Yesaia 25:1-12
25 Ao Yehowa, bo ji mi-Nyɔŋmɔ.
Miiwó onɔ gojoo, miijie ogbɛ́i lɛ yi,Ejaakɛ ofee naakpɛɛ nibii,+Nibii ni oto oyiŋ yɛ amɛhe kɛjɛ blema tɔ̃ɔ lɛ,+Oyeɔ anɔkwa,+ anyɛɔ akɛ hiɛ fɔ̃ɔ onɔ.
2 Ejaakɛ ohã maŋ ko etsɔ koikoi,Maŋ ni atswa gbogbo awo he lɛ etsɔ amaŋfɔ.
Gbɔi amɔɔ lɛ jeee maŋ dɔŋŋ;Amaŋ dɔŋŋ gbi ko gbi ko.
3 No hewɔ ni maŋ ni he wa baawo ohiɛ nyam lɛ;Jeŋmaji ni yitseiaŋ wala lɛ amaŋ lɛ baashe bo gbeyei.+
4 Ejaakɛ otsɔ teemɔhe ohã mɔ ni bɛ yelikɛbualɔ lɛ,Otsɔ teemɔhe ohã ohiafo lɛ yɛ ehaomɔ be mli,+Abobaahe yɛ nugbɔnɛmɔ mli,Kɛ hɔɔŋ hu be ni hulu miitso.+
Kɛ́ mɛi ni yitseiaŋ wala fã kɛba tamɔ bɔ ni nugbɔ ni naa wa nɛɔ shwieɔ gbogbo he,
5 Tamɔ bɔ ni hulu tsoɔ yɛ shikpɔŋ gbiŋ nɔ lɛ,Obaa gbɔi ni feɔ hoo lɛ ahoofeemɔ lɛ shi.
Bɔ ni atatu hɔɔŋ yeɔ hulu la nɔ lɛ,Nakai abaahã mɛi ni yitseiaŋ wala lɛ alala lɛ sɛɛ afo.
6 Nɛkɛ gɔŋ nɛɛ+ nɔ Yehowa, taiatsɛ lɛ, baaŋmɛ majimaji lɛ fɛɛ okpɔlɔ yɛOkpɔlɔ kɛ enɔ niyenii kpakpai,+Okpɔlɔ kɛ enɔ wain kpakpai,*Niyenii kpakpai ni wuiaŋfɔ yɔɔ mli,Wain kpakpai, wain ni atsere nɔ.
7 Gɔŋ nɛɛ nɔ ebaajie* nɔ ni akɛha majimaji lɛ fɛɛ ahiɛ lɛKɛ nɔhaanɔ* ni alo ni akɛha jeŋmaji lɛ fɛɛ anɔ lɛ yɛ.
8 Ebaami gbele kɛbaaya* naanɔ,+Ni Nuŋtsɔ Ofe Yehowa baatsumɔ mɔ fɛɛ mɔ hiɛ yaafonui.+
Ebaajie emaŋ lɛ hiɛgbele lɛ kɛje shikpɔŋ lɛ nɔ fɛɛ,Ejaakɛ Yehowa diɛŋtsɛ ni ewie.
9 Nakai gbi lɛ nɔ lɛ, amɛbaakɛɛ akɛ:
“Naa! Wɔ-Nyɔŋmɔ lɛ nɛ!+
Wɔkɛ wɔhiɛ efɔ̃ enɔ,+Ni ebaahere wɔ.+
Yehowa nɛ!
Wɔkɛ wɔhiɛ efɔ̃ enɔ.
Nyɛhãa wɔnyaa ni wɔmii ashɛa wɔhe yɛ eyiwalaheremɔ lɛ hewɔ.”+
10 Ejaakɛ Yehowa kɛ enine baafɔ̃ gɔŋ nɛɛ nɔ,+Ni abaanaanaa Moab nɔ yɛ he ni eyɔɔ lɛ+Tamɔ jwɛi ni anaanaa nɔ yɛ kooloi afei mli.
11 Ebaakpã eniji amli kɛtswa mliTamɔ bɔ ni kɛ́ mɔ ko miisere lɛ ekpãa eniji amli kɛtswaa nu lɛ mli koni enyɛ esere lɛ,Ni ebaaba ehenɔwomɔ lɛ shi+Be ni ekɛ eniji lɛ tswaa lɛ yɛ ŋaa mli lɛ.
12 Ni omaŋ ni atswa gbogbo awo he, ogbogboi ni kwɔlɔ ni buɔ ohe lɛ,Ebaakumɔ eshwie shi;Ebaatsi etswa shi kɛtswa mulu lɛ mli.
Shishigbɛ Niŋmaa
^ Loo “wain ni akɛma shi ni enyɔ shi.”
^ Loo “hiɛhaanɔ.”
^ Hebri sht. ŋm., “ebaami.”
^ Loo “Ebaajie gbele kɛya.”
