Yesaia 60:1-22

  • Yehowa anunyam lɛ kpɛɔ yɛ Zion nɔ (1-22)

    • Tamɔ okpoi ni miiya amɛ–okpotsui amli (8)

    • Shika tsuru yɛ akɔɔble najiaŋ (17)

    • Mɔ bibioo lɛ baatsɔ akpe (22)

60  “Bo yoo, tee shi+ ni okpɛ, ejaakɛ ola lɛ eba. Yehowa anunyam lɛ miikpɛ yɛ onɔ.+   Ejaakɛ naa! duŋ baaha shikpɔŋ lɛ nɔ,Ni duŋ kpii baaha jeŋmaji lɛ anɔ;Shi Yehowa baakpɛ yɛ onɔ,Ni abaana enunyam lɛ yɛ onɔ.   Jeŋmaji baaba ola lɛ he+Ni maŋtsɛmɛi+ baaba onunyam kpɛmɔ* lɛ he.+   Holemɔ ohiŋmɛii anɔ ni okwɛ ohe fɛɛ kɛkpe! Abua amɛ fɛɛ amɛnaa; amɛmiiba oŋɔɔ. Obihii lɛ miiba kɛmiijɛ shɔŋŋ,+Ni ahiɛ obiyei lɛ yɛ ŋmawuiaŋ.+   Nakai beiaŋ lɛ, obaana, ni obaaná miishɛɛ,+Ni otsui baakpokpo ni ebaateke nɔ,Ejaakɛ akɛ ŋshɔ lɛ jwetri lɛ baaba oŋɔɔ;Jeŋmaji lɛ anibii lɛ baaba oŋɔɔ.+   Afukpɔŋɔi babaoo baayi oshikpɔŋ lɛ nɔ,*Midian kɛ Efa+ afukpɔŋɔhii.* Nɔ ni jɛ Sheba lɛ fɛɛ—amɛbaaba;Amɛbaatere shika tsuru kɛ frankinsɛnsi kɛba. Amɛbaajaje Yehowa yijiemɔ lɛ.+   Abaabua Kedar+ tookui lɛ fɛɛ anaa kɛba oŋɔɔ. Nebaiot+ gwantɛŋhii lɛ baasɔmɔ bo. Amɛbaaba mifɔleshãa latɛ lɛ nɔ, ni maná he miishɛɛ,+Ni mawula minunyam shĩa lɛ.*+   Namɛi nɛ, ni amɛfilikiɔ kɛbaa tamɔ atatu nɛɛ,Tamɔ okpoi ni miiya amɛ-okpotsui* amli nɛɛ?   Ejaakɛ ŋshɔkpɔi lɛ kɛ amɛhiɛ baafɔ̃ minɔ;+Tarshish meelei lɛ nyiɛ hiɛ,*Koni amɛjɛ shɔŋŋ amɛkɛ obihii lɛ,+Kɛ amɛjwiɛtɛi kɛ amɛshika tsuru lɛ,Aba Yehowa, o-Nyɔŋmɔ lɛ gbɛ́i lɛ kɛ Israel Mɔ Krɔŋkrɔŋ lɛ ŋɔɔ,Ejaakɛ ebaawo ohiɛ nyam.*+ 10  Gbɔi baatswa ogbogboi lɛ,Ni amɛmaŋtsɛmɛi lɛ baasɔmɔ bo,+Ejaakɛ mitswa bo nɔ yɛ mimlifu lɛ mli,Shi mana bo mɔbɔ yɛ midromɔ* lɛ mli.+ 11  Abaagbele ogbói lɛ afɔ̃ daa;+Jetsɛremɔ kɛ jenamɔ fɛɛ lɛ, aŋamɔŋ,Koni akɛ jeŋmaji lɛ anibii lɛ aba oŋɔɔ,Ni amɛmaŋtsɛmɛi lɛ baanyiɛ hiɛ.+ 12  Ejaakɛ jeŋmaŋ fɛɛ jeŋmaŋ kɛ maŋtsɛyeli fɛɛ maŋtsɛyeli ni sɔmɔɔɔ bo lɛ hiɛ baakpãtã,Ni abaafite nakai jeŋmaji lɛ kwraa.+ 13  Bo oŋɔɔ Lebanon anunyam lɛ baaba,+Junipa tso lɛ, kɛ lamulu tso lɛ, kɛ kipro tso lɛ fɛɛ,+Koni akɛwula mijamɔhe lɛ;Mawo he ni minaji mamɔɔ lɛ hiɛ nyam.+ 14  Mɛi ni wa bo yi lɛ abihii lɛ baaba amɛbakoto ohiɛ;Mɛi fɛɛ ni ebuuu bo lɛ baabakoto bo yɛ onajianaa,Ni amɛbaatsɛ bo Yehowa maŋ,Israel Mɔ Krɔŋkrɔŋ lɛ Zion.+ 15  Nɔ najiaŋ ni obaatsɔ mɔ ni akpoo lɛ, ni anyɛɔ lɛ, ni mɔ ko mɔ ko tsɔɔɔ emli kɛhooo lɛ,+Mahã otsɔ naanɔ shwãa nii,Nyamɔ nɔ yɛ yinɔi fɛɛ amli.+ 16  Ni obaanu jeŋmaji amliki,+Ni obaaye maŋtsɛmɛi afufɔ;+Ni obaaná ole akɛ, mi, Yehowa, miji Yiwalaherelɔ lɛ,Ni Yakob Hewalɔ lɛ ji o-Kpɔ̃lɔ.+ 17  Mikɛ shika tsuru baaba yɛ akɔɔble najiaŋ,Ni mikɛ jwiɛtɛi baaba yɛ dade najiaŋ,Mikɛ akɔɔble baaba yɛ tso najiaŋ,Ni mikɛ dade baaba yɛ tɛi anajiaŋ;Ni mahole toiŋjɔlɛ akɛ onɔkwɛlɔiKɛ jalɛ nifeemɔ hu akɛ onitsumɔ nɔkwɛlɔi.+ 18  Anuŋ yiwalɛ he dɔŋŋ yɛ oshikpɔŋ lɛ nɔNi anuŋ hiɛkpatamɔ kɛ fitemɔ he dɔŋŋ yɛ ohusui lɛ amli.+ Ni obaatsɛ ogbogboi lɛ akɛ, Yiwalaheremɔ,+ kɛ ogbói lɛ hu akɛ, Yijiemɔ. 19  Ejaakɛ jeee hulu ji nɔ ni baatsɔ la ahã bo dɔŋŋ yɛ jetsɛremɔ mli,Ni jeee nyɔɔŋtsere lɛ hu ji nɔ ni baahã jeŋ atse ahã bo,Shi moŋ, Yehowa baatsɔ naanɔ la ehã bo,+Ni o-Nyɔŋmɔ lɛ baafee owulamɔ nɔ.+ 20  Ohulu lɛ enyɔŋ shi dɔŋŋNi onyɔɔŋtsere lɛ hu hiɛ woŋ duŋ,Ejaakɛ Yehowa baatsɔ naanɔ la ehã bo,+Ni owerɛhoyeli gbii lɛ asɛɛ baafo.+ 21  Ni omaŋbii lɛ fɛɛ baatsɔmɔ jalɔi;Shikpɔŋ lɛ baatsɔ amɛnɔ kɛya naanɔ. Amɛji dumɔnii ni midu ni ekwɛ̃ lɛ,Mininenaa nitsumɔ,+ koni mikɛwula mihe lɛ.+ 22  Mɔ bibioo lɛ baatsɔ mɛi akpeNi mɔ fioo lɛ baatsɔ maŋ ni he wa. Kɛ́ eshɛ ebe lɛ, mi, Yehowa, mafee lɛ oya.”

Shishigbɛ Niŋmaa

Loo “baaya oleebi maŋkpa kpɛmɔ.”
Hebri sht. ŋm., “baaha onɔ.”
Loo “afukpɔŋɔ oblahii.”
Loo “mishĩa fɛfɛo lɛ.”
Loo “miiya loofɔlɔtsu samfɛji.”
Loo “Tarshish meelei lɛ, tamɔ eji klɛŋklɛŋ lɛ.”
Loo “ebaawula bo.”
Loo “mimlihilɛ.”