Yesaia 15:1-9

  • Sane ni awie ashi Moab (1-9)

15  Sane ni awie ashi Moab nɛ:+ Akɛni akpãtã ehiɛ yɛ jenamɔ kome mli hewɔ lɛ,Moab Ar+ efee diŋŋ. Akɛni akpãtã ehiɛ yɛ jenamɔ kome mli hewɔ lɛ,Moab Kir+ efee diŋŋ.   Ekwɔ kɛtee Shĩa* lɛ kɛ Dibon,+Kɛtee hei grɔŋŋi lɛ koni eyafó. Moab miifó yɛ Nebo+ kɛ Medeba+ hewɔ. Ashɛ yiteŋ tsɔi fɛɛ yiteŋ tsɔi hiahia,+ ni aku tsɛŋ fɛɛ tsɛŋ.+   Amɛbumɔ kpekpei* kɛnyiɛ gbɛjegbɛi lɛ anɔ. Amɛ fɛɛ amɛmiifó yɛ amɛtsũi lɛ ayiteŋ kɛ amɛhenaabuamɔhei lɛ;Amɛmiikpeleke shi kɛ yaafo.+   Heshbon kɛ Eleale+ miibo;Aanu amɛgbee yɛ Yahaz+ tɔ̃ɔ. No hewɔ ni Moab asraafoi lɛ yaa nɔ amɛbolɔɔ lɛ. Eekpokpo.*   Mitsui miibo yɛ Moab hewɔ. Ewebii ni jo foi lɛ etee Zoar+ kɛ Eglat-shelishiya+ tɔ̃ɔ. Be ni amɛmiikwɔ Luhit gɔŋkpɔ lɛ amɛmiifó;Be ni amɛnyiɛ gbɛ kɛmiiya Horonaim lɛ, amɛmiifó yɛ hiɛkpatamɔ lɛ hewɔ.+   Ejaakɛ Nimrim nui lɛ etã;Jwɛi fɔ lɛ eŋala,Jwɛi lɛ etã ni nɔ ko frɔ̃frɔ̃ ko bɛ dɔŋŋ.   No hewɔ ni amɛloo nibii ni eshwɛ yɛ amɛnitoohei lɛ kɛ amɛjwetrii lɛ kɛyaa lɛ;Amɛmiifo jɔɔ* ni popla tsei yɔɔ mli lɛ.   Ejaakɛ bolɔmɔ lɛ miijije yɛ Moab shikpɔŋ lɛ nɔ fɛɛ.+ Yaafo lɛ eyashɛ Eglaim;Yaafo lɛ eyashɛ Beer-elim.   Ejaakɛ Dimon nui lɛ amli eyi kɛ lá,Shi mikɛ nii ni fe no baaba Dimon nɔ: Jata baaba Moabbii ni miijo foi lɛKɛ mɛi ni eshwɛ yɛ shikpɔŋ lɛ nɔ lɛ anɔ.+

Shishigbɛ Niŋmaa

Loo “Sɔlemɔ Shĩa.”
Kpekpe ni atsɔɔ yɛ biɛ lɛ ji mama ko ni bei pii lɛ akɛ kooloo hetsɔi feɔ. Abuɔ be mli ni aaye awerɛho.
Loo “Esusuma miikpokpo.”
Loo “nujɔɔ.”