Shi kɛya he ni ato saneyitsei lɛ anaa yɛ lɛ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Kanemɔ Biblia Lɛ Yɛ Biɛ | ŊMALƐ KRƆŊKRƆŊ LƐ—JEŊ HEE SHISHITSƆƆMƆ

Yesaia 55:1-13

EMLI SAJI

  • Nyɛbaa nyɛbayea ni nyɛbanua yaka (1-5)

  • Nyɛtaoa Yehowa kɛ ewiemɔ ni ma shi shiŋŋ lɛ sɛɛ gbɛ (6-13)

    • Nyɔŋmɔ gbɛi lɛ anɔ kwɔlɔ fe gbɔmɔ nɔ lɛ (8, 9)

    • Nyɔŋmɔ wiemɔ lɛ baaba mli (10, 11)

55  Nyɛ mɛi fɛɛ ni kumai yeɔ nyɛ, nyɛbaa,+ nyɛbaa nu lɛ he!+ Nyɛ mɛi ni nyɛbɛ shika, nyɛbaa, nyɛbahéa ni nyɛyea! Hɛɛ, nyɛbaa, nyɛbahéa wain kɛ mliki,+ shi jeee kɛ shika loo yɛ jara ko naa.+   Mɛni hewɔ nyɛkɛ shika héɔ nɔ ni jeee niyenii?*Ni mɛni hewɔ nyɛfiteɔ nɔ ni nyɛtsu nyɛná* lɛ yɛ nii ni hãaa mɔ atɔ lɛ he? Nyɛboa mi toi jogbaŋŋ, ni nyɛye nɔ ni hi,+Ni nyɛbaaná* nɔ ni ji niyenii kpakpa* diɛŋtsɛ he miishɛɛ.+   Nyɛbaa nyɛtoi shi ni nyɛbaa miŋɔɔ.+ Nyɛboa toi, ni nyɛyi* aná wala,Ni mikɛ nyɛ baakpaŋ naanɔ kpaŋmɔ oya nɔŋŋ+Yɛ suɔmɔ ni tsakeee ni mijie kpo mitsɔɔ David, ni ma shi shiŋŋ* lɛ naa.+   Naa! Mifee lɛ odasefonyo+ mihã jeŋmaji lɛ,Hiɛnyiɛlɔ+ kɛ tatsɛ+ mihã jeŋmaji lɛ.   Naa! Obaatsɛ jeŋmaŋ ko ni oleee,Ni mɛi ni jɛ jeŋmaŋ ko ni leee bo lɛ nɔ lɛ baajo foi kɛba oŋɔɔYɛ Yehowa, o-Nyɔŋmɔ lɛ, Israel Mɔ Krɔŋkrɔŋ lɛ hewɔ,+Ejaakɛ ebaawo ohiɛ nyam.+   Nyɛtaoa Yehowa sɛɛ gbɛ be mli ni ebaahã ana lɛ.+ Nyɛtsɛa lɛ be mli ni ebɛŋkɛ.+   Mɔ fɔŋ atsi ehe kɛje egbɛ lɛ nɔ,+Ni nɔshafeelɔ hu atsi ehe kɛje ejwɛŋmɔi lɛ ahe;Eku esɛɛ kɛba Yehowa, mɔ ni baana lɛ mɔbɔ lɛ ŋɔɔ,+Eba wɔ-Nyɔŋmɔ lɛ ŋɔɔ, ejaakɛ ekɛ ehe baake lɛ kwraa.*+   “Ejaakɛ jeee nyɛjwɛŋmɔi ji mijwɛŋmɔi,+Ni jeee nyɛgbɛi ji migbɛi,” Yehowa kɛɛ.   “Ejaakɛ bɔ ni ŋwɛi nɔ kwɔ fe shikpɔŋ lɛ,Nakai migbɛi lɛ anɔ kwɔlɔ fe nyɛgbɛi lɛNi nakai mijwɛŋmɔi lɛ hu anɔ kwɔlɔ fe nyɛjwɛŋmɔi lɛ.+ 10  Ejaakɛ bɔ ni nugbɔ kɛ snoo nɛɔ kɛjɛɔ ŋwɛi shwieɔ shiNi amɛkuuu amɛsɛɛ kɛyaaa jɛmɛ kɛyashi amɛfɔɔ shikpɔŋ lɛ, ni ebaa nii ni ewoɔ yibii,Ni ehãa mɔ ni duɔ nii lɛ dumɔwui kɛ mɔ ni yeɔ nii lɛ niyenii* lɛ, 11  Nakai wiemɔ ni jɛ minaa lɛ hu baafee.*+ Ekuŋ esɛɛ kɛbaŋ miŋɔɔ efolo,+Shi ebaatsu nɔ fɛɛ nɔ ni miyɔɔ he miishɛɛ* lɛ he nii,+Ni ebaagbe nɔ fɛɛ nɔ ni mitsu lɛ akɛ eyafee lɛ naa pɛpɛɛpɛ. 12  Ejaakɛ obaaje kpo kɛ nyamɔ,+Ni akɛ bo baaku sɛɛ kɛba yɛ toiŋjɔlɛ mli.+ Gɔji lɛ kɛ gɔŋkpɔi lɛ baaná miishɛɛ yɛ ohiɛ ni amɛbaalá nyamɔ lala,+Ni koo mli tsei lɛ fɛɛ baatswa amɛdɛ̃.+ 13  Junipa tso baakwɛ̃ yɛ ŋmei tsei anajiaŋ,+Ni mirto tso baakwɛ̃ yɛ jwɛi ni ŋmei yɔɔ he najiaŋ. Ni ebaahã Yehowa afee gbɛ́i,+Naanɔ okadi ni elaajeŋ kɔkɔɔkɔ.”

Shishigbɛ Niŋmaa

Hebri sht. ŋm., “blodo?” Kwɛmɔ Wiemɔi Titrii Amligbalamɔ lɛ.
Loo “shika ni etɔ nyɛ kɛná.”
Loo “nyɛsusuma baaná.”
Hebri sht. ŋm., “nɔ ni ewo fɔ.”
Loo “nyɛsusuma yi.”
Loo “ni anyɛɔ akɛ he fɔ̃ɔ nɔ.”
Loo “ekɛ ehe baake lɛ aahu.”
Hebri sht. ŋm., “blodo.” Kwɛmɔ Wiemɔi Titrii Amligbalamɔ lɛ.
Loo “baatsɔ.”
Loo “nɔ fɛɛ nɔ ni misumɔɔ.”