Yesaia 18:1-7

  • Sane ni awie ashi Etiopia (1-7)

18  Kpoo hã filikilɔi bibii ni tswaa amɛfijiaŋ ashikpɔŋNi yɔɔ Etiopia+ fai lɛ kpokpaa lɛ nɔ lɛ!   Etsuɔ tsuji* kɛtsɔɔ ŋshɔ hiɛ,Ehãa amɛtaa papiro* lɛji amli kɛfoɔ nui lɛ, ni ekɛɔ amɛ akɛ: “Nyɛ tsuji* ni he yɔɔ oya, nyɛyaa,Nyɛyaa jeŋmaŋ ko ni emli bii lɛ kwɔlɔ ni amɛhewolonɔ yɔɔ trotro,*Maŋ ni asheɔ amɛ gbeyei yɛ he fɛɛ he,+Jeŋmaŋ ko ni he wa ni yeɔ maji anɔ kunim,*Ni fai eloo eshikpɔŋ lɛ kɛtee lɛ ŋɔɔ.”   Nyɛ shikpɔŋ lɛ nɔ bii fɛɛ kɛ nyɛ mɛi fɛɛ ni nyɛyɔɔ je lɛ mli,Nɔ ni nyɛbaana lɛ baafee tamɔ okadi* ko ni ma gɔji anɔ,Ni nyɛbaanu gbɛɛmɔ ko tamɔ aakpã tɛtɛrɛmantɛrɛ.*   Ejaakɛ nɔ ni Yehowa kɛɛ mi nɛ: “Mafee diŋŋ ni makwɛ mishihilɛhe ni ato ama shi lɛ,Tamɔ hulutsoo mli dɔlɛ,Tamɔ bɔ́ ni enyɔ kɛjɛ atatu mli yɛ latsa beiaŋ nikpamɔ mli.   Ejaakɛ dani nikpamɔ be lɛ baashɛ,Be ni afoforo lɛ egba momo ni fɔfɔi lɛ etsɔ wain yibii ni etsu lɛ,Akɛ kaklai ni akɛsaa tsei ahe baafolɔ tsei aniji ni etsɛ̃ lɛNi abaafolɔ ehe kpãi lɛ ashwie.   Abaashi fɛɛ ahã gɔji anɔ loofɔji ni gbɔbiɔ lɛKɛ shikpɔŋ lɛ nɔ kooloi lɛ. Loofɔji ni gbɔbiɔ lɛ baaye amɛ yɛ latsa beiaŋ,Ni shikpɔŋ lɛ nɔ kooloi lɛ fɛɛ baaye amɛ yɛ nikpamɔ beiaŋ.   Nakai be lɛ mli lɛ, abaaba ni abake Yehowa, taiatsɛ lɛ niiKɛjɛ jeŋmaŋ ko ni emli bii lɛ kwɔlɔ ni amɛhewolonɔ yɔɔ trotro,*Maŋ ni asheɔ amɛ gbeyei yɛ he fɛɛ he,Jeŋmaŋ ko ni he wa ni yeɔ maji anɔ kunim*Ni fai eloo eshikpɔŋ lɛ kɛtee lɛ ŋɔɔAmɛkɛbaaba he ni akɛ Yehowa, taiatsɛ lɛ, gbɛ́i efɔ̃ nɔ, ni ji Zion Gɔŋ lɛ nɔ.”+

Shishigbɛ Niŋmaa

Loo “bɔfoi.”
Eji pamplo henɔ ko ni kwɛ̃ɔ yɛ hei ni nu yɔɔ.
Loo “bɔfoi.”
Hebri sht. ŋm., “jeŋmaŋ ko ni akpã amɛmli ni asha amɛhe.”
Loo “Jeŋmaŋ ko ni he wa ni naanaa mɛi anɔ.”
Loo “tso jaŋŋ.”
Hebri sht. ŋm., “akolonto.”
Hebri sht. ŋm., “jeŋmaŋ ko ni akpã amɛmli ni asha amɛhe.”
Loo “Jeŋmaŋ ko ni he wa ni naanaa mɛi anɔ.”