Yeremia 4:1-31

  • Tsuitsakemɔ kɛ jɔɔmɔi baa (1-4)

  • Sane fɔŋ baajɛ kooyigbɛ kɛba (5-18)

  • Yeremia werɛ ho ehe yɛ sane fɔŋ ni baa lɛ hewɔ (19-31)

4  “Bo Israel, kɛ́ oku osɛɛ lɛ,” Yehowa kɛɛ,“Kɛ́ oku osɛɛ kɛba miŋɔɔNi kɛ́ ojie omagai ni yɔɔ nyaŋemɔ lɛ kɛje mihiɛ lɛ,No lɛ, obɔŋ ko dɔŋŋ.+   Ni kɛ́ okã kitã akɛ,‘Gbii abɔ ni Yehowa hiɛ kã nɛɛ!’ yɛ anɔkwale kɛ jalɛsaneyeli kɛ jalɛ nifeemɔ mli lɛ,No lɛ, jeŋmaji lɛ baatsɔ enɔ amɛná jɔɔmɔ amɛhã amɛ diɛŋtsɛ amɛhe,Ni amɛbaashwã yɛ ehewɔ.”+  Ejaakɛ nɔ ni Yehowa kɛɔ Yuda hii lɛ kɛ Yerusalem nɛ: “Nyɛhua shikpɔŋ kpakpa nɔ nyɛhãa nyɛhe,Ni nyɛkpaa nii ni nyɛduɔ yɛ ŋmei ateŋ lɛ.+   Nyɛ Yuda hii kɛ nyɛ mɛi ni nyɛyɔɔ Yerusalem,Nyɛfolɔa nyɛhe ketia nyɛhãa Yehowa,+Ni nyɛjiea nyɛtsui ketia naa loo lɛ,Koni mimlifu lɛ akatso tamɔ laNi eshã ni mɔ ko nyɛɛɛ agbe,Yɛ nyɛnifeemɔi fɔji lɛ ahewɔ.”+   Nyɛjajea yɛ Yuda, ni nyɛshiɛa yɛ Yerusalem. Nyɛbolɔa ni nyɛkpãa tɛtɛrɛmantɛrɛ* yɛ shikpɔŋ lɛ nɔ fɛɛ.+ Nyɛboa waa nyɛkɛa akɛ: “Nyɛbuaa nyɛhe naaNi nyɛhãa wɔjoa foi kɛyaa maji ni atswa gbogboi awo amɛhe lɛ amli.+   Nyɛwóa okadi* ko nɔ nyɛtsɔa Zion gbɛ. Nyɛtaoa abobaahe, ni nyɛkawaa nyɛdamɔa shi,” Ejaakɛ mikɛ sane fɔŋ, hiɛkpatamɔ kpele miiba kɛmiijɛ kooyigbɛ.+   Epue tamɔ jata ko ni eje kpo kɛje ekoo kusuu lɛ mli;+Jeŋmaji lɛ ahiɛkpatalɔ lɛ miiba.+ Ejɛ he ni eyɔɔ lɛ kɛmiiba koni ehã oshikpɔŋ lɛ atsɔ nɔ ko ni baahã mɛi ahe ajɔ̃ amɛhe. Abaakpãtã omaji lɛ ahiɛ kwraa, ni mɔ ko mɔ ko ehiŋ mli.+   No hewɔ lɛ, nyɛbua kpekpe,*+Nyɛyea awerɛho* ni nyɛfóa waa,Ejaakɛ Yehowa mlifu ni naa wa lɛ ejeko wɔnɔ.   “Nakai gbi lɛ nɔ lɛ,” Yehowa kɛɛ, “maŋtsɛ lɛ tsui baafã,+Lumɛi lɛ hu atsui baafã;Osɔfoi lɛ ahe baajɔ̃ amɛhe, ni gbalɔi lɛ anaa baakpɛ amɛhe.”+ 10  Ni mikɛɛ akɛ: “Ao Nuŋtsɔ Ofe Yehowa! Lɛɛlɛŋ, olaka maŋ nɛɛ+ kɛ Yerusalem kwraa okɛɛ akɛ, ‘Nyɛbaaná toiŋjɔlɛ,’+ be mli ni klante lɛ ma wɔkuɛ he.”* 11  Nakai be lɛ mli lɛ, abaakɛɛ maŋ nɛɛ kɛ Yerusalem akɛ: “Kɔɔyɔɔ ni mli edɔ baajɛ shikpɔŋ kpataa lɛ nɔ gɔŋkpɔi kpatai lɛ anɔ abaNi ebaatswa eshwie mimaŋ lɛ biyoo* lɛ nɔ:Ebaaa ni ebasha ŋmaa* mli loo ejie emli muji lɛ. 12  Mi mihãa kɔɔyɔɔ ni naa wa lɛ jɛɔ nɛkɛ hei nɛɛ kɛbaa. Agbɛnɛ mawie kojomɔ wiemɔi mashi amɛ. 13  Naa! ebaaba tamɔ nugbɔnɛmɔ atatui,Ni eshwiilii lɛ tamɔ kɔɔyɔɔ ni naa wa.+ Ekpɔŋɔi lɛ ahe yɛ oya fe okropɔŋi.+ Kpoo hã wɔ, ejaakɛ akpãtã wɔhiɛ atã! 14  Bo Yerusalem, fɔ efɔŋfeemɔ kɛje otsui mli koni ahere bo.+ Mɛɛ be okɛ ojwɛŋmɔi fɔji lɛ baato omli kɛyashi? 15  Ejaakɛ gbee ko tswaa adafi kɛjɛɔ Dan,+Ni ejɛɔ Efraim gɔji lɛ anɔ ejajeɔ sane fɔŋ. 16  Hɛɛ, nyɛshiɛa enɛ nyɛhãa jeŋmaji lɛ;Nyɛtswaa adafi nyɛshia Yerusalem.” “Mɛi ejɛ shikpɔŋ ko ni yɔɔ shɔŋŋ nɔ kɛmiiba amɛbakpa maŋ lɛ shi,*Ni amɛbaahole amɛgbei anɔ amɛshi Yuda maji lɛ. 17  Amɛbaa enɔ* kɛjɛɔ he fɛɛ he tamɔ bulɔi ni buɔ ŋmɔji ahe,+Ejaakɛ etse mihiɛ atua,”+ Yehowa kɛɛ. 18  “Akɛ bo diɛŋtsɛ ogbɛi lɛ kɛ onifeemɔi lɛ baaba onɔ.+ Sane fɔŋ ni baaba onɔ lɛ naa baawa waa,*Ejaakɛ ebaashɛ otsui mli tɔ̃ɔ!” 19  Mihao waa,* mihao waa! Miipiŋ yɛ mitsui mli diɛŋtsɛ.* Mitsui miitswa yɛ mimli. Minyɛɛɛ mafee diŋŋ,Ejaakɛ minu tɛtɛrɛmantɛrɛ* gbɛɛmɔ he,Gbɛɛmɔ ni tsɔɔ akɛ afã ta.*+ 20  Abɔ sane fɔŋ ni nyiɛ sane fɔŋ sɛɛ he amaniɛ,Ejaakɛ akpãtã shikpɔŋ muu lɛ fɛɛ hiɛ. Akpãtã mi diɛŋtsɛ mimama tsũi lɛ ahiɛ trukaa,Kɛ mimama tsũi lɛ ahe mamai lɛ hu yɛ hiŋmɛitswaa mli.+ 21  Mɛɛ be nɔŋŋ mana okadi* lɛ kɛyashi?Mɛɛ be nɔŋŋ manu tɛtɛrɛmantɛrɛ* lɛ gbɛɛmɔ kɛyashi?+ 22  “Ejaakɛ mimaŋbii lɛ, buului ji amɛ;+Ejaakɛ amɛkɛ amɛjwɛŋmɔ emaaa minɔ. Bii kwashiai ni nuuu nii ashishi ji amɛ. Nilelɔi* ji amɛ yɛ efɔŋfeemɔ gbɛfaŋ,Shi amɛleee ekpakpafeemɔ.” 23  Mikwɛ shikpɔŋ lɛ, ni naa! nɔ ko nɔ ko bɛ nɔ, ni etsɔ amaŋfɔ.+ Mikwɛ ŋwɛii hu, ni amɛkpɛɛɛ la dɔŋŋ.+ 24  Mikwɛ gɔji lɛ, ni naa! amɛmiihoso,Ni gɔŋkpɔi lɛ miikpokpo.+ 25  Mikwɛ, ni naa! gbɔmɔ kome folo nɛkɛ bɛ,Ni ŋwɛi loofɔji lɛ fɛɛ efiliki kɛtee.+ 26  Mikwɛ, ni naa! aduawa ŋmɔ lɛ etsɔ ŋa,Ni akumɔ emaji lɛ fɛɛ ashwie shi.+ Yehowa hewɔ ni eba lɛ nakai,Emlifu ni naa wa lɛ hewɔ eba lɛ nakai. 27  Ejaakɛ nɔ ni Yehowa kɛɛ nɛ: “Shikpɔŋ muu lɛ fɛɛ baatsɔ amaŋfɔ,+Shi mikpãtãŋ nibii ahiɛ kɛgbeŋ naa. 28  Enɛ hewɔ lɛ, shikpɔŋ lɛ baaye awerɛho,+Ni ŋwɛi baawo duŋ.+ Ejaakɛ miwie, mikpɛ miyiŋ,Ni mitsakeŋ mijwɛŋmɔ,* ni mikuŋ misɛɛ hu.+ 29  Maŋ muu lɛ fɛɛ baajo foi+Yɛ okpɔŋɔnɔtaralɔi lɛ kɛ gãitsɛ̃lɔi lɛ ahoofeemɔ lɛ naa. Amɛbaabote koo lɛ mli,Ni amɛbaakwɔ tɛsai lɛ.+ Ashi maŋ fɛɛ maŋ afɔ̃ shi,Ni mɔ ko mɔ ko ehiii mli dɔŋŋ.” 30  Amrɔ nɛɛ ni akpãtã ohiɛ nɛɛ, mɛni obaafee? No mli lɛ, owoɔ atade tsuru,Okɛ shika tsuru hewulamɔnii wulaa ohe,Ni okɛ pɛnte diŋ kpaa ohiŋmɛii asɛɛ koni ana ohiŋmɛii lɛ jogbaŋŋ. Shi ohe ni ohãa efeɔ fɛo lɛ, sɛɛnamɔ ko bɛ he,+Ejaakɛ osuɔlɔi lɛ ekpoo bo;Amrɔ nɛɛ amɛmiitao amɛshɔ̃ owala yɛ odɛŋ.*+ 31  Ejaakɛ minu gbee ko ni tamɔ yoo ni miipiŋ* gbee,Kɛ̃ɛmɔ lɛ tamɔ yoo ni baafɔ ekromɔbi kɛ̃ɛmɔ,Zion biyoo ni tsui miisu lɛ gbee ni. Egbɛɔ eniji amli ni ekɛɔ akɛ:+ “Kpoo hã mi, ejaakɛ gbɔmɔgbelɔi lɛ ehã etɔ mi!”*

Shishigbɛ Niŋmaa

Hebri sht. ŋm., “akolonto.”
Loo “tso jaŋŋ.”
Kpekpe ni atsɔɔ yɛ biɛ lɛ ji mama ko ni bei pii lɛ akɛ kooloo hetsɔi feɔ. Abuɔ be mli ni aaye awerɛho.
Loo “Nyɛgbalaa nyɛtsitsi nɔ mai.”
Loo “be mli ni klante lɛ eshɛ wɔsusuma he.”
Akɛ wiemɔ ni ji “biyoo” tsuɔ nii akɛ mfonirifeemɔŋ wiemɔ kɛtsɔɔ akɛ mɔ ko nii yɛ mɔbɔ loo anuɔ he ahãa mɔ lɛ.
Ŋmaa ni awieɔ he yɛ biɛ lɛ ji wiiti, abele, omɔ, kɛ amɛhenɔi lɛ eko.
Hebri sht. ŋm., “Nikwɛlɔi miiba kɛmiijɛ shikpɔŋ ni yɔɔ shɔŋŋ nɔ.” Nikwɛlɔi nɛɛ kpaa maŋ shi koni amɛtsɔɔ be ni esa akɛ atutua maŋ lɛ.
Ni ji, Yerusalem.
Loo “Sane fɔŋ ni baaba onɔ lɛ baajoo waa.”
Hebri sht. ŋm., “Mimusuŋnii.”
Hebri sht. ŋm., “yɛ mitsui gbogboi lɛ amli.”
Hebri sht. ŋm., “akolonto.”
Shishitsɔɔmɔi komɛi kɛɔ akɛ, “Ta oshebɔɔ.”
Loo “tso jaŋŋ.”
Hebri sht. ŋm., “akolonto.”
Loo “Hiɛshikalɔi.”
Loo “mishwaŋ mihe.”
Loo “amɛmiitao osusuma.”
Shishitsɔɔmɔi komɛi kɛɔ akɛ, “yoo ni bɛ hewalɛ.”
Loo “misusuma.”