Yona 3:1-10

  • Yona bo Nyɔŋmɔ toi ni etee Ninive (1-4)

  • Ninivebii lɛ tsake amɛtsui be ni amɛnu Yona wiemɔ lɛ (5-9)

  • Nyɔŋmɔ kpɛ eyiŋ akɛ ekpãtãŋ Ninive hiɛ (10)

3  Ni Yehowa kɛ Yona wie nɔ ni ji shii enyɔ nɔ akɛ:+  “Tee shi ní oya Ninive+ maŋ kpeteŋkpele lɛ mli, ní oyashiɛ sane ni makɛɛ bo lɛ otsɔɔ amɛ.”  No hewɔ lɛ, Yona bo Yehowa wiemɔ lɛ toi,+ ni ete shi etee Ninive.+ No mli lɛ, Ninive lɛ, maŋ wulu diɛŋtsɛ ni*—efeɔ gbii etɛ gbɛnyiɛmɔ.  Ni Yona bote maŋ lɛ mli, enyiɛ gbi kome gbɛnyiɛmɔ, ni eeshiɛ akɛ: “Biɛ gbii 40 lɛ, abaabutu Ninive.”  Ni Ninivebii lɛ he Nyɔŋmɔ nɔ amɛye,+ ni amɛshiɛ ní ahi ŋmaa, ni amɛbumɔ kpekpe, kɛjɛ amɛteŋ mɔ wulu fe fɛɛ nɔ kɛyashi amɛteŋ mɔ bibioo fe fɛɛ nɔ.  Be ni sane lɛ yashɛ Ninive maŋtsɛ lɛ ŋɔɔ lɛ, ete shi kɛjɛ emaŋtsɛ sɛi lɛ nɔ ni ejie emaŋtsɛ atade lɛ yɛ ehe efɔ̃ shi, ni ebu kpekpe, ni eho eta lamulu mli.  Agbɛnɛ hu, ehã ashiɛ yɛ Ninive fɛɛ akɛ,“Maŋtsɛ lɛ kɛ ebladei lɛ efã akɛ: Gbɔmɔ loo kooloo ko, tsina loo too ko akaye nɔ ko nɔ ko kwraa. Amɛkaye nii, ni amɛkanu nu hu.  Gbɔmɛi kɛ kooloi fɛɛ abumɔ kpekpe; ní amɛkɛ hiɛdɔɔ abolɔ amɛtsɛ Nyɔŋmɔ, ní amɛje amɛgbɛi fɔji lɛ anɔ kɛ amɛyiwalɛ nifeemɔi lɛ ahe.  Namɔ aaale akɛ, ekolɛ anɔkwa Nyɔŋmɔ lɛ baatsake ejwɛŋmɔ* yɛ nɔ ni eto eyiŋ akɛ ebaafee lɛ he, ni ebaaŋmɛɛ emli ni efu waa lɛ he, koni wɔhiɛ akakpãtã?” 10  Be ni anɔkwa Nyɔŋmɔ lɛ na nɔ ni amɛfee, ni ji bɔ ni amɛje amɛgbɛi fɔji lɛ anɔ lɛ,+ etsake ejwɛŋmɔ* yɛ amanehulu ni ekɛɛ ekɛbaaba amɛnɔ lɛ he, ni ekɛbaaa amɛnɔ.+

Shishigbɛ Niŋmaa

Hebri sht. ŋm., “maŋ kpeteŋkpele ni yɛ Nyɔŋmɔ hiɛ.”
Loo “baashwa ehe.”
Loo “eshwa ehe.”