Yesaia 28:1-29

  • Kpoo hã Efraim dãatɔlɔi lɛ! (1-6)

  • Yuda osɔfoi lɛ kɛ gbalɔi lɛ didãa (7-13)

  • “Wɔkɛ Gbele ekpaŋ kpaŋmɔ” (14-22)

    • Zion koŋtɛ ni jara wa (16)

    • Yehowa nitsumɔ ni yɔɔ srɔto kwraa lɛ (21)

  • Yehowa tsɔsemɔ kpakpa lɛ he nɔkwɛmɔnɔ (23-29)

28  Kpoo hã Efraim+ dãatɔlɔi lɛ akekere* ni amɛkɛshwãa*Kɛ enunyam fɛfɛo lɛ fɔfɔi ni miigbi,Ni yɔɔ mɛi ni wain etɔrɔ amɛ dãa lɛ ajɔɔ ni baa nii lɛ yiteŋ lɛ!   Naa! Yehowa yɛ mɔ ko ni he wa ni feɔ ekãa. Ebaashɛ akekere lɛ efɔ̃ shikpɔŋ lɛ nɔ waa,Tamɔ nyɔŋmɔŋtɛ ni miinɛ waa ni eeshimɔ, kɔɔyɔɔ ni naa wa ni kpãtãa nii ahiɛ,Tamɔ nugbɔ ni miinɛ waa ni eeshimɔ.   Efraim dãatɔlɔi lɛ akekere ni amɛkɛshwãa* lɛ,Akɛ naji baanaanaa nɔ.+   Ni enunyam fɛfɛo lɛ fɔfɔi ni miigbi,Ni yɔɔ jɔɔ ni baa nii lɛ yiteŋ lɛ,Baatsɔ tamɔ agbami ni tsu mra dani latsa be lɛ shɛ. Kɛ́ mɔ ko na lɛ, etseɔ eko ni emiɔ nɔŋŋ.  Nakai gbi lɛ nɔ lɛ, Yehowa, taiatsɛ lɛ, baatsɔ anunyam maŋtsɛ fai kɛ fɔfɔi akekere fɛfɛo ehã emaŋbii lɛ ateŋ mɛi ni baashwɛ lɛ.+  Ni ebaatsɔ jalɛsaneyeli mumɔ ehã mɔ ni taa shi ekojoɔ lɛ kɛ mɔ ni hãa mɛi ni fãa agbó lɛ he lɛ hewalɛ.+   Ni wain hãa mɛnɛɛmɛi hu duɔ gbɛ;Amɛdãji ni naa wala lɛ hãa amɛdidãa. Dãa ni naa wa hãa osɔfo kɛ gbalɔ duɔ gbɛ;Wain hãa amɛyiŋ futuɔ amɛ,Ni amɛdãa ni naa wa lɛ hãa amɛdidãa;Amɛninaa lɛ hãa amɛduɔ gbɛ,Ni amɛtɔ̃ɔ yɛ yiŋkpɛɛ* mli.+   Ejaakɛ amɛkpɔlɔi lɛ anɔ eyi obɔ kɛ shwee kpɔtɔɔ—Ekpa he fɛɛ he.   Namɔ ebaahã lɛ nilee,Ni namɔ ebaagbala sane lɛ mli ehã? Mɛi ni nyɛsɛɛ nɛɛ nɔŋŋ atse amɛ fufɔ lɛ?Mɛi ni nyɛsɛɛ nɛɛ nɔŋŋ akpa amɛ fufɔ hãmɔ lɛ? 10  Ejaakɛ eji “mla nyiɛ mla sɛɛ, mla nyiɛ mla sɛɛ,Susumɔ kpãa nyiɛ susumɔ kpãa sɛɛ, susumɔ kpãa nyiɛ susumɔ kpãa sɛɛ,+Fioo yɛ biɛ, fioo yɛ jɛmɛ.”* 11  No hewɔ lɛ, ebaatsɔ mɛi ni haa mumɔ* kɛ maŋsɛɛ wiemɔ nɔ ekɛ nɛkɛ maŋ nɛɛ awie.+ 12  Be ko lɛ, ekɛɛ amɛ akɛ: “Hejɔɔmɔhe lɛ nɛ. Nyɛhãa mɛi ni etɔ amɛ lɛ ajɔa amɛhe; tsuiwoohe lɛ nɛ,” shi amɛbooo toi.+ 13  No hewɔ lɛ, Yehowa wiemɔ lɛ baatsɔ: “Mla nyiɛ mla sɛɛ, mla nyiɛ mla sɛɛ,Susumɔ kpãa nyiɛ susumɔ kpãa sɛɛ, susumɔ kpãa nyiɛ susumɔ kpãa sɛɛ,+Fioo yɛ biɛ, fioo yɛ jɛmɛ,” ahã amɛ, Koni kɛ́ amɛnyiɛ lɛ,Amɛtɛrɛ ni amɛya sɛɛsɛɛ ni amɛgbee shiNi amɛkumɔ, ni atsɔ amɛ tsɔne, ni adu amɛ.+ 14  No hewɔ lɛ, nyɛ mɛi ni nyɛshwãa, nyɛboa Yehowa wiemɔ lɛ toi,Nyɛ mɛi ni nyɛyeɔ nɛkɛ maŋ nɛɛ nɔ yɛ Yerusalem, 15  Ejaakɛ nyɛkɛɔ akɛ: “Wɔkɛ Gbele ekpaŋ kpaŋmɔ,+Ni wɔkɛ Gbonyobu* lɛ eba gbeekpamɔ.* Kɛ́ nui babaoo lɛ baho lɛ,Eshɛŋ he ni wɔyɔɔ lɛ,Ejaakɛ wɔkɛ amale efee wɔbobaaheNi wɔyatee wɔhe yɛ amale mli.”+ 16  No hewɔ lɛ, nɔ ni Nuŋtsɔ Ofe Yehowa kɛɛ nɛ: “Naa, mikɛ tɛ+ ko ni aka akwɛ miitswa faneshi yɛ Zion,Faneshi+ ni ma shi shiŋŋ koŋtɛ+ ni jara wa. Mɔ fɛɛ mɔ ni heɔ eyeɔ lɛ etsui efaŋ.+ 17  Mikɛ jalɛsaneyeli baafee susumɔ kpãa+Ni mikɛ jalɛ nifeemɔ baafee tsũ jajemɔ kpãa.*+ Nyɔŋmɔŋtɛ baabɛɛ abobaahe ni ji amalei lɛ kɛya,Ni nui babaoo baaloo teemɔhe lɛ kɛya. 18  Abaafo kpaŋmɔ ni nyɛkɛ Gbele ekpaŋ lɛ mli,Ni gbeekpamɔ ni yɔɔ nyɛ kɛ Gbonyobu* lɛ teŋ lɛ damɔŋ shi.+ Kɛ́ nui babaoo lɛ baho lɛEbaakpãtã nyɛhiɛ. 19  Shii abɔ ni ebaaho lɛ,Ebaabɛɛ nyɛ kɛya;+Ejaakɛ ebaaho daa leebi,Jetsɛremɔ kɛ jenamɔ fɛɛ. Gbeyeishemɔ pɛ baahã amɛnu sane lɛ shishi.” 20  Ejaakɛ saa lɛ kɛɛɛ bɔ ni mɔ baanyɛ akpã emli yɛ nɔNi mama ni alo lɛ elɛɛɛ bɔ ni mɔ baanyɛ ekɛha ehe. 21  Ejaakɛ Yehowa baate shi adamɔ shi tamɔ bɔ ni efee yɛ Perazim Gɔŋ lɛ nɔ lɛ,Ebaahoso ehe tamɔ bɔ ni efee yɛ jɔɔ ni bɛŋkɛ Gibeon lɛ mli lɛ,+Koni efee enii lɛ—enii ni yɔɔ srɔto kwraa lɛ—Ni etsu enitsumɔ lɛ—enitsumɔ ni yɔɔ srɔto kwraa lɛ.+ 22  No hewɔ lɛ, nyɛkayea fɛo,+Koni akamia kpãi ni akɛfimɔ nyɛ lɛ amli,Ejaakɛ minu yɛ Nuŋtsɔ Ofe Yehowa, taiatsɛ lɛ naa akɛ,Akpɛ mli akɛ abaakpãtã shikpɔŋ lɛ* fɛɛ hiɛ.+ 23  Nyɛfea toi, ni nyɛboa migbee toi:Nyɛkɛ nyɛjwɛŋmɔ abaa biɛ, ni nyɛboa nɔ ni makɛɛ lɛ toi. 24  Ani hulɔ lɛ kɛ tsina kɔi huɔ gbi muu fɛɛ dani eduɔ dumɔwui? Ani eyaa nɔ etsaa eshikpɔŋ lɛ mli ni ejwaraa emli kpɔi lɛ?+ 25  Kɛ́ esaa shikpɔŋ lɛ hiɛ lɛ,Ani eshwãaa kumin diŋ, ni eduuu kumin,Ni ani eduuu wiiti, kɛ ŋmaa, kɛ barle* yɛ amɛgbɛhei lɛKɛ spɛlt*+ yɛ ehusui lɛ anɔ? 26  Ejaakɛ etsɔɔ* lɛ nii* yɛ gbɛ kpakpa nɔ;E-Nyɔŋmɔ lɛ tsɔɔ lɛ gbɛ.+ 27  Ejaakɛ akɛ ŋmaagbeemɔ shwiili+ tsɔɔɔ kumin diŋ nɔ,Ni akɛ shwiili tai* tsɔɔɔ kumin nɔ. Moŋ lɛ, tso akɛgbeɔ kumin diŋ,Ni akɛ dɛhiɛmɔtso gbeɔ kumin. 28  Ani mɔ gbeɔ ŋmaa* koni akɛshã blodo? Dabi, eyaaa nɔ egbeee sɔŋŋ;+Ni kɛ́ ekɛ ekpɔŋɔi lɛ gbala eshwiili lɛ tai* lɛ kɛtsɔ ŋmaa lɛ nɔ lɛ,Egbɛlɛɛɛ lɛ.+ 29  Enɛ hu jɛ Yehowa, taiatsɛ lɛ ŋɔɔ,Mɔ ni ŋaawoo* hãa mɔ naa kpɛɔ eheNi etsuɔ nitsumɔi wuji hu lɛ.*+

Shishigbɛ Niŋmaa

Eeenyɛ efee akɛ, ekɔɔ Samaria ni ji amɛmaŋtiase lɛ he.
Loo “amɛkɛwóɔ amɛhe nɔ.”
Loo “amɛkɛwóɔ amɛhe nɔ.”
Loo “kojomɔ.”
Jamɔŋ hiɛnyiɛlɔi na sane ni Yesaia jaje etsɔɔ amɛ lɛ tamɔ lalawiemɔ ni gbekɛbii kɛɔ.
Hebri sht. ŋm., “mɛi ni naabu haa mumɔ.”
Hebri mli lɛ, “Sheol,” ni ji, mfonirifeemɔŋ gbonyobu kome kɛhã adesai. Kwɛmɔ Wiemɔi Titrii Amligbalamɔ lɛ.
Shishitsɔɔmɔi komɛi kɛɔ akɛ, “wɔkɛ Gbonyobu lɛ ena ninaa ko.”
Loo “kulomulo; plomo.”
Hebri mli lɛ, “Sheol,” ni ji, mfonirifeemɔŋ gbonyobu kome kɛhã adesai. Kwɛmɔ Wiemɔi Titrii Amligbalamɔ lɛ.
Loo “shikpɔŋ muu lɛ.”
Eji wiiti henɔ ko.
Spɛlt ji wiiti henɔ ko ni jeee ekpakpa ní aduɔ yɛ blema Ejipt.
Ni ji, Nyɔŋmɔ.
Loo “etsɔseɔ lɛ; ewieɔ etsɔɔ lɛ.”
Loo “koklolonto.”
Ŋmaa ní awieɔ he yɛ biɛ lɛ ji wiiti, abele, omɔ, kɛ amɛhenɔi lɛ eko.
Loo “koklolonto.”
Loo “yiŋtoo.”
Loo “Ni ehiɛshikamɔ hu fa babaoo lɛ.”