Zakaria 7:1-14

  • Yehowa wie eshi ŋmaa ni ahiɔ ni jɛɛɛ tsui mli lɛ (1-14)

    • “Ani mi nyɛhi ŋmaa lɛ nyɛhã?” (5)

    • ‘Nyɛkɛ nyɛhe ayea yɛ jalɛ naa, nyɛjiea suɔmɔ ni tsakeee kɛ mɔbɔnalɛ kpo nyɛtsɔa nyɛhe’ (9)

7  Ni Maŋtsɛ Dario nɔyeli afi ni ji ejwɛ lɛ mli lɛ, Yehowa kɛ Zakaria+ wie yɛ nyɔɔŋ ni ji nɛɛhu, ni ji Kislev* nyɔɔŋ lɛ nɔ gbi ni ji ejwɛ lɛ nɔ.  Betelbii lɛ tsu Sharezer kɛ Regem-melek kɛ ewebii lɛ koni amɛbakpa Yehowa fai ní ena amɛ mɔbɔ,  ní amɛbabi osɔfoi lɛ ni yɔɔ Yehowa, taiatsɛ lɛ, shĩa* lɛ kɛ gbalɔi lɛ akɛ: “Ani mifó yɛ nyɔɔŋ ni ji enumɔ+ lɛ nɔ ní mikaye nii, tamɔ bɔ ni mifee afii babaoo nɛ lɛ?”  Yehowa, taiatsɛ lɛ, kɛɛ mi ekoŋŋ akɛ:  “Bi shikpɔŋ lɛ nɔ bii lɛ fɛɛ kɛ osɔfoi lɛ akɛ, ‘Be ni nyɛhi ŋmaa ni nyɛfó waa yɛ nyɔɔŋ ni ji enumɔ lɛ nɔ kɛ nyɔɔŋ ni ji kpawo+ lɛ nɔ afii 70 lɛ,+ ani mi nyɛhi ŋmaa lɛ nyɛhã?  Ni be ni nyɛye nii ni nyɛnu nii lɛ, ani jeee nyɛ diɛŋtsɛ nyɛhe nyɛye ni nyɛnu nyɛhã?  Be ni mɛi yɔɔ Yerusalem kɛ emaji ni bɔle ehe lɛ amli ní amɛyɛ toiŋjɔlɛ, kɛ be ni mɛi yɔɔ Negeb lɛ kɛ Shefela lɛ, ani kulɛ esaaa akɛ nyɛboɔ wiemɔi ni Yehowa tsɔ tsutsu gbalɔi+ lɛ anɔ ejaje lɛ toi?’”  Yehowa kɛɛ Zakaria ekoŋŋ akɛ:  “Nɔ ni Yehowa, taiatsɛ lɛ, kɛɛ nɛ, ‘Nyɛkojoa yɛ anɔkwa jalɛ naa,+ ni nyɛjiea suɔmɔ ni tsakeee+ kɛ mɔbɔnalɛ kpo nyɛtsɔa nyɛhe. 10  Nyɛkashishiua yoo okulafo loo gbekɛ ni bɛ tsɛ,*+ gbɔ+ loo ohiafo;+ ni nyɛteŋ mɔ ko mɔ ko akato enyɛmi he ŋaa fɔŋ yɛ etsui mli.’+ 11  Shi amɛtee nɔ amɛtsɔɔ akɛ amɛsumɔɔɔ ní amɛboɔ toi,+ ni amɛfee amɛhe kuɛŋtilɔi,*+ ni amɛtsimɔ amɛtoii koni amɛkanu.+ 12  Amɛfee amɛtsui tamɔ daimɔnd,*+ ni amɛbooo mla* lɛ kɛ wiemɔi ni Yehowa, taiatsɛ lɛ, tsɔ emumɔ lɛ nɔ ekɛtsu tsutsu gbalɔi lɛ toi.+ No hewɔ lɛ, Yehowa, taiatsɛ lɛ, mli wo la waa ewo amɛ.”+ 13  “‘Bɔ ni amɛbooo toi be ni mibo mitsɛ amɛ* lɛ,+ nakai nɔŋŋ mi hu mibooo toi be ni amɛbolɔ amɛtsɛ mi lɛ,’+ Yehowa, taiatsɛ lɛ kɛɛ. 14  ‘Ni mikɛ ahum gbɛ amɛ mishwã jeŋmaji fɛɛ ni amɛleee lɛ amli,+ ni shikpɔŋ lɛ tsɔ amaŋfɔ yɛ amɛsɛɛ, mɔ ko mɔ ko tsɔɔɔ nɔ kɛhooo lɛ, mɔ ko mɔ ko hu ekuuu esɛɛ;+ ejaakɛ amɛhã shikpɔŋ ni asumɔɔ lɛ tsɔ nɔ ni hãa mɔ naa kpɛɔ ehe.’”

Shishigbɛ Niŋmaa

Loo “sɔlemɔ shĩa.”
Loo “awusã.”
Loo “ni amɛkɛ kuɛŋtimɔ tsɔmɔ amɛsɛɛ.”
Shishitsɔɔmɔi komɛi kɛɔ akɛ, “tɛ ni wa,” tamɔ ojarawatɛ ni atsɛɔ lɛ emeri tɛ lɛ.
Loo “gbɛtsɔɔmɔ.”
Hebri sht. ŋm., “be ni ebo etsɛ amɛ.”