Mika 4:1-13
4 Yɛ gbii lɛ anaagbee lɛ mli lɛ,*Yehowa shĩa lɛ gɔŋ lɛ+Baama shi shiŋŋ yɛ gɔji lɛ ayiteŋ,Ni abaawó nɔ fe gɔŋkpɔi lɛ fɛɛ,Ni majimaji baaho kɛya he.+
2 Ni jeŋmaji babaoo baaya amɛyakɛɛ akɛ:
“Nyɛbaa ní wɔyakwɔa Yehowa gɔŋ lɛKɛyaa Yakob Nyɔŋmɔ lɛ shĩa lɛ.+
Ebaatsɔɔ wɔ egbɛi lɛ ahe nii,Ni wɔbaanyiɛ egbɛi lɛ anɔ.”
Ejaakɛ mla* lɛ, Zion ebaajɛ,Ni Yehowa wiemɔ lɛ, Yerusalem ebaajɛ.
3 Ebaakojo yɛ majimaji babaoo ateŋ+Ni ekɛ gbɛtsɔɔmɔ baahã* jeŋmaji wuji ni yɔɔ shɔŋŋ lɛ.
Amɛbaatswia amɛtawuu klantei kɛfee tsina kɔii anaa dadei,Ni amɛbaatswia amɛkpɔlɔi hu kɛfee kaklai ni akɛsaa tsei ahe.+
Jeŋmaŋ ko wóŋ klante nɔ yɛ jeŋmaŋ ko nɔ,Ni amɛkaseŋ tawuu hu dɔŋŋ.+
4 Amɛteŋ mɔ fɛɛ mɔ baata* ewain tso kɛ egbami tso shishi,+Ni mɔ ko mɔ ko woŋ amɛhe gbeyei,+Ejaakɛ Yehowa, taiatsɛ lɛ, naabu wie.
5 Ejaakɛ majimaji lɛ fɛɛ ateŋ mɔ fɛɛ mɔ baanyiɛ yɛ enyɔŋmɔ gbɛ́i mli,Shi wɔ lɛ, wɔbaanyiɛ yɛ Yehowa, wɔ-Nyɔŋmɔ lɛ, gbɛ́i mli+ kɛya naanɔi anaanɔ.
6 “Nakai gbi lɛ nɔ lɛ,” Yehowa kɛɛ,“Mabua maŋ* ni tsutsɔɔ lɛ naa,Ni mabua maŋ ni egbɛ eshwã lɛ+Kɛ mɛi ni miwa amɛ yi lɛ anaa.
7 Maŋɔ maŋ* ni tsutsɔɔ lɛ mafee mɛi ni eshwɛ,+Ni mahã maŋ ni ajie lɛ kɛtee shɔŋŋ lɛ atsɔ jeŋmaŋ ni he wa;+Ni Yehowa baaye amɛnɔ maŋtsɛ yɛ Zion Gɔŋ lɛ nɔ,Kɛjɛ bianɛ kɛmiiya naanɔ.
8 Shi bo, tooku lɛ mɔɔ lɛ,Zion biyoo lɛ gɔŋkpɔ lɛ,+Bo onɔ ebaaba, hɛɛ, bo onɔ nɔyeli ni ji klɛŋklɛŋ* nɔ lɛ baaba,+Yerusalem biyoo lɛ maŋtsɛyeli lɛ.+
9 Agbɛnɛ, mɛni hewɔ obolɔɔ waa nɛkɛ?
Ani obɛ maŋtsɛ,Aloo oŋaawolɔ lɛ hiɛ ekpãtã,Hewɔ ni opiŋɔ waa tamɔ yoo ni miifɔ lɛ?+
10 Ao, Zion biyoo, babalamɔ shi ni okɛ̃mɔTamɔ yoo ni miifɔ,Ejaakɛ agbɛnɛ, obaashi maŋ lɛ mli ní oyahi ŋa mli.
Obaaya Babilon tɔ̃ɔ,+Ni jɛmɛ abaajie bo kɛjɛ;+Jɛmɛ Yehowa baakpɔ̃ bo yɛ kɛbaajɛ ohenyɛlɔi lɛ adɛŋ.+
11 Agbɛnɛ, abaabua jeŋmaji babaoo anaa awo bo;Amɛbaakɛɛ akɛ, ‘Hã abule Zion,Ní wɔhiŋmɛii ana akɛ enɛ eba enɔ.’
12 Shi amɛleee Yehowa jwɛŋmɔi lɛ,Amɛnuuu eyiŋtoo* lɛ shishi;Ejaakɛ ebaabua amɛnaa tamɔ ŋmaa* ni afolɔ etsɛko ni jwere shi sɛrɛnɛɛ kɛya ŋmaagbeemɔhe lɛ.
13 Ao, Zion biyoo, tee shi ni ogbee ŋmaa,+Ejaakɛ matsake okolontoi lɛ mafee amɛ dade,Ni matsake onane tokotai* lɛ mafee amɛ akɔɔble,Ni obaagbɛlɛ majimaji babaoo munyɔmunyɔ.+
Obaatu nii ni amɛtsɔ gbɛ gbonyo nɔ amɛná lɛ ohã Yehowa,Ni obaatu amɛnibii lɛ ohã shikpɔŋ muu lɛ fɛɛ nɔ anɔkwa Nuŋtsɔ lɛ.”+
Shishigbɛ Niŋmaa
^ Loo “Yɛ naagbee gbii lɛ amli lɛ.”
^ Loo “gbɛtsɔɔmɔ.”
^ Loo “Ni ebaajaje.”
^ Loo “baahi.”
^ Hebri sht. ŋm., “yoo.”
^ Hebri sht. ŋm., “yoo.”
^ Loo “tsutsu.”
^ Loo “eŋaawoo.”
^ Ŋmaa ní awieɔ he yɛ yitso nɛɛ mli lɛ ji wiiti, abele, omɔ, kɛ amɛhenɔi lɛ eko.
^ Loo “koklotoi.”
