Yesaia 47:1-15
47 Bo oblayoo fro ni ji Babilon biyoo,+Kpelekemɔ shi ni obata mulu mli.
Bo Kaldeabii abiyoo,Ta shi yɛ he ni maŋtsɛ sɛi ko bɛ,+Ejaakɛ mɛi tsɛŋ bo yoo ni he yɔɔ fɛo ni ahiɛɔ lɛ dɔdɔɔdɔ dɔŋŋ.
2 Kɔ wiɛtɛ ni owiɛ ashikishaŋ.
Jiemɔ ohiɛhaanɔ lɛ.
Jiemɔ otade lɛ, ni ohã onaji ahe akã.
Yaafo fai lɛ.
3 Abaahã ohiɛ ohe folo.
Abaana ohiɛgbele lɛ.
Matɔ owele,+ ni mɔ ko mɔ ko etsiŋ minaa.*
4 “Mɔ ni kpɔ̃ɔ wɔ lɛ—egbɛ́i ji Yehowa, taiatsɛ lɛ—Lɛ ji Israel Mɔ Krɔŋkrɔŋ lɛ.”+
5 Bo Kaldeabii abiyoo,+Ta shi yɛ jɛmɛ diŋŋ ni obote duŋ mli;Amɛtsɛŋ bo Maŋtsɛyelii a-Nuŋtsɔ Yoo* dɔŋŋ.+
6 Mimli fu mimaŋ lɛ.+
Mibule migboshinii lɛ,+Ni mikɛ amɛ wo odɛŋ.+
Shi onaaa amɛ mɔbɔ.+
Okɛ kɔɔŋtso ni tsii tere mɛi ni edara waa lɛ po.+
7 Okɛɛ akɛ: “Mafee Nuŋtsɔ Yoo* kɛya naanɔ.”+
Osusuuu nibii nɛɛ ahe yɛ otsui mli;Osusuuu bɔ ni sane nɛɛ baaba naagbee ehã lɛ he.
8 Agbɛnɛ, bo mɔ ni osumɔɔ shwɛmɔ kɛ ŋɔɔmɔ, bo enɛ toi,+Bo mɔ ni ota shi ni osusuɔ akɛ efɔŋ ko baŋ onɔ, ni okɛɔ yɛ otsui mli akɛ:
“Miji mi, ni mɔ ko mɔ ko bɛ dɔŋŋ.+
Mitsɔŋ yoo okulafo.
Mibii hu gboiŋ kɔkɔɔkɔ.”+
9 Shi nibii enyɔ nɛɛ fɛɛ baaba onɔ trukaa yɛ gbi kome mli:+
Obii baagboi ni obaatsɔ yoo okulafo.
Enɛɛmɛi fɛɛ baaba onɔ+Yɛ okunyaayeli babaoo kɛ tsofa ni otsuɔ waa lɛ hewɔ.*+
10 Okɛ ohiɛ fɔ̃ efɔŋ ni ofeɔ lɛ nɔ.
Okɛɔ akɛ: “Mɔ ko enaaa mi.”
Ohiɛshikamɔ lɛ kɛ onilee lɛ ji nɔ ni hã odu gbɛ,Ni owie yɛ otsui mli akɛ: “Miji mi, ni mɔ ko mɔ ko bɛ dɔŋŋ” lɛ.
11 Shi sane fɔŋ baaba onɔ,Ni omajik ni ofeɔ lɛ eko eko nyɛŋ atsĩ naa.*
Amanehulu baaba onɔ; onyɛŋ otswa ofɔ̃.
Hiɛkpatamɔ baaba onɔ trukaa bɔ ni okɛkpeko pɛŋ.+
12 No hewɔ lɛ, yaa nɔ otsu tsofa ni oye ŋkunyaa babaoo,+Nibii ni ogbo he deŋme kɛjɛ ogbekɛbiiashi tɔ̃ɔ lɛ.
Ekolɛ obaaná he sɛɛ;Ekolɛ no baahã mɛi ashe bo gbeyei.
13 Oŋaawolɔi babaoo lɛ ehã etɔ bo.
Agbɛnɛ hã amɛte shi ni amɛhere bo,Mɛi ni jáa ŋwɛii lɛ,* mɛi ni kwɛɔ ŋulamii lɛ,+Mɛi ni kɛ́ nyɔɔŋtsere hee lɛ je lɛ,Amɛhãa aleɔ nibii ni baaba onɔ lɛ.
14 Naa! Amɛtamɔ ŋmaa* tsei.
La baashã amɛ wɛɛ.
Amɛnyɛŋ amɛhere amɛhe* kɛje lalilɛi lɛ naawalɛ lɛ mli.
Enɛɛmɛi jeee ŋai kɛ la ni aawere,Ni jeee la ni ataa hiɛ hu ni.
15 Nakai omɛi ni feɔ majik lɛ baatsɔ ahã bo,Mɛi ni okɛgbo deŋme kɛjɛ ogbekɛbiiashi lɛ.
Amɛteŋ mɔ fɛɛ mɔ baatsomlo yɛ lɛ diɛŋtsɛ egbɛ nɔ.*
Onáŋ mɔ ko ni baahere bo.+
Shishigbɛ Niŋmaa
^ Shishitsɔɔmɔi komɛi kɛɔ akɛ, “ni minaŋ mli mihãŋ mɔ ko mɔ ko.”
^ Loo “Maŋtsɛyelii a-Maŋnyɛ.”
^ Loo “Mafee Maŋnyɛ.”
^ Shishitsɔɔmɔi komɛi kɛɔ akɛ, “otsuɔ waa lɛ fɛɛ sɛɛ.”
^ Loo “Ni onyɛŋ okɛ majik atsĩ naa.”
^ Shishitsɔɔmɔi komɛi kɛɔ akɛ, “Mɛi ni jaraa ŋwɛii amli lɛ; Ŋulamiiaŋkwɛlɔi lɛ.”
^ Ŋmaa ní awieɔ he yɛ biɛ lɛ ji wiiti, abele, omɔ, kɛ amɛhenɔi lɛ eko.
^ Loo “Amɛnyɛŋ amɛhere amɛsusuma.”
^ Hebri sht. ŋm., “lɛ diɛŋtsɛ ekpokpaa nɔ.”
