Yesaia 54:1-17

  • Zion ni fɔko pɛŋ baaná bihii pii (1-17)

    • Yehowa, Zion wu (5)

    • Yehowa baatsɔɔ Zion bihii lɛ nii (13)

    • Tawuu nii ni asɔ̃ɔ ashiɔ Zion lɛ eko yeŋ omanye (17)

54  “Bo yoo kene ni fɔko pɛŋ, lá nyamɔ lala!+ Bo mɔ ni okɔ̃mɔko pɛŋ,+ hã omii ashɛ ohe ni onya waa,+Ejaakɛ mɔ ni akpoo lɛ lɛ bihii* lɛ fa babaooFe yoo ni yɔɔ wu* lɛ bihii,”+ Yehowa kɛɛ.   “Gbelemɔ omama tsũ lɛ mli.+ Lɛɛmɔ osɔlemɔ buu kpele lɛ he mamai lɛ amli. Kaasu onine, kpã omama tsũ lɛ kpãi lɛ amli,Ni ohã omama tsũ lɛ he tsei kɛ amɛnaa piɔpiɔi lɛ amli awa.+   Ejaakɛ omli baalɛɛ kɛbaaya ninejurɔ kɛ abɛku. Oseshi lɛ baaŋɔ jeŋmaji,Ni amɛbaahi maji ni ashi ashwie shi lɛ amli.+   Kaashe gbeyei,+ ejaakɛ ohiɛ eshwieŋ shi;+Ni kaahã ohiɛ miigbo, ejaakɛ awoŋ bo hiɛgbele. Ejaakɛ ohiɛ baakpa oblayeiaŋ hiɛgbele lɛ nɔ,Ni okaiŋ bɔ ni ohiɛ shwie shi be ni oji yoo okulafo lɛ dɔŋŋ.”   “Ejaakɛ o-Feelɔ Kpele+ lɛ tamɔ owu,*+Egbɛ́i ji Yehowa, taiatsɛ lɛ,Ni Israel Mɔ Krɔŋkrɔŋ lɛ ji o-Kpɔ̃lɔ.+ Abaatsɛ lɛ shikpɔŋ muu lɛ fɛɛ Nyɔŋmɔ.+   Ejaakɛ Yehowa tsɛ bo oookɛɛ oji ŋa ni wu eshi lɛ ni miiye awerɛho,*+Tamɔ yoo ni bote gbalashihilɛ mli yɛ eblayeiaŋ ni akpoo lɛ,” o-Nyɔŋmɔ lɛ kɛɛ.   “Ejaakɛ mishi bo be fioo,Shi mana bo mɔbɔ waa ni mabua onaa kɛku sɛɛ kɛba.+   Mikɛ mihiɛ tee bo be fioo yɛ mlifu ni naa wa hewɔ,+Shi majɛ naanɔ suɔmɔ ni tsakeee mli mana bo mɔbɔ,”+ Yehowa, o-Kpɔ̃lɔ+ lɛ kɛɛ.   “Enɛ tamɔ Noa gbii lɛ kɛhã mi.+ Bɔ ni mikã kitã akɛ nui ni ba yɛ Noa gbii lɛ amli lɛ ebahaŋ shikpɔŋ lɛ nɔ dɔŋŋ lɛ,+Nakai nɔŋŋ miikã kitã akɛ mimli fuŋ bo ni mikãŋ ohiɛ dɔŋŋ.+ 10  Ejaakɛ abaanyɛ ajie gɔji lɛ,Ni abaanyɛ ahoso gɔŋkpɔi lɛ,Shi ajieŋ suɔmɔ ni tsakeee ni miyɔɔ kɛhã bo lɛ,+Ni ahosoŋ toiŋjɔlɛ kpaŋmɔ ni mikpaŋ lɛ hu,”+ Yehowa, mɔ ni naa bo mɔbɔ lɛ kɛɛ.+ 11  “Bo yoo ni ona nɔ,+ ni kɔɔyɔɔ ni naa wa etswa bo kɛtee kɛba, ni ashɛjeko omii,+Mikɛ mɔɔta ni wa miitswa otɛi lɛ,Ni mikɛ safiro tɛi miitswa ofaneshi lɛ.+ 12  Mikɛ rubi tɛi baatswa afabaŋ yɛ omɔji lɛ anɔ,Ni mikɛ tɛi ni kpɛlɛɔ* baatswa ogbói lɛ,Ni mikɛ ojarawatɛi baafo ohusui lɛ fɛɛ anaa. 13  Ni Yehowa baatsɔɔ obihii* lɛ fɛɛ nii,+Ni obihii* lɛ baaná toiŋjɔlɛ babaoo.+ 14  Akɛ bo baama shi shiŋŋ yɛ jalɛ nifeemɔ mli.+ Okɛ yiwaa teŋ baajekɛ,+Osheŋ nɔ ko nɔ ko gbeyei, ni nɔ ko hu hãŋ ohe akpokpo,Ejaakɛ ebɛŋkɛŋ bo.+ 15  Kɛ́ mɔ ko batutua bo lɛ,Jeee yɛ mifamɔ naa. Mɔ fɛɛ mɔ ni baatutua bo lɛ baagbee shi yɛ ohewɔ.”+ 16  “Naa! Mi, mibɔ ŋaalɔ lɛ,Mɔ ni filiɔ kɔɔyɔɔ kɛwoɔ ŋai kɛ la lɛ mli,Ni anáa tawuu nii kɛjɛɔ enitsumɔ lɛ mli lɛ. Mi, mi nɔŋŋ mibɔ mɔ ni kpãtãa nii ahiɛ ni fiteɔ nii lɛ.+ 17  Tawuu nii ko bɛ ni asɔ̃ ashi bo ni baanyɛ nɔ ko afee,+Ni lilɛi fɛɛ lilɛi ni teɔ shi eshiɔ bo yɛ kojomɔ mli lɛ, obaabu lɛ fɔ. Enɛ ji Yehowa tsuji lɛ agboshinii,Ni amɛjalɛ nifeemɔ lɛ jɛ miŋɔɔ,” Yehowa kɛɛ.+

Shishigbɛ Niŋmaa

Loo “nuŋtsɔ.”
Loo “bii.”
Loo “onuŋtsɔ.”
Hebri sht. ŋm., “miinu dɔlɛ he yɛ emumɔ mli.”
Loo “la tɛi.”
Loo “obii.”
Loo “obii.”