Yoel 3:1-21

  • Yehowa kojo jeŋmaji lɛ fɛɛ (1-17)

    • Yehoshafat Jɔɔ lɛ (2, 12)

    • Yiŋkpɛɛ jɔɔ lɛ (14)

    • Yehowa ji mɔɔ ni wa kɛhã Israel (16)

  • Yehowa jɔɔ emaŋ lɛ (18-21)

3  “Naa! nakai gbii lɛ amli kɛ nakai be lɛ mli lɛ,Kɛ́ mikɛ Yudabii kɛ Yerusalembii ni aŋɔ amɛ nom lɛ ku sɛɛ kɛba lɛ,+   Mabua jeŋmaji lɛ fɛɛ hu anaa,Ni mikɛ amɛ baakpeleke shi kɛba Yehoshafat* Jɔɔ lɛ mli. Mikɛ amɛ baaye sane yɛ jɛmɛ+Yɛ mimaŋ kɛ migboshinii, ni ji Israel lɛ hewɔ,Ejaakɛ amɛgbɛ amɛ amɛshwã jeŋmaji lɛ amli,Ni amɛja mishikpɔŋ lɛ amɛhã amɛhe.+   Amɛfɔ̃ oshiki kɛja miwebii lɛ amɛhã amɛhe;+Amɛhɔ̃ɔ gbekɛ nuu kɛwo ashawo yoo nyɔmɔNi amɛhɔ̃ɔ gbekɛ yoo kɛhé wain amɛnu.   Agbɛnɛ hu, Tiro kɛ Sidon kɛ Filistia kpokpai lɛ fɛɛ,Mɛɛ sane nyɛkɛ mi yɔɔ? Ani nyɛmiito mi najiaŋ yɛ nɔ ko ni mifee hewɔ? Kɛ́ nyɛmiito mi najiaŋ lɛ,No lɛ, mihe baafee oya, hɛɛ, oya nɔŋŋ ni makpa nɔ ni nyɛkɛtoɔ mi najiaŋ lɛ mabu nyɛyiteŋ.+   Ejaakɛ nyɛŋɔ mijwiɛtɛi kɛ mishika tsuru lɛ,+Ni nyɛloo mijwetrii kpakpai lɛ kɛtee nyɛjamɔhei lɛ;   Ni nyɛhɔ̃ɔ Yudabii kɛ Yerusalembii lɛ nyɛhã Greekbii lɛ,+Bɔ ni afee ni nyɛjie amɛ kɛjɛ amɛshikpɔŋ lɛ nɔ kɛya shɔŋŋ;   Naa, makanya amɛ koni amɛshi he ni nyɛhɔ̃ɔ amɛ kɛtee lɛ kɛba,+Ni makpa nɔ ni nyɛkɛtoɔ mi najiaŋ lɛ mabu nyɛyiteŋ.   Mahɔ̃ɔ nyɛbihii kɛ nyɛbiyei lɛ mahã Yudabii lɛ,+Ni amɛ hu amɛbaahɔ̃ɔ amɛ amɛhã Shebabii, ni ji jeŋmaŋ ko ni yɔɔ shɔŋŋ lɛ;Hɛɛ, Yehowa diɛŋtsɛ ewie.   Nyɛshiɛa yɛ jeŋmaji lɛ ateŋ akɛ:+ ‘Nyɛsaa nyɛhe nyɛtoa ta!* Nyɛkanyaa hii kãkãlɔi lɛ! Nyɛhãa asraafoi lɛ fɛɛ atsia abɛŋkɛa, nyɛhãa amɛfãa kɛbaa!+ 10  Nyɛkɛ nyɛtsina kɔii anaa dadei lɛ asɔ̃a klantei, ni nyɛkɛ nyɛkaklai ni akɛsaa tsei ahe lɛ asɔ̃a akpɔlɔi. Mɔ ni he waaa lɛ akɛɛ akɛ: “Mihe wa.” 11  Nyɛ jeŋmaji fɛɛ ni jwere shi kɛkpe, nyɛbaa nyɛbayea nyɛbuaa, nyɛbuaa nyɛhe naa kutuu!’”+ Yehowa, hã omɛi ni he wa* lɛ akpeleke shi kɛba jɛmɛ. 12  “Jeŋmaji lɛ akanya amɛhe, ni amɛfã kɛba Yehoshafat Jɔɔ lɛ mli;Ejaakɛ jɛmɛ mata makojo jeŋmaji fɛɛ ni jwere shi kɛkpe lɛ.+ 13  Nyɛkɛ nikpamɔ kakla awoa mli, ejaakɛ ŋmɔshi nii lɛ eshɛ kpamɔ. Nyɛkpelekea shi kɛbaa ni nyɛbanaanaa wain yibii anɔ, ejaakɛ wainŋaa bu lɛ eyi obɔ.+ Wain bui lɛ eyimɔ kɛteke nɔ, ejaakɛ amɛnɔfɔŋfeemɔ lɛ fa babaoo. 14  Mɛi babaoo, hɛɛ, mɛi babaoo yɛ yiŋkpɛɛ jɔɔ lɛ mli,Ejaakɛ Yehowa gbi lɛ ebɛŋkɛ yɛ yiŋkpɛɛ jɔɔ lɛ mli.+ 15  Hulu kɛ nyɔɔŋtsere baawo duŋ,Ni ŋulamii hu baakpa kpɛmɔ. 16  Ni Yehowa baahũu tamɔ jata kɛaajɛ Zion,Ebaawó egbee nɔ kɛaajɛ Yerusalem. Ni ŋwɛi kɛ shikpɔŋ baahoso;Shi Yehowa baatsɔ abobaahe ehã ewebii lɛ,+Ebaatsɔ mɔɔ ni wa ehã Israelbii lɛ. 17  Ni nyɛbaaná nyɛle akɛ miji Yehowa, nyɛ-Nyɔŋmɔ lɛ, mɔ ni hiɔ Zion, migɔŋ krɔŋkrɔŋ lɛ nɔ lɛ.+ Yerusalem baatsɔ he krɔŋkrɔŋ,+Ni gbɔi* tsɔŋ emli kɛhoŋ dɔŋŋ.+ 18  Nakai gbi lɛ nɔ lɛ, wain dɔkɔdɔkɔ baatsere kɛaajɛ gɔji lɛ anɔ,+Mliki* baaho kɛaajɛ gɔŋkpɔi lɛ anɔ,Ni nu baaho yɛ Yuda fai lɛ fɛɛ amli. Nuhiŋmɛi baatue kɛaajɛ Yehowa shĩa lɛ,+Ni ebaayahã Akasia Tsei Jɔɔ* lɛ nu. 19  Shi Ejipt baatsɔ amaŋfɔ,+Ni Edom baatsɔ ŋa kpataa+Yɛ yiwalɛ nii ni amɛfee Yudabii lɛ hewɔ,+Hɛɛ, amɛshwie mɛi ni efeko nɔ ko lɛ alá shi yɛ Yudabii lɛ ashikpɔŋ lɛ nɔ.+ 20  Shi mɛi baahi Yuda be fɛɛ be,Kɛ Yerusalem hu kɛya yinɔi fɛɛ amli.+ 21  Mabu amɛlá* ni mibuko lɛ bem lɛ bem;+Ni Yehowa baahi Zion.”+

Shishigbɛ Niŋmaa

Eshishi ji, “Yehowa Ji Kojolɔ.”
Hebri sht. ŋm., “Nyɛfea ta krɔŋkrɔŋ.”
Loo “hã otawulɔi.”
Loo “mɛikpɔji.”
Loo “Nujɔɔ.”
Loo “fufɔ.”
Loo “amɛlayisɔyeli.”