Zakaria 13:1-9

  • Abaajie amagai kɛ amale gbalɔi kɛje shikpɔŋ lɛ nɔ (1-6)

    • Amale gbalɔi ahiɛ baagboi (4-6)

  • Abaatswa tookwɛlɔ lɛ nɔ (7-9)

    • Abaatsuu mlijai etɛ mli ekome he (9)

13  “Nakai gbi lɛ nɔ lɛ, abaagbele nubu ko naa ahã David shĩa lɛ kɛ Yerusalembii lɛ, koni akɛtsuu amɛhe kɛjɛ esha kɛ muji mli.+  “Nakai gbi lɛ nɔ lɛ,” Yehowa, taiatsɛ lɛ kɛɛ, “Magbe amagai lɛ agbɛ́ii lɛ kɛje shikpɔŋ lɛ nɔ,+ ni akaiŋ amɛ dɔŋŋ; ni majie gbalɔi lɛ kɛ mumɔ ni hãa afeɔ nibii ni he tseee lɛ kɛje shikpɔŋ lɛ nɔ.+  Ni kɛji mɔ ko aaagba ekoŋŋ lɛ, epapa kɛ emami ni fɔ lɛ lɛ baakɛɛ lɛ akɛ, ‘Ohiŋ wala mli, ejaakɛ owie amale wiemɔi yɛ Yehowa gbɛ́i lɛ mli.’ Ni epapa kɛ emami ni fɔ lɛ lɛ baatsu lɛ nɔ yɛ gba ni egbaa lɛ hewɔ.+  “Nakai gbi lɛ nɔ lɛ, gbalɔi lɛ ateŋ mɔ fɛɛ mɔ hiɛ baagbo yɛ eninaa lɛ hewɔ, be fɛɛ be ni ebaagba; ni amɛwoŋ gbalɔ atade ni akɛ kooloo hetsɔi fee+ kɛlakaŋ mɛi.  Ni ebaakɛɛ akɛ, ‘Jeee gbalɔ ji mi. Nuu ni huɔ shikpɔŋ lɛ nɔ ji mi, ejaakɛ mɔ ko hé mi be ni miji gbekɛ lɛ.’  Ni kɛji mɔ ko bi lɛ akɛ, ‘Mɛɛ faji yɔɔ okɔɔji ateŋ nɛɛ?’* ebaahã hetoo akɛ, ‘Miná faji nɛɛ yɛ minanemɛi* ashĩa.’”   “Bo klante, tee shi owo mitookwɛlɔ lɛ,+Tee shi owo nuu ni ji minaanyo lɛ,” Yehowa, taiatsɛ lɛ kɛɛ. “Tswaa tookwɛlɔ lɛ nɔ,+ ní tooku* lɛ agbɛ ashwã;+Ni madɔ minine mato mɛi ni ji mɛi bibii lɛ anɔ.”   “Ni yɛ shikpɔŋ lɛ fɛɛ nɔ lɛ,” Yehowa kɛɛ,“Abaafolɔ mɛi ni yɔɔ nɔ lɛ amlijai etɛ mli enyɔ ashwie, ni amɛhiɛ baakpãtã;*Ni abaashi mlijai etɛ mli ekome lɛ yɛ nɔ.   Ni mikɛ mlijai etɛ mli ekome lɛ baatsɔ la mli;Ni matsuu amɛhe tamɔ atsuɔ jwiɛtɛi he lɛ,Ni maka amɛ makwɛ tamɔ akaa shika tsuru akwɛɔ lɛ,+ Amɛbaabo amɛtsɛ migbɛ́i lɛ,Ni mahere amɛ nɔ. Makɛɛ akɛ, ‘Mimaŋ ji amɛ,’+ Ni amɛ hu amɛbaakɛɛ akɛ, ‘Yehowa ji wɔ-Nyɔŋmɔ.’”

Shishigbɛ Niŋmaa

Hebri sht. ŋm., “Mɛɛ faji yɔɔ oniji ateŋ nɛɛ?” Ni tsɔɔ akɛ, faji lɛ yɛ etsitsi nɔ loo ekotosɛɛ.
Loo “mɛi ni sumɔɔ mi.”
Loo “gwantɛŋi.”
Loo “amɛbaagboi.”