Yesaia 29:1-24

  • Kpoo hã Ariel! (1-16)

    • Awie ashi naabu kɛkɛ ni akɛwoɔ Nyɔŋmɔ hiɛ nyam lɛ (13)

  • Toimulɔ baanu nii; ni shwilafo baana nii (17-24)

29  “Kpoo hã Ariel,* Ariel, maŋ ni David yabɔ nsara yɛ mli lɛ!+ Nyɛyaa nɔ daa afi;Nyɛyaa nɔ nyɛyea nyɛgbii juji+ ni nyɛyeɔ daa afi lɛ.   Shi mahã Ariel+ ahao,Ni abaaye awerɛho ni abaafó,+Ni ebaatsɔ tamɔ he ni ashãa afɔle ahãa Nyɔŋmɔ yɛ lɛ ehã mi.+   Mabɔ nsara mawo ohe fɛɛ kɛkpe,Ni mikɛ tsei baafo afabaŋ mawo oheNi mafee kawoo nibii mawo ohe.+   Ni abaaba bo shi;Obaajɛ shikpɔŋ lɛ owie,Ni mulu baafutu owiemɔ lɛ. Shikpɔŋ lɛ mli ogbee baajɛ kɛba+Tamɔ mumɔi atsɛlɔ gbee,Ni obaajɛ mulu lɛ mli owie kɛ loofɔlɔ gbee.   Ohenyɛlɔi* lɛ ayi baafa tamɔ paada munyɔmunyɔ,+Yiwalɔi lɛ ayi baafa tamɔ ŋmaa* he totoi ni kɔɔyɔɔ eloo.+ Ni ebaaba trukaa ni akpaaa gbɛ.+   Yehowa, taiatsɛ lɛ, baagbala ejwɛŋmɔ kɛba onɔKɛ nugbɔshiimɔ, kɛ shikpɔŋhosomɔ, kɛ hoofeemɔ kpele,Kɛ kɔɔyɔɔ ni naa wa, kɛ ahum, kɛ la ni tsoɔ grigri.”+   Kɛkɛ lɛ, jeŋmaji babaoo ni wuɔ ta amɛshiɔ Ariel lɛ fɛɛ+—Mɛi fɛɛ ni wuɔ ta amɛshiɔ lɛ lɛ,Kpokui ni atswa kɛbɔle ehe lɛ,Kɛ mɛi ni haoɔ lɛ lɛ—Baatsɔmɔ tamɔ lamɔ ni alaa, nyɔɔŋ ninaa.   Anɔkwa, ebaafee tamɔ mɔ ko ni hɔmɔ miiye lɛ ni eela akɛ eeye nii,Shi be ni ehiɛ tsɛ̃ɔ lɛ, hɔmɔ miiye lɛ lolo,*Ni ebaafee tamɔ mɔ ko ni kumai miiye lɛ ni eela akɛ eenu nu,Shi be ni ehiɛ tsɛ̃ɔ lɛ, etɔ lɛ ni kumai miiye lɛ lolo.* Nakai ebaaba jeŋmaji babaooNi wuɔ ta amɛshiɔ Zion Gɔŋ+ lɛ fɛɛ anɔ.   Nyɛhe ajɔ̃a nyɛhe ni nyɛnaa akpɛa nyɛhe;+Nyɛhaa nyɛhiɛ koni nyɛkana nii.+ Amɛtɔrɔ dãa, shi jeee kɛ wain;Amɛmiididãa, shi jeee kɛ dãa ni wa. 10  Ejaakɛ Yehowa efɔse wɔ ni tsii mumɔ eshwie nyɛnɔ;+Eŋamɔ nyɛhiŋmɛii, ni ji gbalɔi lɛ,+Ni nyɛyitsei, ni ji ninalɔi lɛ, eha amɛnɔ.+ 11  Ninaa fɛɛ ninaa etsɔ tamɔ wolo ni asɔo naa yɛ nyɛhiɛ.+ Kɛ́ amɛkɛhã mɔ ko ni le nikanemɔ ni amɛkɛɛ lɛ akɛ: “Ofainɛ, kanemɔ enɛ waa” lɛ, ebaakɛɛ akɛ: “Minyɛŋ makane ejaakɛ asɔo naa.” 12  Ni kɛ́ amɛkɛhã mɔ ko ni leee nikanemɔ ni amɛkɛɛ lɛ akɛ: “Ofainɛ, kanemɔ enɛ” lɛ, ebaakɛɛ akɛ: “Mileee nikanemɔ kwraa.” 13  Yehowa kɛɛ: “Maŋ nɛɛ baa miŋɔɔ kɛ amɛnaabuNi amɛkɛ amɛnaabu woɔ mihiɛ nyam,+Shi amɛtsui kɛ mi teŋ jekɛ waa;Ni amɛsheɔ mi gbeyei yɛ gbɔmɛi akitãi ni atsɔɔ amɛ lɛ hewɔ.+ 14  No hewɔ lɛ, miji mɔ ni kɛ maŋ nɛɛ baafee naakpɛɛ nii ekoŋŋ,+Naakpɛɛ nii ni eko nyiɛ eko sɛɛ;Ni amɛhiɛshikalɔi lɛ ahiɛshikamɔ lɛ baafite,Ni amɛhiɛtɛlɔi lɛ aniiashishinumɔ lɛ baalaaje.”*+ 15  Kpoo hã mɛi ni bɔɔ mɔdɛŋ fɛɛ ni amɛbaanyɛ koni amɛkɛ amɛyiŋtoi* atee Yehowa lɛ.+ Amɛtsuɔ amɛnitsumɔi lɛ yɛ duŋ mli,Ni amɛkɛɔ akɛ: “Namɔ naa wɔ? Namɔ le nɔ ni wɔfeɔ lɛ?”+ 16  Kwɛ bɔ ni nyɛkɔ̃dɔ̃ɔ nibii!* Ani esa akɛ abu gbɛshɔ̃lɔ lɛ tamɔ sũ lɛ nɔŋŋ?+ Ani esa akɛ nɔ ni afee lɛ awie yɛ mɔ ni fee lɛ lɛ he akɛ: “Jeee lɛ efee mi”?+ Ani esa akɛ nɔ ni ashɔ̃ lɛ awie yɛ eshɔ̃lɔ lɛ he akɛ: “Enuuu nii ashishi”?+ 17  Etsɛŋ kwraa ni Lebanon baatsɔ aduawa ŋmɔ,+Ni abaabu aduawa ŋmɔ lɛ akɛ koo.+ 18  Nakai gbi lɛ nɔ lɛ, toimulɔ baanu wolo lɛ mli wiemɔi,Ni bɔ ni jeŋ efee kusuu ni ewo duŋ lɛ fɛɛ sɛɛ lɛ, shwilafoi ahiŋmɛii baana nii.+ 19  Mɛi ni he jɔ lɛ baanya waa yɛ Yehowa hewɔ,Ni gbɔmɛi ateŋ ohiafoi lɛ baanya yɛ Israel Mɔ Krɔŋkrɔŋ lɛ hewɔ.+ 20  Ejaakɛ yiwalɔ lɛ ehiŋ shi dɔŋŋ,Mɔ ni shwãa lɛ naagbee baaba,Ni mɛi fɛɛ ni efee klalo akɛ amɛbaaye awui lɛ ahiɛ baakpãtã,+ 21  Mɛi ni maleɔ ni amɛhãa mɛi krokomɛi yeɔ fɔ,Mɛi ni tsɔɔ mɔ ni fãa maŋ lɛ he* yɛ maŋ lɛ agbó lɛ mli lɛ tsɔne,+Kɛ mɛi ni wieɔ nibii ni bɛ mli ni hãa atsɔɔ jalɔ sane hiɛ abuɔ shi lɛ.+ 22  No hewɔ lɛ, naa nɔ ni Yehowa, mɔ ni jie Abraham+ lɛ kɛɔ Yakob shĩa lɛ: “Yakob hiɛ gboŋ dɔŋŋ,Ni ehiɛ efeŋ mɔbɔmɔbɔ dɔŋŋ.*+ 23  Ejaakɛ kɛ́ ena ebii,Ni ji mininenaa nitsumɔ lɛ, yɛ emli lɛ,+Amɛbaawo migbɛ́i lɛ hiɛ nyam;Hɛɛ, amɛbaawo Yakob Mɔ Krɔŋkrɔŋ lɛ hiɛ nyam,Ni amɛbaashe Israel Nyɔŋmɔ lɛ gbeyei.+ 24  Mɛi ni edu gbɛ yɛ amɛjwɛŋmɔ* mli lɛ baanu nii ashishi,Ni mɛi ni wieɔ huhuuhu lɛ baabo gbɛtsɔɔmɔ toi.”

Shishigbɛ Niŋmaa

Eeenyɛ efee akɛ, eshishi ji “He Ni Ashãa Afɔle Ahãa Nyɔŋmɔ Yɛ Lɛ,” ni eeenyɛ efee akɛ, aawie Yerusalem he.
Hebri sht. ŋm., “Ogbɔi.”
Ŋmaa ní awieɔ he yɛ biɛ lɛ ji wiiti, abele, omɔ, kɛ amɛhenɔi lɛ eko.
Loo “esusuma kã efolo.”
Loo “ni esusuma egbi.”
Loo “baaŋmɛɛ amɛ.”
Loo “amɛgbɛjianɔtoi.”
Loo “Kwɛ bɔ ni nyɛtsɔɔ nibii ahiɛ nyɛbuɔ shi!”
Hebri sht. ŋm., “mɔ ni jajeɔ mɛi.”
Ni tsɔɔ akɛ, yɛ ehiɛ ni eshwie shi kɛ nɔ ni ekpaa gbɛ ni baaa mli lɛ hewɔ.
Hebri sht. ŋm., “amɛmumɔ.”