Wolo Ni Akɛmaje Romabii Lɛ 6:1-23

  • Abaptisi amɛ awo Kristo mli koni amɛná wala hee (1-11)

  • Nyɛkahãa esha yea nɔ yɛ nyɛgbɔmɔtsei lɛ amli (12-14)

  • Jeee esha nyɔji dɔŋŋ, shi moŋ Nyɔŋmɔ nyɔji (15-23)

    • Esha he nyɔmɔwoo​—gbele; Nyɔŋmɔ nikeenii​—wala (23)

6  Te wɔɔkɛɛ tɛŋŋ? Ani esa akɛ wɔya nɔ wɔhi esha mli, koni dromɔ aya nɔ afa?  Dabida! Akɛni wɔkɛ esha bɛ nɔ ko feemɔ dɔŋŋ hewɔ lɛ,*+ te aaafee tɛŋŋ ni wɔya nɔ wɔhi mli lolo lɛ?+  Aloo nyɛleee akɛ wɔ mɛi fɛɛ ni abaptisi wɔ awo Kristo Yesu mli lɛ,+ egbele lɛ mli abaptisi wɔ awo lɛ?+  No hewɔ lɛ, atsɔ baptisimɔ ni abaptisi wɔ awo egbele lɛ mli lɛ nɔ afu wɔ kɛ lɛ fɛɛ,+ bɔ ni afee ni, bɔ ni atsɔ Tsɛ lɛ anunyam lɛ nɔ atee Kristo shi kɛjɛ gbohii ateŋ lɛ, wɔ hu nakai nɔŋŋ esa akɛ wɔnyiɛ yɛ shihilɛ* hee mli.+  Kɛji wɔkɛ lɛ efee ekome yɛ gbele ni tamɔ enɔ lɛ mli lɛ,+ bɔ fɛɛ bɔ ni fee lɛ, wɔkɛ lɛ baafee ekome yɛ shitee ni tamɔ enɔ lɛ mli hu.+  Ejaakɛ wɔle akɛ akala wɔsubaŋ* momo lɛ akpɛtɛ tso jaŋŋ lɛ he kɛfata ehe,+ koni wɔgbɔmɔtso ni esha yɔɔ he lɛ akaná hewalɛ ko,+ koni wɔkafee esha nyɔji dɔŋŋ.+  Ejaakɛ kɛ́ mɔ ko gbo lɛ, abuɔ lɛ bem kɛjeɔ ehe esha lɛ mli.*  Agbɛnɛ, kɛ́ wɔkɛ Kristo egbo lɛ, wɔheɔ wɔyeɔ akɛ wɔkɛ lɛ baahi shi hu.  Ejaakɛ wɔle akɛ Kristo lɛ, amrɔ nɛɛ ni atee lɛ shi kɛjɛ gbohii ateŋ lɛ,+ egboŋ dɔŋŋ;+ gbele yeŋ enɔ nuŋtsɔ dɔŋŋ. 10  Ejaakɛ gbo ni egbo lɛ, egbo koni ekɛjie esha kɛya shi kome nyɔŋlo,+ shi amrɔ nɛɛ ni ehiɛ kã lɛ, Nyɔŋmɔ ehiɛ kã hã. 11  Nakai nɔŋŋ nyɛ hu, nyɛbua nyɛhe akɛ mɛi ni kɛ esha bɛ nɔ ko feemɔ dɔŋŋ,* shi nyɛhiɛ kamɔ hã Nyɔŋmɔ yɛ Kristo Yesu mli.+ 12  No hewɔ lɛ, nyɛkahãa esha yaa nɔ eyeɔ maŋtsɛ yɛ nyɛgbɔmɔtsei ni baagboi lɛ amli+ ni nyɛfee nɔ ni nyɛgbɔmɔtsei lɛ shweɔ lɛ. 13  Ni nyɛkayaa nɔ nyɛkɛ nyɛgbɔmɔtsei lɛ* hãa esha akɛ dɛŋdadei* ni akɛfeɔ nii ni ejaaa, shi nyɛkɛ nyɛhe ahãa Nyɔŋmɔ akɛ mɛi ni hiɛ etsɛ̃ kɛjɛ gbohii ateŋ, ni agbɛnɛ hu, nyɛkɛ nyɛgbɔmɔtsei lɛ* ahãa Nyɔŋmɔ akɛ dɛŋdadei* ni akɛfeɔ jalɛ nii.+ 14  Ni esaaa akɛ esha yeɔ nyɛnɔ nuŋtsɔ, ejaakɛ nyɛbɛ mla shishi,+ shi moŋ nyɛyɛ dromɔ shishi.+ 15  No hewɔ lɛ, mɛni ekoŋŋ? Ani esa akɛ wɔfee esha akɛni wɔbɛ mla shishi, shi moŋ wɔyɛ dromɔ shishi lɛ hewɔ?+ Dabida! 16  Ani nyɛleee akɛ kɛ́ nyɛkɛ nyɛhe hã mɔ ko akɛ nyɔji ni boɔ lɛ toi lɛ, nyɛji mɔ ni nyɛboɔ lɛ toi lɛ nyɔji,+ esha+ ni kɛ mɔ yaa gbele+ mli lɛ nyɔji jio, toiboo ni kɛ mɔ yaa jalɛ mli lɛ nyɔji jio? 17  Shi shidaa ahã Nyɔŋmɔ akɛ tsutsu lɛ, esha nyɔji ji nyɛ, shi nyɛjɛ nyɛtsui mli nyɛbo tsɔɔmɔ henɔ nɛɛ ni akɛ nyɛ wo mli lɛ toi. 18  Hɛɛ, akɛni ahã nyɛye nyɛhe kɛjɛ esha dɛŋ+ hewɔ lɛ, nyɛtsɔmɔ jalɛ nyɔji.+ 19  Bɔ ni gbɔmɔ wieɔ miwieɔ nɛɛ yɛ nyɛheloo lɛ gbedemɔ lɛ hewɔ; ejaakɛ bɔ ni nyɛkɛ nyɛgbɔmɔtsei lɛ ahenii lɛ hã muji nii kɛ mlatɔmɔ ni kɛ mɔ yaa mlatɔmɔ mli akɛ nyɔji lɛ, nakai nɔŋŋ amrɔ nɛɛ nyɛkɛ nyɛgbɔmɔtsei lɛ ahenii lɛ ahãa jalɛ ni kɛ mɔ yaa krɔŋkrɔŋfeemɔ mli lɛ akɛ nyɔji.+ 20  Ejaakɛ be ni nyɛji esha nyɔji lɛ, nyɛye nyɛhe kɛjɛ jalɛ dɛŋ. 21  No hewɔ lɛ, mɛɛ yibii nyɛwo yɛ nakai be lɛ mli? Nibii ni amrɔ nɛɛ efeɔ nyɛ hiɛgbele. Ejaakɛ nakai nibii lɛ anaagbee ji gbele.+ 22  Shi amrɔ nɛɛ ni ahã nyɛye nyɛhe kɛjɛ esha dɛŋ ni nyɛtsɔmɔ Nyɔŋmɔ nyɔji nɛɛ, nyɛmiiwo nyɛyibii yɛ krɔŋkrɔŋfeemɔ gbɛ nɔ,+ ni enaagbee ji naanɔ wala.+ 23  Ejaakɛ esha dɛŋ nyɔmɔwoo ji gbele,+ shi nikeenii ni Nyɔŋmɔ kɛhãa ji naanɔ wala+ kɛtsɔ Kristo Yesu, wɔ-Nuŋtsɔ lɛ nɔ.+

Shishigbɛ Niŋmaa

Loo “Wɔ ni esha gbɛfaŋ lɛ, wɔtamɔ mɛi ni egboi lɛ.”
Loo “wala.”
Greek sht. ŋm., “wɔgbɔmɔ.”
Loo “ajieɔ lɛ kɛjeɔ ehe esha lɛ mli; akɛ ehe esha lɛ keɔ lɛ.”
Loo “mɛi ni egboi yɛ esha gbɛfaŋ.”
Greek sht. ŋm., “nyɛhenii lɛ.”
Loo “tawuu nii.”
Greek sht. ŋm., “nyɛhenii lɛ.”
Loo “tawuu nii.”