Zakaria 11:1-17

  • Nɔ ni baa kɛji akpoo Nyɔŋmɔ anɔkwa tookwɛlɔ lɛ (1-17)

    • “Kwɛmɔ tooku ni ato akɛ abaagbe amɛ lɛ anɔ” (4)

    • Dɛhiɛmɔtsei enyɔ: Mlihilɛ kɛ Ekomefeemɔ (7)

    • Tookwɛlɔ nyɔmɔwoo: Jwiɛtɛi kapɛji 30 (12)

    • Ashɛrɛ shika lɛ ashwie he ni akɛ oniai lɛ toɔ lɛ (13)

11  “Lebanon, gbelemɔ oshinai lɛ,Koni la ashã otseneduru tsei lɛ.   Bo junipa tso, fó waa, ejaakɛ tseneduru tso lɛ egbee shi;Akpãtã tsei wuji lɛ ahiɛ! Nyɛ Bashan ooki tsei, nyɛfóa waa,Ejaakɛ koo hayii lɛ eba shi!   Nyɛboa toi! Tookwɛlɔi miifó waa,Ejaakɛ akpãtã amɛnunyam lɛ hiɛ. Nyɛboa toi! Jatai* miihũu,Ejaakɛ akpãtã Yordan lɛ he koo hayii lɛ hiɛ.  “Nɔ ni Yehowa, mi-Nyɔŋmɔ lɛ, kɛɛ nɛ, ‘Kwɛmɔ tooku ni ato akɛ abaagbe amɛ lɛ nɔ,+  mɛi ni amɛhélɔi lɛ gbeɔ amɛ,+ ní abuuu amɛ fɔ lɛ. Ni mɛi ni hɔ̃ɔ amɛ+ lɛ kɛɔ akɛ, “Ajie Yehowa yi, ejaakɛ matsɔ niiatsɛ.” Ni amɛkwɛlɔi lɛ amusuŋ etsɔɔɔ amɛ yɛ amɛhewɔ.’+  “‘Ejaakɛ mimusuŋ etsɔŋ mi yɛ shikpɔŋ lɛ nɔ bii lɛ ahewɔ dɔŋŋ,’ Yehowa kɛɛ. ‘No hewɔ lɛ, mahã amɛteŋ mɔ fɛɛ mɔ agbee enaanyo kɛ emaŋtsɛ dɛŋ; ni amɛbaakpãtã shikpɔŋ lɛ hiɛ, ni mijieŋ amɛ yɛ amɛdɛŋ.’”  Ni mibɔi tooku ni ato akɛ abaagbe amɛ lɛ nɔ kwɛmɔ+ yɛ nyɛ, ni ji tooku lɛ ateŋ mɛi ni naa nɔ lɛ ahewɔ. No hewɔ lɛ, mikɔlɔ dɛhiɛmɔtsei enyɔ, ni mitsɛ ekome Mlihilɛ, kɛ ekroko lɛ hu Ekomefeemɔ,+ ni mibɔi tooku lɛ anɔ kwɛmɔ.  Ni mishwie tookwɛlɔi etɛ yɛ nyɔɔŋ kome mli, ejaakɛ minyɛɛɛ mato mitsui shi mahã amɛ* dɔŋŋ, ni amɛ hu amɛnyaŋe mi.*  Ni mikɛɛ akɛ: “Mikwɛŋ nyɛnɔ dɔŋŋ. Mɔ ni gboɔ lɛ agbo, ni mɔ ni hiɛ kpãtãa lɛ hiɛ akpãtã. Shi mɛi ni baashwɛ lɛ, amɛteŋ mɔ fɛɛ mɔ aye enaanyo loo.” 10  No hewɔ lɛ, mikɔ midɛhiɛmɔtso ni ji Mlihilɛ lɛ,+ ni mifo mli, ni mikɛku mikpaŋmɔ ni mikɛ maji lɛ fɛɛ fee lɛ mli. 11  No hewɔ lɛ, aku mli yɛ nakai gbi lɛ nɔ, ni tooku lɛ ateŋ mɛi ni naa nɔ, ní miikwɛ mi lɛ ná le akɛ Yehowa wiemɔ ni. 12  Ni mikɛɛ amɛ akɛ: “Kɛji esa nyɛhiɛ lɛ, nyɛkɛ minyɔmɔwoo lɛ ahãa mi; shi kɛjeee nakai lɛ, no lɛ, nyɛhãa ahia shi.” Ni amɛwo mi nyɔmɔ lɛ,* jwiɛtɛi kapɛji 30.+ 13  Ni Yehowa kɛɛ mi akɛ: “Shɛrɛmɔ oshwie he ni akɛ oniai lɛ toɔ lɛ—miyi jara ni nɔ bɛ ni amɛwo lɛ.”+ No hewɔ lɛ, mikɔlɔ jwiɛtɛi kapɛji 30 lɛ ni miyashɛrɛ mishwie Yehowa shĩa lɛ he ni akɛ oniai lɛ toɔ lɛ.+ 14  Kɛkɛ ni mifo mitso ni ji enyɔ lɛ, ni ji Ekomefeemɔ lɛ mli,+ ni mikɛku nyɛmifeemɔ ni yɔɔ Yuda kɛ Israel teŋ lɛ mli.+ 15  Ni Yehowa kɛɛ mi akɛ: “Agbɛnɛ, kɔlɔmɔ tookwɛlɔ ni he bɛ sɛɛnamɔ nitsumɔ dadei.+ 16  Ejaakɛ mahã tookwɛlɔ ko ate shi yɛ shikpɔŋ lɛ nɔ. Ekwɛŋ gwantɛŋi ni hiɛ miikpãtã lɛ;+ etaoŋ amɛteŋ mɛi ni darako lɛ, etsaŋ mɛi ni epila lɛ,+ ni ehãŋ mɛi ni nyɛɔ amɛdamɔɔ shi lɛ hu niyenii. Shi moŋ, ebaaye gwantɛŋi ni eshwishwii lɛ aloo,+ ni ebaafamɔ amɛnane tokotai* lɛ.+ 17  Kpoo hã mitookwɛlɔ ni he bɛ sɛɛnamɔ,+ ní shiɔ tooku lɛ!+ Klante baabã enine kɛ eninejurɔ hiŋmɛi. Enine baagbo kwraa,Ni eninejurɔ hiŋmɛi baashwila* kwraa.”

Shishigbɛ Niŋmaa

Loo “Jata oblahii kɛ amɛkuɛ he tsɔi.”
Loo “misusuma nyɛɛɛ ato etsui shi ehã amɛ.”
Loo “amɛsusuma nyaŋe mi.”
Hebri sht. ŋm., “amɛŋmɛ minyɔmɔwoo lɛ amɛhã mi.”
Loo “koklotoi.”
Hebri sht. ŋm., “hiŋmɛi nɔ baaha.”