Yesaia 59:1-21

  • Israel he esha fite amɛ kɛ Nyɔŋmɔ teŋ (1-8)

  • Esha jajemɔ (9-15a)

  • Yehowa damɔɔ mli ehãa mɛi ni etsake amɛtsui lɛ (15b-21)

59  Naa! Yehowa nine bɛ kuku bɔ ni enyɛɛɛ mɔ yiwala ehere,+Ni etoi hu tsimɔko* bɔ ni enyɛɛɛ enu nii.+   Shi moŋ, nyɛ diɛŋtsɛ nyɛtɔmɔi lɛ ni etsi nyɛ kɛje Nyɔŋmɔ he.+ Nyɛhe eshai lɛ hewɔ ekɛ ehiɛ etee nyɛ,Ni ebooo nyɛ toi lɛ.+   Ejaakɛ lá ewu nyɛdɛ̃+Ni tɔmɔi yɛ nyɛwaobii anaa. Nyɛnaabui wieɔ amalei,+ ni nyɛkɛ nyɛlilɛi wieɔ nifɔjianii.   Mɔ ko bolɔɔɔ etsɛɛɛ jalɛ nifeemɔ,+Ni mɔ ko eyaaa saneyelihe kɛ anɔkwayeli. Amɛkɛ amɛhiɛ fɔ̃ɔ nɔ ko ni sɛɛnamɔ bɛ he*+ nɔ, ni amɛwieɔ nibii ni sɛɛnamɔ bɛ he. Amɛŋɔɔ sane hɔ, ni amɛfɔɔ awuiyeli.+   Amɛfɛlɛɔ onufu ni pɔizin yɔɔ emli wɔji,Amɛloɔ anaanu ntaŋ.+ Mɔ fɛɛ mɔ ni yeɔ amɛwɔji lɛ, ebaagbo,Ni wɔlɔ ni ajwa lɛ fɛɔ onufu.   Ntaŋ ni amɛloɔ lɛ, anyɛŋ akɛfee atade,Ni amɛnyɛŋ amɛkɛ nɔ ni amɛfeɔ lɛ aha amɛhe hu.+ Amɛnitsumɔi lɛ, nifɔjianii ni,Ni awuiyeli yɛ amɛdɛŋ.+   Amɛnaji shaa foi koni amɛyafee efɔŋ,Amɛyeɔ amɛhe oyai koni amɛshwie mɔ ko ni efeko nɔ ko lá shi.+ Amɛjwɛŋmɔi lɛ, jwɛŋmɔi fɔji sɔŋŋ ni;Fitemɔ kɛ hiɛkpatamɔ yɛ amɛgbɛi anɔ.+   Amɛleee toiŋjɔlɛ gbɛ lɛ,Ni jalɛsaneyeli bɛ amɛnanegbɛi lɛ anɔ.+ Amɛkɔ̃dɔ̃ɔ amɛgbɛi lɛ;Mɔ fɛɛ mɔ ni nyiɛ nɔ lɛ leŋ toiŋjɔlɛ.+   No hewɔ ni jalɛsaneyeli kɛ wɔteŋ jekɛ,Ni jalɛ nifeemɔ hu ninaaa wɔ lɛ. Wɔhiɛ kã nɔ akɛ wɔbaana la, shi naa! duŋ moŋ;Wɔhiɛ kã la kpɛmɔ nɔ, shi wɔyaa nɔ wɔnyiɛɔ duŋ kpii mli.+ 10  Wɔmɔmɔɔ gbogboi amli tamɔ shwilafoi;Wɔyaa nɔ wɔtatraa tamɔ mɛi ni bɛ hiŋmɛii.+ Wɔtɛrɛɔ shwane fintiŋŋ oookɛɛ wɔyɛ gbɛkɛ duŋ mli;Wɔtamɔ mɛi ni egboi yɛ hewalɔi ateŋ. 11  Wɔ fɛɛ wɔhũɔ tamɔ oshishibrishiiNi wɔkɛ̃mɔɔ kɛ awerɛho tamɔ okpoi. Wɔhiɛ kã jalɛsaneyeli nɔ, shi eko baaa;Wɔhiɛ kã yiwalaheremɔ nɔ, shi ekɛ wɔ teŋ jekɛ. 12  Ejaakɛ wɔnɔtɔmɔi lɛ fa yɛ ohiɛ;+Wɔhe eshai lɛ eko fɛɛ eko yeɔ odase eshiɔ wɔ.+ Ejaakɛ wɔnɔtɔmɔi lɛ jwere wɔhiɛ;Wɔle wɔnishaianii lɛ faŋŋ.+ 13  Wɔtɔ̃ Yehowa nɔ ni wɔje esɛɛ;Wɔtsɔ wɔsɛɛ wɔhã wɔ-Nyɔŋmɔ lɛ. Wɔwieɔ yiwaa kɛ nɔtɔmɔ he;+Wɔŋɔ amale hɔ ni wɔwie lakamɔ wiemɔi kɛjɛ wɔtsui mli.+ 14  Atsi jalɛsaneyeli kɛtee sɛɛ,+Ni jalɛ nifeemɔ damɔ sɛɛ shɔŋŋ;+Ejaakɛ anɔkwayeli* etɛ yɛ henaabuamɔhe lɛ,Ni nɔ ni ja nyɛɛɛ abote jɛmɛ. 15  Anɔkwayeli* elaaje,+Ni mɔ fɛɛ mɔ ni tsiɔ ehe kɛjeɔ efɔŋ he lɛ, aloɔ enibii kɛyaa. Yehowa na enɛ, ni enáaa he miishɛɛ,*Ejaakɛ jalɛsaneyeli ko bɛ.+ 16  Ena akɛ nuu ko nuu ko bɛ,Ni efee lɛ naakpɛɛ akɛ mɔ ko mɔ ko damɔɔɔ mli,No hewɔ lɛ, lɛ diɛŋtsɛ enine tsu yiwalaheremɔ nitsumɔ,*Ni lɛ diɛŋtsɛ ejalɛ nifeemɔ ye ebua lɛ. 17  Kɛkɛ ni ewo jalɛ nifeemɔ tamɔ damaKɛ yiwalaheremɔ* dade fai yɛ eyitso.+ Ewo oweletɔɔ atadei lɛ akɛ ehehaanɔ+Ni ekɛ hiɛdɔɔ bala ehe tamɔ atade.* 18  Ebaajwere amɛ yɛ nɔ ni amɛfee lɛ hewɔ:+ Mlifu kɛhã mɛi ni nyɛɔ lɛ lɛ, toigbalamɔ kɛhã ehenyɛlɔi lɛ.+ Ni ebaato ŋshɔkpɔi lɛ najiaŋ. 19  Amɛbaashe Yehowa gbɛ́i lɛ gbeyei kɛjɛ hulushinyɔɔheNi amɛbaawo ehiɛ nyam kɛjɛ hulushiteehe,Ejaakɛ ebaaba tamɔ faa ni miiho kɛ foiNi Yehowa mumɔ lɛ miitsi yisɛɛ. 20  “Kpɔ̃lɔ+ lɛ baaba Zion,+Ebaaba mɛi ni yɔɔ Yakob mli ni etsi amɛhe kɛje amɛtɔmɔ lɛ he lɛ aŋɔɔ,”+ Yehowa kɛɛ. 21  “Mi lɛ, kpaŋmɔ ni mikɛ amɛ ekpaŋ nɛ,”+ Yehowa kɛɛ. “Mimumɔ ni mikɛwo omli kɛ miwiemɔi ni mikɛwo onaa lɛ—amɛjeŋ onaa, ni amɛjeŋ obii* anaa, ni amɛjeŋ onabii* hu anaa kɛjɛ bianɛ kɛmiiya naanɔ, Yehowa kɛɛ.”

Shishigbɛ Niŋmaa

Hebri sht. ŋm., “etsiii.”
Loo “nɔ ko folo.”
Loo “anɔkwale.”
Loo “Anɔkwale.”
Hebri sht. ŋm., “ni eji nii gbonyo yɛ ehiɛ.”
Loo “enine ye kunim ehã lɛ.”
Loo “kunimyeli.”
Loo “atade ni nine bɛ he.”
Hebri sht. ŋm., “odumɔwu.”
Hebri sht. ŋm., “odumɔwu mli wu.”