɛ gboklɛfoi ni yɔɔ hiɛnɔkamɔ, nyɛkua nyɛsɛɛ kɛbaa teemɔhe lɛ.+ Ŋmɛnɛ gbi nɛɛ, miikɛɛ bo akɛ,‘Bo yoo, mato bo najiaŋ toi enyɔ.+ 13  Ejaakɛ madɔ Yuda mli* tamɔ migãi. Mikɛ Efraim baawo gãi lɛ mli,*Ni matee bo, Zion, obihii lɛ ashiMawo bo, Grees, obihii lɛ,Ni mahã otsɔ tamɔ tawulɔ klante.’ 14  Abaana Yehowa yɛ amɛnɔ,Ni egãimlibi lɛ baafã kpo tamɔ sarawa. Nuŋtsɔ Ofe Yehowa baakpã tɛtɛrɛmantɛrɛ,*+Ni ebaafã kɛya kɛ wuoyigbɛ ahum lɛ. 15  Yehowa, taiatsɛ lɛ, baafã amɛhe,Ni amɛbaakpãtã akromia tɛi lɛ ahiɛ, ni amɛbaaye amɛnɔ.+ Amɛbaanu nii, ni amɛbaafee hoo, tamɔ nɔ ni amɛnu wain;Ni amɛbaayimɔ obɔbɔ tamɔ tsɛnsi,Tamɔ afɔleshaa latɛ lɛ koji lɛ.+ 16  Yehowa, amɛ-Nyɔŋmɔ lɛ, baahere amɛyiwala yɛ nakai gbi lɛ nɔAkɛ emaŋ lɛ tooku;+Ejaakɛ amɛbaatamɔ akekere* he ojarawatɛi ni kpɛlɛɔ yɛ eshikpɔŋ lɛ nɔ.+ 17  Kwɛ bɔ ni ekpakpa ni efeɔ lɛ fa waa hã,+Ni kwɛ bɔ ni ehe yɔɔ fɛo waa hã! Ŋmaa* kɛ wain hee baahã oblahiiKɛ oblayei froi lɛ aná hewalɛ.”+

Shishigbɛ Niŋmaa

Hebri sht. ŋm., “Damasko ji ehejɔɔmɔhe.”
Loo “Tiro ma mɔɔ.”
Shishitsɔɔmɔi komɛi kɛɔ akɛ, “yɛ ŋshɔ lɛ hiɛ.”
Loo “Ajwamaŋbi.”
Sheik ji wekunukpa.
Loo “asraafoi akuu.”
Loo “yiwalɔ ko.”
Eeenyɛ efee akɛ, ena emaŋ lɛ yi ni awaa lɛ.
Loo “ni eye kunim; ni ahere eyiwala.”
Loo “tejinuu.”
Ni ji, Yufrate Faa lɛ.
Hebri sht. ŋm., “manaa Yuda nɔ.”
Ni tsɔɔ akɛ, ekɛ Efraim baawo gãi lɛ mli tamɔ gãimlibi.
Hebri sht. ŋm., “akolonto.”
Loo “maŋtsɛ fai.”
Ŋmaa ní awieɔ he yɛ biɛ lɛ ji wiiti, abele, omɔ, kɛ amɛhenɔi lɛ eko.