Yesaia 23:1-18
-
Sane ni awie ashi Tiro (1-18)
23 Sane ni awie yɛ Tiro+ he lɛ nɛ:
Nyɛ Tarshish+ meelei, nyɛwoa yara!
Ejaakɛ akpãtã lɛjiadaamɔhe lɛ hiɛ; anyɛŋ abote mli dɔŋŋ.
Ajɛ Kitim+ shikpɔŋ lɛ nɔ ahã amɛle.
2 Nyɛ ŋshɔnaa bii, nyɛfea diŋŋ.
Jarayelɔi ni jɛ Sidon+ ni foɔ ŋshɔ lɛ eyi omli obɔ.
3 Nui babaoo ahiɛ atsɔɔ ni akɛ Shihor*+ nibaa nii* lɛ baa,Nilo nikpamɔ lɛ, eshika lɛ,Akɛ jeŋmaji lɛ asɛɛnamɔ lɛ baa eŋɔɔ.+
4 Bo Sidon, ŋshɔnaa teemɔhe lɛ, ohiɛ agbo,Ejaakɛ ŋshɔ lɛ kɛɛ akɛ:
“Mikɔmɔko pɛŋ, ni mifɔko hu,Ni mikwɛko oblahii, ni mitsɔseko oblayei* hu.”+
5 Bɔ ni Ejipt+ he amaniɛbɔɔ lɛ hã mɛi nu he lɛ,Nakai mɛi baahao yɛ Tiro+ he amaniɛbɔɔ lɛ he.
6 Nyɛ ŋshɔnaa bii, nyɛwoa yara!
Nyɛfoa mli kɛyaa Tarshish!
7 Ani omaŋ lɛ ni mli fili lɛ kɛjɛ blema, kɛjɛ eshishijee beiaŋ lɛ nɛ?
No mli lɛ, enaji kɛ lɛ yaa shikpɔji ni yɔɔ shɔŋŋ lɛ anɔ koni eyahi jɛmɛ.
8 Namɔ ekpɛ yiŋ nɛɛ eshi Tiro,Mɔ ni kɛ akekerei buɔ mɛi,Mɔ ni lumɛi ji ejarayelɔi,Mɔ ni awoɔ ejarayelɔi lɛ ahiɛ nyam yɛ shikpɔŋ lɛ nɔ fɛɛ lɛ?+
9 Yehowa, taiatsɛ lɛ, diɛŋtsɛ ji mɔ ni ekpɛ yiŋ nɛɛ,Koni efite eshwãa lɛ kɛ ehefɛo lɛ fɛɛ,Koni eshwie mɛi fɛɛ ni awoɔ amɛhiɛ nyam yɛ shikpɔŋ lɛ nɔ fɛɛ lɛ ahiɛ shi.+
10 Bo Tarshish biyoo, haa oshikpɔŋ lɛ nɔ tamɔ Nilo Faa lɛ.
He ko bɛ ni afeɔ meelei yɛ* dɔŋŋ.+
11 Ekpã enine mli yɛ ŋshɔ lɛ nɔ;Ehoso maŋtsɛyelii.
Yehowa efã ni akpãtã Foinike teemɔhei lɛ fɛɛ ahiɛ.+
12 Ni ekɛɛ akɛ: “Omli efiliŋ bo dɔŋŋ,+Bo mɔ ni awa bo yi, Sidon biyoo oblayoo fro.
Tee shi ni ofo mli kɛya Kitim.+
Jɛmɛ po onáŋ hejɔlɛ.”
13 Naa! Kaldeabii+ lɛ ashikpɔŋ lɛ ni.
Mɛi lɛ nɛ—jeee Asiriabii+ lɛ—Kaldeabii lɛ ji mɛi ni hã etsɔ he ko ni ŋa kpataa nɔ kooloi hiɔ.
Amɛtswa kpokui ni amɛkɛwoɔ ka;Amɛfite emɔji lɛ,+Ni amɛfee maŋ lɛ koikoi.
14 Nyɛ, Tarshish meelei, nyɛwoa yara,Ejaakɛ afite nyɛteemɔhe lɛ.+
15 Nakai gbi lɛ nɔ lɛ, hiɛ baakpa Tiro nɔ afii 70,+ tamɔ afii abɔ ni maŋtsɛ kome yeɔ lɛ nɔŋŋ. Yɛ afii 70 lɛ naagbee lɛ, nɔ ni baaba Tiro nɔ lɛ baafee tamɔ bɔ ni eji yɛ ashawo yoo lala lɛ mli lɛ, akɛ:
16 “Bo ashawo yoo ni hiɛ ekpa onɔ, kɔ saŋku ni oyakpa shi yɛ maŋ lɛ mli.
Tswaa osaŋku lɛ jogbaŋŋ;Lá lalai babaoo,Koni amɛkai bo.”
17 Afii 70 lɛ naagbee lɛ, Yehowa kɛ ejwɛŋmɔ baaba Tiro nɔ, ni ekɛ ehe baawo eshawo nitsumɔ lɛ mli ekoŋŋ kɛhe shika, ni ekɛ je lɛ mli maŋtsɛyelii fɛɛ ni yɔɔ shikpɔŋ lɛ hiɛ lɛ baabɔ ajwamaŋ.
18 Shi esɛɛnamɔ lɛ kɛ shika ni ebaaná kɛjɛ eshawo nitsumɔ lɛ mli lɛ baafee nɔ ko krɔŋkrɔŋ ehã Yehowa. Abuaŋ naa, ni atiaŋ naa hu, ejaakɛ shika ni ebaaná kɛjɛ eshawo nitsumɔ lɛ mli lɛ baatsɔ mɛi ni yɔɔ Yehowa hiɛ lɛ anii, koni amɛye ni amɛtɔrɔ ni amɛwo atadei fɛfɛji.+
Shishigbɛ Niŋmaa
^ “Shihor ji Nilo Faa lɛ niji lɛ eko.”
^ Hebri sht. ŋm., “Shihor dumɔwu.”
^ Hebri sht. ŋm., “oblayei froi.”
^ Shishitsɔɔmɔi komɛi kɛɔ akɛ, “Lɛjiadaamɔhe ko bɛ.”
