Yesaia 40:1-31

  • Miishɛjemɔ kɛhã Nyɔŋmɔ webii (1-11)

    • Gbee ko yɛ ŋa lɛ nɔ (3-5)

  • Bɔ ni Nyɔŋmɔ je agbo ehã (12-31)

    • Jeŋmaji lɛ tamɔ nu kuli yɛ goga he (15)

    • Nyɔŋmɔ ta “shikpɔŋ kokloo lɛ yiteŋ” (22)

    • Atsɛɔ ŋulamii lɛ fɛɛ kɛ amɛgbɛ́ii (26)

    • Etɔɔɔ Nyɔŋmɔ (28)

    • Mɛi ni kɛ amɛhiɛ fɔ̃ɔ Yehowa nɔ lɛ náa hewalɛ hee (29-31)

40  Nyɛ-Nyɔŋmɔ lɛ kɛɛ, “Nyɛshɛjea, nyɛshɛjea mimaŋ lɛ mii.+   Nyɛshɛjea Yerusalem mii,*Ni nyɛkɛɛ lɛ akɛ, nitsumɔ ni anyɛɔ enɔ ni etsuɔ lɛ eba naagbee,Awo etɔmɔ lɛ he nyɔmɔ.+ Ená ehe eshai lɛ fɛɛ ahe toigbalamɔ kɛjɛ Yehowa dɛŋ.”*+   Aanu mɔ ko gbee kɛmiijɛ ŋa lɛ nɔ miikɛɛ: “Nyɛsaa Yehowa gbɛ lɛ nɔ!+ Nyɛgbaa gbɛjegbɛ trɔmɔɔ+ kɛtsɔa ŋa kpataa lɛ nɔ nyɛhãa wɔ-Nyɔŋmɔ lɛ.+   Awó jɔɔ fɛɛ jɔɔ nɔ,Ni aba gɔŋ fɛɛ gɔŋ kɛ gɔŋkpɔ fɛɛ gɔŋkpɔ shi. Ahã shikpɔŋ ni nɔ yɔɔ dokoidokoi lɛ nɔ aja,Ni afee shikpɔŋ ni nɔ efee gɔŋ kɛ jɔɔ gɔŋ kɛ jɔɔ lɛ trɛnɛɛ.+   Abaajie Yehowa anunyam lɛ kpo,+Ni heloo* fɛɛ kwa baana,+Ejaakɛ Yehowa naabu ewie.”   Bo toi! Mɔ ko miikɛɛ akɛ: “Bolɔmɔ!” Ni mɔ kroko miibi akɛ: “Mɛni mibolɔ mikɛɛ?” Akɛ: “Heloo* fɛɛ lɛ, jwɛi fɔ ni. Amɛsuɔmɔ ni tsakeee lɛ fɛɛ tamɔ ŋa nɔ fɔfɔi.+   Jwɛi fɔ gbiɔ,Ni fɔfɔi hu ŋalaa,+Ejaakɛ mumɔ ni Yehowa muɔ* lɛ tsɔɔ nɔ.+ Gbɔmɛi tamɔ jwɛi fɔ lɛɛlɛŋ.   Jwɛi fɔ gbiɔ,Ni fɔfɔi hu ŋalaa,Shi wɔ-Nyɔŋmɔ lɛ wiemɔ lɛ hiɔ shi kɛyaa naanɔ.”+   Kwɔɔ kɛya gɔŋ ni kwɔ ko nɔ,Bo yoo ni hiɛ sane kpakpa kɛmiiba abahã Zion.+ Boo kɛ hewalɛ,Bo yoo ni hiɛ sane kpakpa kɛmiiba abahã Yerusalem. Boo waa, kaashe gbeyei. Kɛɛmɔ Yuda maji lɛ akɛ: “Naa nyɛ-Nyɔŋmɔ lɛ.”+ 10  Naa! Nuŋtsɔ Ofe Yehowa baaba kɛ hewalɛ,Ni enine baaye nɔ ehã lɛ.+ Naa! Ehiɛ jweremɔnɔ yɛ edɛŋ,Ni nyɔmɔ ni ewoɔ lɛ hu yɛ ehiɛ.+ 11  Ebaakwɛ etooku lɛ tamɔ tookwɛlɔ.+ Ekɛ enine baabua gwantɛŋbii lɛ anaa,Ni ebaahiɛ amɛ yɛ etsitsi nɔ. Ebaakpala mɛi ni hiɛ bii bibii lɛ blɛoo.+ 12  Namɔ nyɛɔ ekɛ edɛ̃ kɔkɔŋ susuɔ nui+Ni egbɛɔ edɛ̃ kɛsusuɔ* ŋwɛi? Namɔ nyɛɔ ebuaa shikpɔŋ lɛ nɔ mulu lɛ naa yɛ susumɔnɔ mli ni esusuɔ,+Loo eŋmɛɔ gɔji lɛ yɛ niŋmɛɛ nii amli,Kɛ gɔŋkpɔi lɛ hu yɛ nsɛnii amli? 13  Namɔ nyɛɔ esusuɔ Yehowa mumɔ lɛ,*Ni namɔ baanyɛ afee eŋaawolɔ ni etsɔɔ lɛ gbɛ?+ 14  Namɔ ekɛsusuɔ nii ahe koni enu nii ashishi,Loo namɔ tsɔɔ lɛ jalɛsaneyeli gbɛ lɛ,Loo namɔ tsɔɔ lɛ nii koni ele nii,Loo namɔ tsɔɔ lɛ anɔkwa niiashishinumɔ gbɛ lɛ?+ 15  Naa! Jeŋmaji lɛ tamɔ nu kuli yɛ goga he,Kɛ mulu fioo ko yɛ nsɛni he.+ Naa! Ewóɔ ŋshɔkpɔi lɛ anɔ tamɔ mulu kuli. 16  Lebanon tsei lɛ po faaa bɔ ni amɛbaanyɛ amɛhã la aya nɔ atso,*Ni emli kooloi lɛ hu faaa kɛhãaa shãa afɔle. 17  Yɛ ehiɛ lɛ, jeŋmaji lɛ fɛɛ tamɔ nɔ ko ni bɛ shihilɛ mli;+Ebuɔ amɛ akɛ nɔ ko folo ko kɛkɛ, nɔ ko ni he bɛ sɛɛnamɔ.+ 18  Namɔ he nyɛbaanyɛ nyɛkɛ Nyɔŋmɔ ato?+ Mɛni nyɛbaanyɛ nyɛkɛɛ akɛ eje?+ 19  Ŋaalɔ lɛ feɔ dade amaga lɛ,Ni dade sɔ̃lɔ lɛ kɛ shika tsuru haa he,+Ni efeɔ jwiɛtɛi tsein* kɛwoɔ he. 20  Ehalaa tso ko akɛ no ekɛbaashã afɔle,+Tso ni kpɔtɔɔɔ. Etaoɔ ŋaalɔ ni he esaKoni ekɛ tso lɛ ahã lɛ ni ekɛgbɔ amaga ni egbeŋ shi.+ 21  Ani nyɛleee? Ani nyɛnuko? Ani akɛko nyɛ kɛjɛ shishijee tɔ̃ɔ? Ani nyɛnuko shishi kɛjɛ be ni ato shikpɔŋ lɛ faneshii lɛ ashishi lɛ?+ 22  Mɔ ko yɛ ni eta shikpɔŋ kokloo lɛ yiteŋ,*+Ni mɛi ni yɔɔ nɔ lɛ tamɔ agãi yɛ ehiɛ. Ekpãa ŋwɛii amli tamɔ klala hatahata ko,Ni elɛɔ amɛmli tamɔ mama tsũ ni ahiɔ mli.+ 23  Ebaa maŋ onukpai ashi kwraaNi ehãa shikpɔŋ lɛ nɔ kojolɔi* lɛ feɔ tamɔ mɛi ni he bɛ sɛɛnamɔ ko. 24  Kɛ́ atɛo amɛ nɔŋŋ lɛ,Kɛ́ adu amɛ nɔŋŋ lɛ,Kɛ́ amɛtso lɛ ná shishifã yɛ shikpɔŋ nɔŋŋ pɛ lɛ,Kɔɔyɔɔ tswaa shwieɔ amɛnɔ ni amɛgbiɔ,Ni kɔɔyɔɔ lɛ loɔ amɛ kɛyaa tamɔ ŋmaa* tsei.+ 25  Mɔ krɔŋkrɔŋ lɛ kɛɛ akɛ: “Namɔ he nyɛbaanyɛ nyɛkɛ mi ato ni ekɛ mi aye egbɔ? 26  Nyɛholea nyɛhiŋmɛii anɔ kɛyaa ŋwɛi ni nyɛkwɛa. Namɔ bɔ enɛɛmɛi?+ Mɔ ni hãa amɛjeɔ kpo tamɔ asraafoi yɛ amɛyibɔ naa lɛ;Etsɛɔ amɛ fɛɛ kɛ amɛgbɛ́ii.+ Akɛni ehewalɛ etãaa, ni ehe wa waa hewɔ lɛ,+Amɛteŋ ekome folo po elaajeee. 27  Bo Yakob, mɛni hewɔ okɛɔ akɛ, ni bo Israel, mɛni hewɔ owieɔ akɛ,‘Akɛ migbɛ lɛ etee Yehowa,Ni Nyɔŋmɔ kwɛɛɛ koni aye mi jalɛ sane’ lɛ?+ 28  Ani oleee? Ani onuko? Yehowa, mɔ ni bɔ shikpɔŋ lɛ naagbeehei lɛ, eji Nyɔŋmɔ ni hiɔ shi kɛyaa naanɔi anaanɔ.+ Etɔɔɔ lɛ, ni egbɔjɔɔɔ hu.+ Anyɛɛɛ ana eniiashishinumɔ lɛ naa.*+ 29  Ehãa mɔ ni etɔ lɛ lɛ hewalɛNi ehãa mɛi ni bɛ hewalɛ* lɛ náa hewalɛ waa.+ 30  Ebaatɔ gbekɛbii hii ni amɛbaagbɔjɔ,Oblahii baatɛrɛ ni amɛbaagbee shi, 31  Shi mɛi ni kɛ amɛhiɛ fɔ̃ɔ Yehowa nɔ lɛ baaná hewalɛ ekoŋŋ. Amɛbaafiliki kɛya ŋwɛi shɔŋŋ oookɛɛ amɛyɛ okropɔŋ fiji.+ Amɛbaajo foi ni amɛgbɔjɔɔɔ;Amɛbaanyiɛ ni etɔɔɔ amɛ.”+

Shishigbɛ Niŋmaa

Hebri sht. ŋm., “Nyɛkɛ Yerusalem tsui awiea.”
Loo “Ená toi enyɔ kɛjɛ Yehowa dɛŋ yɛ ehe eshai lɛ ahewɔ.”
Loo “gbɔmɛi.”
Loo “Gbɔmɛi.”
Loo “Ejaakɛ Yehowa mumɔ.”
Loo “ekɛ edɛ̃ ni egbɛ mli susuɔ.” Dɛ̃ ni agbɛ mli ji kɛjɛ gɔnti naa kɛyashi waosɛɛkpelɔ lɛ naa kɛ́ agbɛ dɛ̃. Kwɛmɔ Saji Krokomɛi B14 lɛ.
Shishitsɔɔmɔi komɛi kɛɔ akɛ, “Namɔ nyɛɔ enuɔ Yehowa mumɔ lɛ shishi.”
Loo “Lebanon tsei lɛ po shɛɛɛ lai ni ashãa.”
Loo “kɔsɔŋkɔsɔi.”
Loo “shikpɔŋ lɛ yiteŋ kokloo lɛ nɔ.”
Loo “nɔyelɔi.”
Ŋmaa ní awieɔ he yɛ biɛ lɛ ji wiiti, abele, omɔ, kɛ amɛhenɔi lɛ eko.
Loo “Anyɛɛɛ ana ejwɛŋmɔ mlikwɔlɛ.”
Loo “mɛi ni hewalɛ tãa.”