Yesaia 57:1-21
57 Jalɔ lɛ hiɛ ekpãtã,Shi mɔ ko mɔ ko kɛwooo etsui mli.
Akɛ anɔkwafoi lɛ etee,*+Ni mɔ ko mɔ ko kɔɔɔ sɛɛ po akɛ akɛ jalɔ lɛ eteeYɛ amanehulu lɛ hewɔ.*
2 Ebote toiŋjɔlɛ mli.
Mɛi fɛɛ ni nyiɛɔ yɛ jalɛ gbɛ nɔ lɛ, miijɔɔ amɛhe yɛ amɛsai anɔ.*
3 “Shi nyɛ lɛ, nyɛtsia kɛbaa,Nyɛ yoo ŋkunyaayelɔ lɛ bihii,Nyɛ gbalafitelɔ lɛ kɛ ashawo yoo lɛ bii:
4 Namɔ he fɛo nyɛyeɔ lɛ?
Namɔ nyɛgbɛɔ nyɛdaaŋ hatoo ni nyɛkpãa nyɛlilɛi mli nyɛwoɔ lɛ?
Ani jeee nɔtɔmɔ bii ji nyɛ,Amale bii,+
5 Mɛi ni amɛkɔnɔ ete shi yɛ tsei wuji lɛ ateŋ,+Yɛ tso fɛɛ tso ni ebu kusuu shishi,+Mɛi ni gbeɔ gbekɛbii yɛ jɔi* amli,+Yɛ tɛsai fɔji amli lɛ?
6 Jɔɔ* mli tɛi ni he yɔɔ trotro lɛ ji ogbɛfaŋnɔ.+
Lɛɛlɛŋ, nomɛi ji ogbɛfaŋnɔ.
Nomɛi po ofɔseɔ dãa oshwieɔ shi ohãa ni oshãa nikeenii afɔlei ohãa.+
Ani esa akɛ mitsui anyɔ mimli yɛ nibii nɛɛ ahe?*
7 Oyaŋmɛ osaa lɛ yɛ gɔŋ grɔŋŋ ni kwɔ nɔ,+Ni okwɔ kɛtee nɔ koni oyashã afɔle yɛ jɛmɛ.+
8 Okɛ okaimɔ nɔ lɛ ma shinaa lɛ kɛ shinaatso lɛ sɛɛ.
Oshi mi ni oyajie ohe folo;Okwɔ kɛtee ni oyalɛɛ osaa lɛ mli.
Ni okɛ amɛ kpaŋ kpaŋmɔ.
Osumɔɔ ni okã amɛsaa lɛ nɔ,+Ni okwɛ nuutso lɛ.*
9 Okpeleke shi kɛtee Melek* kɛ muKɛ ojeŋma babaoo.
Owo otsuji lɛ gbɛ kɛtee shɔŋŋ,Aahu akɛ okpeleke shi kɛtee Gbonyobu* lɛ mli.
10 Ogbɛi babaoo lɛ sɛɛ ni onyiɛ lɛ ehã etɔ bo,Shi okɛɛɛ akɛ, ‘Sɛɛnamɔ ko bɛ he!’
Oná hewalɛ hee.
No hewɔ ni onijiaŋ ejeee wui lɛ.*
11 Namɔ hewɔ ohe kpokpo ni oshe gbeyeiNi obɔi malemɔ lɛ?+
Okaiii mi.+
Okɛ nɔ ko etooo otsui mli.+
Ani jeee diŋŋ mifee ni mifooo odaaŋ?*+
No hewɔ ni osheee mi gbeyei lɛ.
12 Mahã ale ojalɛ nifeemɔ ni osusuɔ akɛ ofeɔ+ lɛ kɛ onitsumɔi lɛ,+Ni onáŋ amɛhe sɛɛ ko.+
13 Kɛ́ obo otsɛ ni aye abua bo lɛ,Amagai babaoo ni obua naa lɛ ejieŋ bo,+
Kɔɔyɔɔ baaloo amɛ fɛɛ eshwie,Kɔɔyɔɔ ni amuɔ kɛkɛ po baaloo amɛ eshwie,Shi mɔ ni baa abo yɛ mimli lɛ baaná shikpɔŋ lɛ akɛ egboshiniiNi migɔŋ krɔŋkrɔŋ lɛ baatsɔ enɔ.+
14 Abaakɛɛ akɛ, ‘Nyɛgbáa, nyɛgbáa gbɛ! Nyɛsaa gbɛ lɛ nɔ!+
Nyɛjiea nanetɔ̃tɔmɔ nii fɛɛ kɛjea mimaŋ lɛ gbɛ lɛ nɔ.’”
15 Ejaakɛ nɔ ni Mɔ Ni Nɔ Kwɔ Gojoo,Ni hiɔ shi kɛyaa naanɔ+ ni gbɛ́i ji krɔŋkrɔŋ+ lɛ kɛɛ nɛ:
“Ŋwɛi shɔŋŋ kɛ he krɔŋkrɔŋ lɛ mihiɔ,+Shi mikɛ mɛi ni tsui ekumɔ ni amɛbaa amɛhe shi yɛ amɛmumɔ mli lɛ hu hiɔ shi,Koni matsĩɛ mɔ ni baa ehe shi lɛ mumɔ hiɛNi matsa mɛi ni tsui ekumɔ lɛ atsui.+
16 Ejaakɛ miteŋ shi miwoŋ amɛ kɛyaŋ naanɔNi jeee daa mimli baafu amɛ;+Ejaakɛ gbɔmɔ mumɔ he baajɔ yɛ mihewɔ,+Nibii ni muɔ ni mibɔ lɛ po ahe baajɔ.
17 Mimli fu lɛ yɛ ehe esha, esɛɛnamɔ gbonyo ni eyatiu sɛɛ lɛ hewɔ,+No hewɔ lɛ, mitswa lɛ nɔ, mikɛ mihiɛ tee lɛ, ni mimli fu.
Shi eje misɛɛ+ ni eyanyiɛ etsui gbɛ lɛ sɛɛ.
18 Mina egbɛi lɛ,Shi matsa lɛ+ ni matsɔɔ lɛ gbɛ+Ni mashɛje lɛ kɛ emɛi ni yeɔ awerɛho+ lɛ amii ekoŋŋ.”*+
19 “Miibɔ naabu yibii.
Mɔ ni yɔɔ shɔŋŋ lɛ kɛ mɔ ni bɛŋkɛ lɛ baaná toiŋjɔlɛ daa,”+ Yehowa kɛɛ,“Ni matsa lɛ.”
20 “Shi mɛi fɔji lɛ tamɔ ŋshɔ ni efee hamahama ni nyɛɛɛ eŋmɛ dɛmm,Ni emli nui lɛ yaa nɔ eloɔ ŋshɔ mli jwɛi kɛ ŋmɔtɔ eshwieɔ.
21 Toiŋjɔlɛ ko bɛ kɛhã mɛi fɔji lɛ,” mi-Nyɔŋmɔ lɛ kɛɛ.+
Shishigbɛ Niŋmaa
^ Shishitsɔɔmɔi komɛi kɛɔ akɛ, “Koni eje amanehulu lɛ mli.”
^ Ni ji, gbele mli.
^ Ni tsɔɔ akɛ, amɛmiijɔɔ amɛhe yɛ gbonyobu lɛ mli.
^ Loo “nujɔi.” Kwɛmɔ Wiemɔi Titrii Amligbalamɔ lɛ.
^ Loo “Ani esa akɛ mikɛ nibii nɛɛ ashɛje mimii.”
^ Loo “Nujɔɔ.” Kwɛmɔ Wiemɔi Titrii Amligbalamɔ lɛ.
^ Eeenyɛ efee akɛ, ekɔɔ amagajamɔ he.
^ Shishitsɔɔmɔi komɛi kɛɔ akɛ, “kɛtee maŋtsɛ lɛ ŋɔɔ.”
^ Hebri mli lɛ, “Sheol,” ni ji, mfonirifeemɔŋ gbonyobu kome kɛhã adesai. Kwɛmɔ Wiemɔi Titrii Amligbalamɔ lɛ.
^ Hebri sht. ŋm., “ogbɔjɔɔɔ lɛ.”
^ Loo “ni mitsimɔ nibii anɔ?”
^ Loo “Ni mikɛ miishɛjemɔ baato lɛ kɛ emɛi ni yeɔ awerɛho lɛ najiaŋ.”
