Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Halamɔ wiemɔ Ga

Yeremia 17:1-27

EMLI SAJI

  • Akɛ dade stailo ŋma Yuda he esha lɛ afɔ̃ shi (1-4)

  • Jɔɔmɔi ni jɛɔ hiɛ ni akɛfɔ̃ɔ Yehowa nɔ lɛ mli kɛbaa (5-8)

  • Tsui lakaa mɔ (9-11)

  • Yehowa, Israel hiɛnɔkamɔ (12, 13)

  • Yeremia sɔlemɔ (14-18)

  • Bɔ ni abaafee ni afee Hejɔɔmɔ Gbi lɛ krɔŋkrɔŋ (19-27)

17  “Akɛ dade stailo* eŋma Yuda he esha lɛ afɔ̃ shi. Akɛ daimɔnd naa ekpɛ́ amɛhe esha lɛ yɛ amɛtsui tao lɛ nɔKɛ amɛfɔleshaa latɛi lɛ akolontoi lɛ ahe,   Ni nakai beiaŋ nɔŋŋ lɛ, amɛbii* lɛ kaiɔ amɛfɔleshaa latɛi lɛ kɛ amɛwɔŋ tsei*+Yɛ tsei ni ebu kusuu ashishi yɛ gɔŋkpɔi ni kwɔlɔ lɛ anɔ,+   Yɛ gɔji ni yɔɔ ŋa nɔ lɛ anɔ. Mahã aloo onii, ojwetrii lɛ fɛɛ kɛya+—Hɛɛ, mahã aloo ohei grɔŋŋi lɛ kɛya yɛ esha ni yɔɔ okpokpai lɛ fɛɛ anɔ lɛ hewɔ.+   Bo diɛŋtsɛ obaaŋmɛɛ gboshinii ni mikɛhã bo lɛ he ofɔ̃ shi.+ Ni mahã osɔmɔ ohenyɛlɔi lɛ yɛ shikpɔŋ ko ni oleee lɛ nɔ,+Ejaakɛ nyɛtee mimlifu lɛ shi tamɔ ashɛreɔ la lɛ.*+ Ebaatso be fɛɛ be.”   Nɔ ni Yehowa kɛɛ nɛ: “Alomɔ mɔ* ni kɛ ehiɛ fɔ̃ɔ gbɔmɔ adesa nɔ,+Mɔ ni kɛ ehe fɔ̃ɔ gbɔmɔ adesa hewalɛ nɔ,*+Ni etsui tsiɔ ehe kɛjeɔ Yehowa he lɛ.   Ebaatsɔ tamɔ tso ni eshwɛ lɛ pɛ yɛ ŋa kpataa nɔ. Kɛ́ nɔ kpakpa ba lɛ, enaŋ,Shi ebaahi hei ni egbi keketee yɛ ŋa lɛ nɔ,Yɛ ŋoo shikpɔŋ ni mɔ ko nyɛɛɛ nɔ ahi lɛ nɔ.   Ajɔɔ mɔ* ni kɛ ehiɛ fɔ̃ɔ Yehowa nɔ,Mɔ ni hiɛ kã Yehowa nɔ lɛ.+   Ebaatsɔ tamɔ tso ni adu yɛ nui ahe,Ni eshishifãi amli kpãa kɛyaa faa lɛ mli. Kɛ́ jeŋ dɔ lɛ, enuŋ he,Shi ebai lɛ baafee frɔ̃frɔ̃ daa.+ Ni yɛ nuhɔmɔ afi mli lɛ, etsui yeŋ,Ni ekpaŋ yibiiwoo hu.   Tsui lakaa mɔ fe nɔ fɛɛ nɔ, ni ehe yɛ ahuntoo.*+ Namɔ baanyɛ ale lɛ? 10  Mi Yehowa, mitaoɔ tsui lɛ mli,+Mipɛiɔ mligbɛ susumɔi* amli,Koni mahã mɔ fɛɛ mɔ nɔ ni sa egbɛi lɛ,Yɛ yibii ni enitsumɔi lɛ woɔ lɛ naa.+ 11  Mɔ ni tsɔɔ gbɛ gbonyo* nɔ enáa nii lɛ,+Etamɔ koo mli wuɔ* ni buaa wɔji ni jeee lɛ eŋmɛ lɛ anaa. Amɛbaaŋmɛɛ lɛ yɛ ewala afii lɛ teŋ,Ni yɛ naagbee lɛ, ebaana akɛ eye kwashiai asane.” 12  Anunyam maŋtsɛ sɛi ni ma shi gojoo kɛjɛ shishijee lɛ,Ji he ni wɔjamɔhe lɛ yɔɔ.+ 13  Ao Yehowa, Israel hiɛnɔkamɔ,Mɛi fɛɛ ni jeɔ osɛɛ lɛ ahiɛ baagboi. Abaaŋma mɛi ni kwaa bo* lɛ agbɛ́ii yɛ shikpɔŋ mulu mli,+Ejaakɛ amɛje Yehowa, mɔ ni ji wala nu jɛɛhe lɛ sɛɛ.+ 14  Ao Yehowa, tsa mi, ni maná hewalɛ. Heremɔ mi, ni miyi baaná wala,+Ejaakɛ bo oyi mijieɔ. 15  Naa! Mɛi komɛi kɛɔ mi akɛ: “Nɛgbɛ Yehowa wiemɔ lɛ yɔɔ?+ Ofainɛ, hã eba ko!” 16  Shi mi lɛ, mijoko foi kɛjeko osɛɛ akɛ tookwɛlɔ,Ni mishweee hiɛkpatamɔ gbi lɛ. Ole nɔ fɛɛ nɔ ni minaabu ewie;Fɛɛ tee nɔ yɛ ohiɛ! 17  Kaahã gbeyei mɔ mi. Bo ji mibobaahe yɛ amanehulu gbi lɛ nɔ. 18  Hã mɛi ni waa mi yi lɛ ahiɛ agboi,+Shi mi lɛ, kaahã mihiɛ gbo. Hã gbeyei amɔmɔ amɛ,Shi mi lɛ, kaahã gbeyei mɔ mi. Okɛ amanehulu gbi lɛ aba amɛnɔ,+Ni ojwara amɛ ni okpãtã amɛhiɛ kwraa.* 19  Nɔ ni Yehowa kɛɛ mi nɛ: “Yaa ni oyadamɔ maŋbii lɛ agbó lɛ mli, he ni Yuda maŋtsɛmɛi lɛ tsɔɔ kɛyaa kɛbaa lɛ, kɛ Yerusalem agbói lɛ fɛɛ amli.+ 20  Kɛɛmɔ amɛ akɛ, ‘Nyɛboa Yehowa wiemɔ lɛ toi, nyɛ Yuda maŋtsɛmɛi, nyɛ Yudabii fɛɛ, kɛ mɛi fɛɛ ni yɔɔ Yerusalem ni tsɔɔ agbói nɛɛ amli lɛ. 21  Nɔ ni Yehowa kɛɛ nɛ: “Nyɛkwɛa jogbaŋŋ,* ni nyɛkaterea jatsu ko yɛ Hejɔɔmɔ Gbi lɛ nɔ, ni nyɛkɛ jatsu ko akatsɔa Yerusalem agbói lɛ amli hu.+ 22  Nyɛkaterea jatsu ko kɛjea kpo kɛjɛa nyɛshĩai lɛ amli yɛ Hejɔɔmɔ Gbi lɛ nɔ: ni nyɛkatsua nitsumɔ ko kwraa.+ Nyɛfea Hejɔɔmɔ Gbi lɛ krɔŋkrɔŋ tamɔ bɔ ni mifã nyɛtsɛmɛi lɛ.+ 23  Shi amɛbooo toi, ni amɛbaaa amɛtoi shi hu, ni amɛfee amɛhe kuɛŋtilɔi ni amɛbooo mi toi ni amɛkpɛlɛɛɛ tsɔsemɔ.”’+ 24  “‘“Shi kɛ́ nyɛbo mi toi yɛ nɔ fɛɛ nɔ mli lɛ,” Yehowa kɛɛ, “ni nyɛtereee jatsu ko kɛtsɔɔɔ maŋ nɛɛ agbói lɛ amli yɛ Hejɔɔmɔ Gbi lɛ nɔ, ni nyɛtsuuu nitsumɔ ko kwraa yɛ Hejɔɔmɔ Gbi lɛ nɔ kɛfee Hejɔɔmɔ Gbi lɛ krɔŋkrɔŋ lɛ,+ 25  no lɛ, maŋtsɛmɛi kɛ lumɛi ni taraa David maŋtsɛ sɛi lɛ nɔ+ lɛ hu baatara shwiili kɛ okpɔŋɔi anɔ kɛtsɔ maŋ nɛɛ agbói lɛ amli, amɛ kɛ amɛlumɛi lɛ, kɛ Yuda hii lɛ kɛ mɛi ni yɔɔ Yerusalem lɛ;+ ni mɛi baahi maŋ nɛɛ mli be fɛɛ be. 26  Ni mɛi kɛ shãa afɔlei,+ kɛ afɔlei,+ kɛ ŋmaa* afɔlei,+ kɛ frankinsɛnsi, kɛ shidaa afɔlei baajɛ Yuda maji lɛ amli, kɛ hei ni bɔle Yerusalem lɛ, kɛ Benyamin shikpɔŋ lɛ nɔ,+ kɛ jɔi lɛ amli,+ kɛ gɔji lɛ anɔ, kɛ Negeb* lɛ aba Yehowa shĩa lɛ mli.+ 27  “‘“Shi kɛ́ nyɛfeee Hejɔɔmɔ Gbi lɛ krɔŋkrɔŋ ni nyɛtere jatsui kɛtsɔ Yerusalem agbói lɛ amli yɛ Hejɔɔmɔ Gbi lɛ nɔ kɛgbo minɔ toi lɛ, mi hu mawo agbói lɛ amli la, ni ebaashã Yerusalem mɔji ni atswa gbogboi awo amɛhe lɛ fɛɛ kɛ̃,+ ni agbeŋ.”’”+

Shishigbɛ Niŋmaa

Loo “pɛn.” Kwɛmɔ “stailo” yɛ Wiemɔi Titrii Amligbalamɔ lɛ mli.
Hebri sht. ŋm., “amɛbihii.”
Shishitsɔɔmɔi komɛi kɛɔ akɛ, “Ejaakɛ ashɛre nyɛ tamɔ la yɛ mimlifu lɛ mli.”
Loo “gbɔmɔ ni he wa.”
Hebri sht. ŋm., “Mɔ ni kɛ heloo feɔ enine.”
Loo “gbɔmɔ ni he wa.”
Shishitsɔɔmɔi komɛi kɛɔ akɛ, “ehiii tsamɔ.”
Loo “mligbɛ henumɔi.” Hebri sht. ŋm., “sabai.”
Loo “gbɛ ni ejaaa.”
Loo “afi.”
Hebri sht. ŋm., “mi,” eeenyɛ efee akɛ ekɔɔ Yehowa he.
Loo “ni okpãtã amɛhiɛ toi enyɔ.”
Loo “Nyɛkwɛa nyɛsusumai anɔ jogbaŋŋ.”
Ŋmaa ní awieɔ he yɛ biɛ lɛ ji wiiti, abele, omɔ, kɛ amɛhenɔi lɛ eko.
Loo “wuoyigbɛ.”