Yesaia 10:1-34

  • Nyɔŋmɔ gbala Israel toi (1-4)

  • Asiria⁠​—​tso ni Nyɔŋmɔ kɛbaajie emlifu kpo (5-11)

  • Toigbalamɔ ni akɛbaaba Asiria nɔ (12-19)

  • Mɛi ni baashwɛ ahã Yakob lɛ baaku amɛsɛɛ (20-27)

  • Nyɔŋmɔ baakojo Asiria (28-34)

10  Kpoo hã mɛi ni toɔ taomɔ nii ni yeɔ awui shishi+Mɛi ni woɔ mlai ni mli wa* daa,   Koni akɛshɔ̃ nɔ ni ji ohiafo nɔ lɛ yɛ edɛŋ,Koni akɛye mimaŋbii lɛ ateŋ mɛi ni bɛ yelikɛbualɔ lɛ sane fɔŋ,+Koni amɛshɔ̃ yei okulafoi anibii yɛ amɛdɛŋNi amɛloo gbekɛbii ni bɛ tsɛmɛi* lɛ agboshinii lɛ!+   Mɛni nyɛbaafee yɛ kojomɔ gbi* lɛ nɔ,+Gbi ni hiɛkpatamɔ baajɛ shɔŋŋ kɛba lɛ?+ Namɔ ŋɔɔ nyɛbaajo foi kɛya kɛyatao yelikɛbuamɔ?+Ni nɛgbɛ nyɛbaashi nyɛninámɔ lɛ yɛ?   Nɔ ko nɔ ko bɛ ni nyɛbaafee fe akɛ nyɛbaakoto shi yɛ gboklɛfoi lɛ ateŋAloo nyɛbaagbeegbee shi yɛ mɛi ni agbe amɛ lɛ ateŋ. Enɛ fɛɛ sɛɛ lɛ, egbalako emlifu lɛ sɛɛ,Shi ekpã enine mli lolo koni etswa amɛ nɔ.+   “Ahãa! Naa Asirianyo lɛ,+Tso ni mikɛbaajie mimlifu lɛ kpo lɛ+Kɛ amɛdɛhiɛmɔtso ni mikɛbaagbala toi lɛ!   Matsu lɛ ni eyatutua jeŋmaŋ ni ekwa mi lɛ,+Maŋ ni ewo mimli la lɛ;Mafã lɛ ni eloo ta mli nii babaoo, ni eshɔ̃ nibii babaooKoni enaanaa amɛnɔ tamɔ gbɛjegbɛi anɔ ŋmɔtɔ.+   Shi egbaŋ kɛbaŋ nɛkɛ gbɛNi etsui hu edɔŋ kɛbaŋ nɛkɛ gbɛ;Ejaakɛ ekã etsui nɔ akɛ ekpãtã nii ahiɛ,Efolɔ jeŋmaji babaoo eshwie, jeee fioo ko.   Ejaakɛ ekɛɔ akɛ,‘Ani milumɛi lɛ fɛɛ lɛ, jeee maŋtsɛmɛi sɔŋŋ ni?+   Ani Kalno+ tamɔɔɔ Karkemish+ nɔŋŋ? Ani Hamat+ tamɔɔɔ Arpad?+ Ani Samaria+ tamɔɔɔ Damasko?+ 10  Minine eshɔ̃ nyɔŋmɔi ni he bɛ sɛɛnamɔ ko lɛ amaŋtsɛyelii lɛ,Mɛi ni amɛmagai lɛ fa fe Yerusalem kɛ Samaria amagai lɛ!+ 11  Bɔ ni mifee Samaria kɛ enyɔŋmɔi ni he bɛ sɛɛnamɔ ko lɛ,Ani mifeŋ Yerusalem kɛ emagai lɛ hu nakai nɔŋŋ?’+ 12  “Kɛ́ Yehowa gbe nɔ fɛɛ nɔ ni etsuɔ yɛ Zion Gɔŋ lɛ nɔ kɛ Yerusalem lɛ naa lɛ, ebaagbala* Asiria maŋtsɛ lɛ toi yɛ etsuiŋwalɛ kɛ shwã ni eshwãa kɛ ehenɔwomɔ hiŋmɛii lɛ hewɔ.+ 13  Ejaakɛ ekɛɔ akɛ,‘Mibafee enɛ kɛ mi diɛŋtsɛ minineshiwalɛKɛ mihiɛshikamɔ, ejaakɛ mihiɛ kã shi. Majie majimaji lɛ ahe husui lɛ+Ni mashɔ̃ amɛjwetrii lɛ,+Ni maba mɛi ni yɔɔ amɛmli lɛ ashi mawo mishishi tamɔ nuu kãkãlɔ.+ 14  Minine baaloo majimaji lɛ aniiTamɔ bɔ ni mɔ ko kpãa enine mli kɛwoɔ loofɔlɔ tsũ mli lɛ,Ni mabua shikpɔŋ muu lɛ fɛɛ naaTamɔ bɔ ni abuaa loofɔlɔ wɔji ni ashi anaa lɛ! Mɔ ko mɔ ko etswaŋ efijiaŋ loo egbɛŋ edaaŋ loo eboŋ fifi ewoŋ mi.’” 15  Ani lema lɛ baanyɛ awó ehe nɔ yɛ mɔ ni kɛ lɛ foɔ tso lɛ nɔ? Ani saalai baanyɛ awó ehe nɔ yɛ mɔ ni kɛ lɛ gbaa tso lɛ nɔ? Ani dɛhiɛmɔtso+ baanyɛ ahoso mɔ ni ewó enɔ lɛ? Ni ani tso baanyɛ awó mɔ ni jeee tso akɛfee lɛ lɛ nɔ? 16  No hewɔ lɛ, anɔkwa Nuŋtsɔ lɛ, Yehowa, taiatsɛ lɛ,Baahã emɛi ni eshwishwii lɛ atãra loo,+Ni ebaashɛre la ewo enunyam lɛ shishi.+ 17  Israel Kane*+ lɛ baatsɔ la ni miitso,+Ni e-Mɔ Krɔŋkrɔŋ lɛ baatsɔ lalilɛi,Ebaatso ni ebaashã ejwɛi* lɛ kɛ eŋmei tsei lɛ yɛ gbi kome mli. 18  Ebaakpãtã ekoo kɛ eduawa ŋmɔ lɛ anunyam lɛ hiɛ kwraa;*Tamɔ bɔ ni hela kpãtãa mɔ hiɛ kwraa lɛ.+ 19  Ebaashwɛ tsei fioo yɛ ekoo lɛ mli aahu akɛGbekɛ nuu fioo baanyɛ akane ni eŋma amɛyibɔ. 20  Nakai gbi lɛ nɔ lɛ, mɛi ni baashwɛ yɛ IsraelKɛ mɛi ni he baaje mli yɛ Yakob shĩa lɛKɛ amɛhe efɔ̃ŋ mɔ ni tswa amɛ nɔ lɛ nɔ dɔŋŋ;+Shi amɛkɛ amɛhe baafɔ̃ Yehowa,Israel Mɔ Krɔŋkrɔŋ lɛ nɔ kɛ amɛtsui fɛɛ.* 21  Mɛi fioo ko pɛ baashwɛ ni baaku amɛsɛɛ,Mɛi ni baashwɛ ahã Yakob lɛ, amɛbaaku amɛsɛɛ kɛya Nyɔŋmɔ Ofe lɛ ŋɔɔ.+ 22  Shi bo Israel, eyɛ mli akɛ omaŋbii lɛAyi fa tamɔ ŋshɔnaa shia moŋ,Shi amɛteŋ mɛi fioo pɛ baashwɛ ni baaku amɛsɛɛ.+ Hiɛkpatamɔ ni ato miimɛ amɛ,+Ni abaagbala amɛtoi.*+ 23  Lɛɛlɛŋ, hiɛkpatamɔ ni Nuŋtsɔ Ofe, Yehowa, taiatsɛ lɛ eto lɛBaaba shikpɔŋ muu lɛ fɛɛ nɔ.+ 24  No hewɔ lɛ, nɔ ni Nuŋtsɔ Ofe, Yehowa, taiatsɛ lɛ kɛɛ nɛ: “Miwebii ni yɔɔ Zion, nyɛkashea gbeyei yɛ Asirianyo lɛ hewɔ, mɔ ni kɛ tso+ tswaa nyɛ ni ewóɔ edɛhiɛmɔtso lɛ nɔ yɛ nyɛnɔ tamɔ bɔ ni Ejipt fee lɛ.+ 25  Ejaakɛ etsɛŋ kwraa ni toigbalamɔ lɛ baaba naagbee; madɔ mimlifu lɛ mato amɛnɔ ni makpãtã amɛhiɛ.+ 26  Yehowa, taiatsɛ lɛ baadɔ kpãa eto enɔ,+ tamɔ be ni eye Midian nɔ kunim yɛ Oreb tɛsaa lɛ nɔ lɛ.+ Ni ekɛ edɛhiɛmɔtso lɛ baatsɔɔ ŋshɔ lɛ, ni ebaawó nɔ tamɔ bɔ ni efee Ejipt lɛ.+ 27  Nakai gbi lɛ nɔ lɛ, abaajie ejatsu lɛ yɛ okɔɔŋ nɔ,+Kɛ ekɔɔŋtso lɛ hu yɛ okuɛ nɔ,+Ni abaakumɔ+ kɔɔŋtso lɛ yɛ mu lɛ hewɔ.” 28  Eba Ayat;+Etsɔ Migron kɛho;Eyato ejatsu lɛ ema shi yɛ Mikmash.+ 29  Amɛyatsɔ he ni afoɔ faa lɛ yɛ lɛ;Amɛyawɔ Geba;+Rama miikpokpo, Gibea+ ni ji Saul maŋ lɛ ejo foi.+ 30  Bo Galim biyoo, wó ogbee nɔ ni obo! Bo Laisha, bo toi jogbaŋŋ! Ao Anatot,+ onii yɛ mɔbɔ! 31  Madmena ejo foi. Mɛi ni yɔɔ Gebim lɛ eyatao he ko amɛtee amɛhe. 32  Ebaawa edamɔ shi yɛ Nob+ ŋmɛnɛ gbi nɛɛ. Efi atswɛrɛ ni eehoso kɛmiitsɔɔ Zion biyoo lɛ gɔŋ lɛ,Yerusalem gɔŋkpɔ lɛ. 33  Naa! Anɔkwa Nuŋtsɔ lɛ, Yehowa, taiatsɛ lɛ,Miifolɔ tsei aniji eeshwie shi gidigidi;+Aafolɔ tsei ni kwɔlɔ fe fɛɛ lɛ aashwie shi,Ni aaba mɛi ni nɔ kwɔlɔ lɛ ashi. 34  Ekɛ dade* miifolɔ koo ni ebu kusuu lɛ mli tsei lɛNi nuu kãkãlɔ baatsi Lebanon agbee shi.

Shishigbɛ Niŋmaa

Loo “Mɛi ni kɛ famɔi ni mli wa hãa.”
Loo “amɛloo awusãi.”
Loo “toigbalamɔ gbi.”
Ni ji, Nyɔŋmɔ. Hebri sht. ŋm., “mibagbala.”
Loo “Israel La.”
Ni ji, Asiria.
Loo “anunyam lɛ hiɛ kɛjɛ susuma nɔ kɛyashi heloo nɔ.”
Loo “kɛ anɔkwayeli.”
Loo “Ni jalɛsaneyeli baaha amɛnɔ.”
Loo “lema.”