Yesaia 62:1-12
-
Zion gbɛ́i hee lɛ (1-12)
62 Zion hewɔ lɛ, mibuŋ minaa,+Ni Yerusalem hewɔ lɛ, mifeŋ diŋŋKɛyashi ejalɛ nifeemɔ lɛ baakpɛ tamɔ la kpɛɔ heŋŋ lɛ+Ni eyiwalaheremɔ lɛ baatso tamɔ latso.*+
2 “Bo yoo, jeŋmaji lɛ baana ojalɛ nifeemɔ lɛ,+Ni maŋtsɛmɛi fɛɛ baana onunyam lɛ.+
Ni akɛ gbɛ́i hee baatsɛ bo,+Gbɛ́i ni Yehowa diɛŋtsɛ naabu kɛbaawo bo.
3 Obaatsɔ akekere fɛfɛo yɛ Yehowa dɛŋ,Maŋtsɛmɛi ayitsofiinɔ yɛ o-Nyɔŋmɔ lɛ dɛŋ.
4 Atsɛŋ bo yoo ni akpoo lɛ dɔŋŋ,+Ni atsɛŋ oshikpɔŋ lɛ hu amaŋfɔ dɔŋŋ.+
Shi moŋ abaatsɛ bo akɛ, Miyɛ Ehe Miishɛɛ,+Ni abaatsɛ oshikpɔŋ lɛ akɛ, Mɔ Ni Akpee Lɛ.
Ejaakɛ Yehowa baaná ohe miishɛɛ,Ni oshikpɔŋ lɛ baatsɔ tamɔ mɔ ko ni akpee lɛ.
5 Ejaakɛ tamɔ bɔ ni oblanyo kpeɔ oblayoo fro lɛ,Nakai obihii lɛ baakpee bo.
Bɔ ni ayemforo wu nyaa ayemforo he lɛ,Nakai o-Nyɔŋmɔ lɛ baanya ohe.+
6 Ao Yerusalem, mikɛ bulɔi eto ogbogboi lɛ anɔ.
Jetsɛremɔ fɛɛ kɛ jenamɔ fɛɛ lɛ, amɛfeŋ diŋŋ.
Nyɛ mɛi ni nyɛtsɛɔ Yehowa,Nyɛkajɔa nyɛhe
7 Ni nyɛkahãa ejɔa ehe kɛyashi ebaato Yerusalem ema shi shiŋŋ,Hɛɛ, kɛyashi ebaahã etsɔ yijiemɔ yɛ shikpɔŋ lɛ nɔ.”+
8 Yehowa kɛ eninejurɔ, enine ni yɔɔ hewalɛ lɛ ekã kitã akɛ:
“Mikɛ oŋmaa* lɛ hãŋ ohenyɛlɔi lɛ akɛ amɛniyenii dɔŋŋ,Ni gbɔi hu enuŋ owain hee ni etɔ bo yɛ he lɛ dɔŋŋ.+
9 Shi mɛi ni buaa ŋmaa lɛ naa lɛ ji mɛi ni baaye, ni amɛbaajie Yehowa yi;Ni mɛi ni buaa wain lɛ naa lɛ ji mɛi ni baanu yɛ mihe krɔŋkrɔŋ lɛ kpoi lɛ anɔ.”+
10 Nyɛtsɔa mli, nyɛtsɔa agbói lɛ amli.
Nyɛsaa gbɛ lɛ nyɛhãa maŋ lɛ.+
Nyɛgbáa, nyɛgbáa gbɛjegbɛ lɛ.
Nyɛjiea tɛi yɛ nɔ.+
Nyɛwóa okadi* ko nɔ nyɛhãa majimaji lɛ.+
11 Naa! Yehowa miijaje kɛmiiya shikpɔŋ lɛ naagbeehei lɛ akɛ:
“Nyɛkɛa Zion biyoo lɛ akɛ,‘Naa! Oyiwalaheremɔ lɛ miiba.+
Naa! Ehiɛ jweremɔnɔ yɛ edɛŋ,Ni nyɔmɔ ni ewoɔ lɛ hu yɛ ehiɛ.’”+
12 Abaatsɛ amɛ maŋ krɔŋkrɔŋ, mɛi ni Yehowa ekpɔ̃,+Ni abaatsɛ bo akɛ, Mɔ Ni Ataoɔ Esɛɛ Gbɛ, Maŋ Ni Akpooko Lɛ.+
Shishigbɛ Niŋmaa
^ Loo “jatɛŋ; kɔti.”
^ Ŋmaa ní awieɔ he yɛ yitso nɛɛ mli lɛ ji wiiti, abele, omɔ, kɛ amɛhenɔi lɛ eko.
^ Loo “tso jaŋŋ.”
