Zakaria 3:1-10

  • Ninaa 4: Atsake osɔfonukpa lɛ atadei lɛ (1-10)

    • Satan te shi ewo Osɔfonukpa Yoshua (1)

    • “Mahã mitsulɔ ni ji Tso Ni Etsɛ̃ lɛ aba!” (8)

3  Ni etsɔɔ mi Osɔfonukpa Yoshua+ ní edamɔ Yehowa bɔfo lɛ hiɛ, ni Satan+ damɔ Yoshua ninejurɔ nɔ koni ete shi ewo lɛ.  Kɛkɛ ni Yehowa bɔfo lɛ kɛɛ Satan akɛ: “Yehowa akã ohiɛ, Satan,+ hɛɛ, Yehowa, mɔ ni hala Yerusalem lɛ,+ akã ohiɛ! Ani jeee tso kɛ enaa la ni afã yɛ la mli ji mɔ nɛ?”  No mli lɛ, Yoshua wo atadei mujimuji, ni edamɔ ŋwɛibɔfo lɛ hiɛ.  Ŋwɛibɔfo lɛ kɛɛ mɛi ni damɔ ehiɛ lɛ akɛ, “Nyɛjiea etadei mujimuji lɛ yɛ ehe.” Ni ekɛɛ lɛ akɛ, “Naa, mihã otɔmɔ* lɛ eje ohe etee, ni abaawo bo atadei kpakpai.”*+  No hewɔ lɛ, mikɛɛ: “Akɛ yitsofiinɔ ni he tse afĩ eyitso.”+ Ni amɛkɛ yitsofiinɔ ni he tse fĩ eyitso, ni amɛwo lɛ atadei; ni Yehowa bɔfo lɛ damɔ jɛmɛ.  Kɛkɛ ni Yehowa bɔfo lɛ kɛɛ Yoshua akɛ:  “Nɔ ni Yehowa, taiatsɛ lɛ, kɛɛ nɛ, ‘Kɛji obaanyiɛ migbɛi lɛ anɔ, ni obaatsu osɔ̃i lɛ ahe nii yɛ mihiɛ lɛ, no lɛ, obaatsɔ kojolɔ yɛ mishĩa lɛ,+ ni obaakwɛ mikpoi lɛ anɔ;* ni mahã oná hegbɛ kɛba mihiɛ tamɔ mɛi ni damɔ biɛ lɛ nɔŋŋ.’  “‘Osɔfonukpa Yoshua, ofainɛ, bo toi, bo kɛ onanemɛi ni taraa ohiɛ lɛ, ejaakɛ hii nɛɛ ji okadi; naa! mahã mitsulɔ+ ni ji Tso Ni Etsɛ̃+ lɛ aba!  Naa tɛ ni mikɛma Yoshua hiɛ lɛ! Hiŋmɛii kpawo yɛ tɛ kome lɛ nɔ; ni makpɛ́ niŋmaa ko yɛ nɔ, ni majie nakai shikpɔŋ lɛ fɔyeli lɛ kɛya yɛ gbi kome mli,’ Yehowa, taiatsɛ lɛ kɛɛ.+ 10  “‘Nakai gbi lɛ nɔ lɛ,’ Yehowa kɛɛ, ‘nyɛteŋ mɔ fɛɛ mɔ baafɔ̃ enaanyo nine kɛba ewain tso shishi kɛ egbami tso shishi.’”+

Shishigbɛ Niŋmaa

Loo “ofɔyeli.”
Loo “gbi jurɔ atadei.”
Loo “obaabu mikpoi lɛ ahe.”