Mika 6:1-16

  • Sane ni Nyɔŋmɔ yɔɔ eshi Israel (1-5)

  • Mɛni Yehowa taoɔ yɛ odɛŋ? (6-8)

    • Jalɛsaneyeli, anɔkwayeli, heshibaa (8)

  • Israel fɔyeli kɛ etoigbalamɔ (9-16)

6  Nyɛfainɛ, nyɛboa nɔ ni Yehowa kɛɔ lɛ toi. Tee shi ni ojaje osane lɛ otsɔɔ yɛ gɔji lɛ ahiɛ,Ní gɔŋkpɔi lɛ anu ogbee.+   Nyɛboa Yehowa sane lɛ toi, nyɛ gɔji,Nyɛ shikpɔŋ lɛ faneshii ni yɔɔ daa lɛ,+Ejaakɛ Yehowa kɛ emaŋ lɛ yɛ sane;Ebaajaje sane ni eyɔɔ eshi Israel lɛ etsɔɔ:+   “Mimaŋ, mɛni mifee bo? Mɛni mli mihã etɔ bo yɛ?+ Ye odase oshi mi.   Ejaakɛ mijie bo kɛje* Ejipt shikpɔŋ lɛ nɔ,+Mikpɔ̃ bo kɛje nyɔŋyeli shĩa lɛ;+Mitsu Mose kɛ Aaron kɛ Miriam kɛnyiɛ ohiɛ.+   Mimaŋ, ofainɛ, kaimɔ ŋaa ni Moab maŋtsɛ Balak wo,+Kɛ hetoo ni Bileam, ni ji Beor binuu lɛ hã lɛ lɛ+—Nɔ ni tee nɔ kɛjɛ Shitim+ kɛtee Gilgal+ lɛ—Bɔ ni afee ni ole Yehowa jalɛ nifeemɔi lɛ.”   Mɛni mikɛaaba Yehowa hiɛ? Mɛni mikɛba ní mikɛbakula shi yɛ Nyɔŋmɔ ni yɔɔ ŋwɛi shɔŋŋ lɛ hiɛ? Ani mikɛ shãa afɔlei aba ehiɛ,Mikɛ tsinabii ni eko fɛɛ eko eye afi aba ehiɛ?+   Ani Yehowa baaná gwantɛŋhii akpei abɔ,Kɛ mu fai akpei nyɔŋmai abɔ ahe miishɛɛ?+ Ani mikɛ mikromɔ binuu ahã yɛ mituatsemɔ lɛ hewɔ,Mikɛ mi diɛŋtsɛ mibi* ahã yɛ mihe esha* lɛ hewɔ?+   Gbɔmɔ, ekɛɛ bo nɔ ni hi. Ni mɛni Yehowa taoɔ* yɛ odɛŋ? No kɛkɛ ji akɛ, oye jalɛ sane,*+ osumɔ anɔkwayeli,*+Ní okɛ o-Nyɔŋmɔ lɛ anyiɛ yɛ heshibaa+ mli!*+   Yehowa gbee miibo kɛmiitsɛ maŋ lɛ;Mɛi ni yɔɔ hiɛshikamɔ lɛ baashe ogbɛ́i lɛ gbeyei. Nyɛboa tso* lɛ kɛ mɔ ni to tso lɛ he gbɛjianɔ lɛ toi.+ 10  Ani jwetrii ni atsɔ nɔfɔŋfeemɔ nɔ anáKɛ efa susumɔnɔ* ni shɛɛɛ, ní ahiɔ lɛ yɛ mɔ fɔŋ lɛ shĩa lɛ lolo? 11  Kɛji mihiɛ nsɛni fɔŋKɛ baagi* ni shishiumɔ nsɛni tɛi yɔɔ mli lɛ, ani mihe aaatse yɛ jeŋba mli?*+ 12  Ejaakɛ eniiatsɛmɛi lɛ eyimɔ obɔbɔ kɛ yiwalɛ,Ni emli bii lɛ wieɔ amale wiemɔi;+Amɛlilɛi ni yɔɔ amɛdaaŋ lɛ lakaa mɔ.+ 13  “No hewɔ lɛ, matswia bo nii mapila bo,+Mafee bo amaŋfɔ yɛ ohe eshai lɛ ahewɔ. 14  Obaaye nii, shi otɔŋ;Nɔ ko nɔ ko ehiŋ omli.+ Nɔ ni obaajie lɛ, okɛyaŋ shweshweeshwe,Ni nɔ ni okɛbaaya hu lɛ, mikɛbaahã klante. 15  Obaadu nii,* shi okpaŋ eko. Obaanaanaa oliv yibii anɔ, shi onáŋ mu kɛfee nɔ ko;Ni obaafee wain hee, shi onuŋ wain ko.+ 16  Ejaakɛ nyɛyeɔ Omri mlai lɛ kɛ Ahab shĩa lɛ nifeemɔi lɛ fɛɛ anɔ,+Ni nyɛnyiɛɔ yɛ amɛŋaawoo lɛ naa. No hewɔ ni mahã otsɔ nɔ ko ni hãa mɔ he jɔ̃ɔ eheNi mahã emli bii lɛ atsɔ nɔ ko ni hãa mɛi boɔ tsia* lɛ;+Ni obaatere majimaji lɛ ahefɛoyeli lɛ.”+

Shishigbɛ Niŋmaa

Loo “mijie bo kɛkwɔ kɛje.”
Loo “yibii ni jɛ migbɔmɔtso lɛ mli.”
Loo “misusuma he esha.”
Loo “biɔ.”
Loo “ofee nɔ ni ja; okakwɛ hiɛiaŋ.”
Loo “omli ahi ní osuɔmɔ lɛ akatsake.” Hebri sht. ŋm., “osumɔ suɔmɔ ni tsakeee.”
Loo “Ní okaye otsuinaa sane yɛ nyiɛmɔ ni okɛ o-Nyɔŋmɔ lɛ nyiɛ lɛ mli.”
Ni ji, toigbalamɔ tso.
Loo “kotoku.”
Loo “mafee mɔ ko ni sane ko bɛ ehe?”
Loo “Obaadu dumɔwui.”
Hebri sht. ŋm., “nɔ ko ni hãa mɛi kpãa bɛlɛ.”