Nahum 1:1-15

  • Nyɔŋmɔ baatɔ owele yɛ ehenyɛlɔi anɔ (1-7)

    • Nyɔŋmɔ biɔ ni ajá ekome too pɛ (2)

    • Yehowa le mɛi ni baa lɛ abo lɛ (7)

  • Abaakpãtã Ninive hiɛ (8-14)

    • Haomɔ baŋ nɔ ni ji shii enyɔ nɔ (9)

  • Ajaje sane kpakpa ahã Yuda (15)

1  Sane ni awie ashi Ninive nɛ:+ Nahum,* Elkoshnyo lɛ ninaa wolo nɛ:   Yehowa ji Nyɔŋmɔ ni biɔ ni ajá ekome too pɛ,+ ní tɔɔ owele;Yehowa tɔɔ owele, ni efee klalo akɛ ebaajie emlifu lɛ kpo.+ Yehowa tɔɔ owele yɛ ehenyɛlɔi lɛ anɔ,Ni etĩaa mlifu naa ehãa ehenyɛlɔi lɛ.   Yehowa mli fuuu mra,+ ni eyɛ hewalɛ kpele,+Shi bɔ fɛɛ bɔ ni fee lɛ, Yehowa kɛ toigbalamɔ ni sa baahã.+ Egbɛ kã kɔɔyɔɔ ni kpãtãa nii ahiɛ kɛ ahum mli,Ni atatui lɛ ji enajiashi mulu.+   Ekãa ŋshɔ lɛ hiɛ,+ ni ehãa egbiɔ;Ni ehãa fai fɛɛ gbiɔ.+ Bashan kɛ Karmel ŋalaa,+Ni Lebanon fɔfɔii lɛ hu ŋalaa.   Ehewɔ lɛ gɔji hosoɔ,Ni gɔŋkpɔi hu sereɔ.+ Ehiɛ hewɔ lɛ shikpɔŋ lɛ baakpokpo bliblibli,Kɛ je lɛ kɛ emli bii lɛ fɛɛ hu.+   Namɔ baanyɛ emlifu lɛ naa edamɔ?+ Ni namɔ baanyɛ emlifu lɛ naawalɛ lɛ naa edamɔ?+ Ebaafɔse emlila lɛ eshwie shi tamɔ la,Ni ehewɔ lɛ, tɛsai baajwarajwarai.   Yehowa hi,+ eji teemɔhe yɛ haomɔ gbi nɔ.+ Ele mɛi ni baa lɛ abo lɛ.*+   Ekɛ nu afua ní loɔ nii kɛyaa baakpãtã eshihilɛhe* lɛ hiɛ kwraa,Ni duŋ baanyiɛ ehenyɛlɔi lɛ asɛɛ.   Mɛɛ ŋaa obaatsɔ oshi Yehowa? Ekpãtãa nii ahiɛ kwraa. Haomɔ baŋ nɔ ni ji shii enyɔ nɔ.+ 10  Ejaakɛ alo amɛ tamɔ ŋmei,Ni amɛtamɔ mɛi ni biɛr* etɔrɔ amɛ dãa;Shi abaakpãtã amɛhiɛ tamɔ ŋmaa* tsei gbiji. 11  Mɔ ko ni tsɔɔ ŋaa fɔŋ eshiɔ Yehowa,Ní ewoɔ ŋaa ni sɛɛnamɔ bɛ he baajɛ omli aba. 12  Nɔ ni Yehowa kɛɛ nɛ: “Amɛhe wa waa, ni amɛyi fa babaoo moŋ,Shi abaafolɔ amɛ ashwie, ni amɛhiɛ baakpãtã.* Miwa bo* yi, shi miwaŋ bo yi dɔŋŋ. 13  Ni agbɛnɛ, makumɔ ekɔɔŋtso lɛ mli kɛje onɔ,+Ni matserɛ kpãi ni fimɔ bo lɛ amli enyɔ. 14  Yehowa kɛ famɔ ehã yɛ ohe* akɛ,‘Ahãŋ ogbɛ́i lɛ aya nɔ ahi shi dɔŋŋ. Makpãtã amagai ni agbɔ* kɛ dade amagai lɛ ahiɛ kɛje onyɔŋmɔi lɛ ashĩa* lɛ. Matsa gbonyobu mahã bo, ejaakɛ ohe yɛ nyaŋemɔ.’ 15  Naa! Mɔ ni hiɛ sane kpakpa kɛbaa lɛ,Mɔ ni shiɛɔ toiŋjɔlɛ lɛ naji yɛ gɔji lɛ anɔ.+ Yuda, ye ogbii juji lɛ,+ ní oye oshiwoi lɛ anɔ,Ejaakɛ yaka gbɔmɔ tsɔŋ omli kɛhoŋ dɔŋŋ. Abaakpãtã ehiɛ kwraa.”

Shishigbɛ Niŋmaa

Eshishi ji, “Miishɛjelɔ.”
Loo “Ekwɛɔ mɛi ni baa lɛ abo lɛ.”
Ni ji, Ninive shihilɛhe.
Loo “wiiti biɛr.”
Ŋmaa ní awieɔ he yɛ biɛ lɛ ji wiiti, abele, omɔ, kɛ amɛhenɔi lɛ eko.
Shishitsɔɔmɔi komɛi kɛɔ akɛ, “ni ebaatsɔ mli.”
Ni ji, Yuda.
Ni ji, Asiria.
Loo “akpɛ́.”
Loo “onyɔŋmɔi lɛ ajamɔhe.”