Mika 3:1-12

  • Awie ashi hiɛnyiɛlɔi kɛ gbalɔi (1-12)

    • Yehowa mumɔ lɛ hã Mika yi obɔ kɛ hewalɛ (8)

    • Osɔfoi lɛ tsɔɔ nii yɛ shika hewɔ (11)

    • Yerusalem baatsɔ koikoi (12)

3  Mikɛɛ akɛ: “Nyɛ Yakob onukpaiKɛ nyɛ Israel nɔyelɔi, nyɛfainɛ, nyɛboa toi.+ Ani jeee nyɛ esa akɛ nyɛle nɔ ni ja?   Shi nyɛnyɛɔ nɔ kpakpa,+ ni nyɛsumɔɔ nɔ fɔŋ;+Nyɛjieɔ mimaŋbii lɛ ahewolo kɛjeɔ amɛhe, kɛ amɛheloo hu kɛjeɔ amɛwui ahe.+   Agbɛnɛ hu, nyɛyeɔ mimaŋbii lɛ aheloo+Ni nyɛkpɔɔ amɛhewolo yɛ amɛhe,Nyɛjwaraa amɛwui, ni nyɛkumɔɔ mli dukuduku,+Tamɔ nɔ ni ahoɔ yɛ kukwɛi* mli, tamɔ loo ni yɔɔ kukwɛi mli.   Nakai be lɛ mli lɛ, amɛbaabolɔ amɛtsɛ Yehowa kɛhã yelikɛbuamɔ,Shi efoŋ amɛdaaŋ. Ekɛ ehiɛ baatee amɛ yɛ nakai be lɛ mli,+Yɛ amɛnifeemɔi fɔji lɛ ahewɔ.+   Nɔ ni Yehowa wieɔ eshiɔ gbalɔi lɛ, mɛi ni hãa mimaŋbii lɛ duɔ gbɛ,+Mɛi ni kɛji amɛná nɔ ko amɛkɛ amɛnyanyɔji miikɔ̃* lɛ,+ amɛshiɛɔ akɛ, ‘Toiŋjɔlɛ!’+Shi mɔ ni wooo amɛdaaŋ nɔ ko lɛ, amɛkɛɔ akɛ ta baaba enɔ* lɛ nɛ:   ‘Je baana nyɛ;+ nyɛnaŋ ninaa ko;+Duŋ kɛkɛ baawo nyɛ, nyɛkɛ nyɛhe woŋ klamɔ mli dɔŋŋ. Hulu baanyɔ shi yɛ gbalɔi lɛ anɔ,Ni jetsɛremɔ baatsɔ duŋ awo amɛ.+   Ninalɔi lɛ ahiɛ baagboi,+Ni klamɔfoi lɛ anine baanyɛ shi. Amɛ fɛɛ amɛbaahahaa amɛtsweii anɔ,*Ejaakɛ Nyɔŋmɔ hãaa amɛ hetoo ko.’”   Shi mi lɛ, Yehowa mumɔ lɛ ehã miyi obɔ kɛ hewalɛ,Kɛ jalɛsaneyeli kɛ ekãa,Koni mahã Yakob ale etuatsemɔ lɛ, ní Israel hu ale ehe esha lɛ.   Nyɛ Yakob shĩa lɛ onukpai,Kɛ nyɛ Israel shĩa lɛ nɔyelɔi, nyɛfainɛ, nyɛboa enɛ toi,+Nyɛ mɛi ni nyɛsumɔɔɔ jalɛsaneyeli, ní nyɛkɔ̃dɔ̃ɔ nɔ fɛɛ nɔ ni ja trɔmɔɔ,+ 10  Nyɛ mɛi ni nyɛkɛ lashishwiemɔ tswaa Zion maŋ lɛ, ní nyɛkɛ nii ni ejaaa tswaa Yerusalem maŋ lɛ.+ 11  Emli hiɛnyiɛlɔi* lɛ kojoɔ yɛ nyɔɔŋnii hewɔ,+Emli osɔfoi lɛ tsɔɔ nii yɛ nyɔmɔwoo hewɔ,+Ni emli gbalɔi lɛ klaa yɛ shika* hewɔ.+ Ni kɛ̃lɛ, amɛkɛ amɛhe kpasaa Yehowa* ni amɛkɛɔ akɛ: “Bɛ Yehowa kɛ wɔ yɛ?+ Amanehulu ko amanehulu ko baŋ wɔnɔ.”+ 12  No hewɔ lɛ, nyɛhewɔ lɛAbaahu Zion tamɔ ahuɔ ŋmɔ lɛ,Yerusalem baatsɔ koikoi,+Ni Shĩa lɛ gɔŋ* lɛ baatsɔ tamɔ hei grɔŋŋi yɛ koo mli.*+

Shishigbɛ Niŋmaa

Loo “kukwɛi (loo dadesɛŋ) ko ni naa lɛɛ.”
Shishitsɔɔmɔi komɛi kɛɔ akɛ, “miikpe.”
Hebri sht. ŋm., “amɛfeɔ ta krɔŋkrɔŋ amɛshiɔ lɛ.”
Loo “amɛbaaha amɛnaabui anɔ; amɛbaaha amɛfintamoi anɔ.”
Hebri sht. ŋm., “yitsei.”
Loo “jwiɛtɛi.”
Loo “amɛkɛɔ akɛ amɛkpasa Yehowa.”
Loo “sɔlemɔ shĩa lɛ gɔŋ.”
Loo “tamɔ gɔŋ kɛ enɔ koo.”