Mika 1:1-16

  • Ajaje kojomɔ ashi Samaria kɛ Yuda (1-16)

    • Eshai kɛ atuatsemɔ hã naagbai lɛ ba (5)

1  Yehowa wiemɔ ni ekɛ Mika*+ ni jɛ Moreshet lɛ wie yɛ Yuda maŋtsɛmɛi ni ji Yotam+ kɛ Ahaz+ kɛ Hezekia+ gbii lɛ amli,+ wiemɔ ni enine shɛ nɔ yɛ ninaa mli ni kɔɔ Samaria kɛ Yerusalem he lɛ nɛ:   “Nyɛboa toi, nyɛ majimaji fɛɛ! Feemɔ toi, bo shikpɔŋ kɛ onɔ nibii fɛɛ,Ní Nuŋtsɔ Ofe Yehowa aye odase eshi nyɛ+—Yehowa baajɛ esɔlemɔ shĩa krɔŋkrɔŋ lɛ.   Ejaakɛ naa! Yehowa eje kpo kɛjɛ eshihilɛhe lɛ;Ebaakpeleke shi ní ebanyiɛ shikpɔŋ lɛ nɔ hei grɔŋŋi lɛ anɔ.   Gɔji lɛ baasere yɛ eshishi,+Ni jɔi lɛ amli baagbálagbálaiTamɔ wo agbaku yɛ la hiɛ,Tamɔ nui ní afɔse ashwie he ko ni ema enaa shi.   Enɛ fɛɛ jɛ Yakob atuatsemɔ lɛ hewɔ,Fɛɛ jɛ Israel shĩa lɛ he eshai lɛ ahewɔ.+ Mɛni ji Yakob atuatsemɔ lɛ? Ani jeee Samaria ni?+ Ni mɛni ji Yuda hei grɔŋŋi lɛ?+ Ani amɛjeee Yerusalem?   Mahã Samaria atsɔ koikoi yɛ ŋa nɔ,He ko ni afeɔ wain ŋmɔji yɛ;Mashɛrɛ* etɛi lɛ mashwie jɔɔ lɛ mli,Ni mahã ana efaneshii lɛ.   Abaakumɔ emagai lɛ fɛɛ dukuduku,+Ni nikeenii fɛɛ ni ená kɛjɛ ehe ni ehɔ̃ɔ ehã lɛ mli lɛ,* akɛ la baashã.+ Makpãtã emagai lɛ fɛɛ ahiɛ. Ejaakɛ ebua nibii nɛɛ anaa kɛjɛ eshawofeemɔ nyɔmɔwoo lɛ mli,Ni amɛbaatsɔ ashawoi anyɔmɔwoo ekoŋŋ.”   Enɛ hewɔ lɛ, mafó waa ni mabolɔ;+Manyiɛ kɛ minane folo kɛ mihe folo.+ Miyaafo lɛ baatamɔ ŋa mli gbei anɔ,Ni miwerɛhoyeli lɛ baatamɔ dugumai anɔ.   Ejaakɛ anyɛɛɛ atsa epilamɔ lɛ;+Ebashɛ Yuda tɔ̃ɔ.+ Hela lɛ eyashɛ mimaŋ lɛ agbó lɛ naa tɔ̃ɔ, eshɛ Yerusalem.+ 10  “Nyɛkayatswaa he adafi yɛ Gat;Nyɛkafóa kwraa. Ni nyɛkokloa shi yɛ mulu mli yɛ Bet-afra.* 11  Nyɛfoa mli kɛyaa kɛ nyɛhe folo kɛ hiɛgbele, nyɛ mɛi ni nyɛyɔɔ Shafir.* Mɛi* ni yɔɔ Zaanan lɛ ejeko kpo. Abaafó waa yɛ Bet-ezel, ni eyeŋ ebuaŋ nyɛ dɔŋŋ. 12  Ejaakɛ mɛi* ni yɔɔ Marot lɛ miikpa nɔ kpakpa gbɛ,Shi nɔ fɔŋ ji nɔ ni ejɛ Yehowa ŋɔɔ ekpeleke shi kɛba Yerusalem agbó lɛ naa. 13  Nyɛfia shwiili lɛ nyɛkpɛtɛa okpɔŋɔi lɛ ahe, nyɛ mɛi ni nyɛyɔɔ Lakish.*+ Nyɛ nyɛje Zion biyoo lɛ esha lɛ shishi,Ejaakɛ nyɛmli ana Israel atuatsemɔi lɛ yɛ.+ 14  No hewɔ lɛ, obaahã Moreshet-gat gbɛwoo* nikeenii. Akzib+ shĩai lɛ ji lakamɔ nii kɛhã Israel maŋtsɛmɛi lɛ. 15  Mikɛ kunimyelɔ* lɛ baaba nyɛnɔ,+ nyɛ mɛi ni nyɛyɔɔ Maresha.*+ Israel anunyam lɛ baayashɛ Adulam+ tɔ̃ɔ. 16  Nyɛshɛa nyɛyiteŋ kpataa ni nyɛkua nyɛyitsɔi yɛ nyɛbii ni nyɛsumɔɔ waa lɛ ahewɔ. Nyɛshɛa nyɛyiteŋ kpataa tamɔ okropɔŋ nɔ,Ejaakɛ aŋɔ amɛ kɛje nyɛŋɔɔ kɛtee nomŋɔɔ mli.”+

Shishigbɛ Niŋmaa

Eji gbɛ́i Mikael loo Mikaia lɛ ni afo lɛ kuku, ni eshishi ji, “Namɔ Tamɔ Yehowa?”
Hebri sht. ŋm., “Mafɔse.”
Loo “Ni nyɔmɔwoi fɛɛ ni ená kɛjɛ eshawofeemɔ lɛ mli lɛ.”
Loo “yɛ Afra shĩa lɛ.”
Hebri sht. ŋm., “Foo mli kɛya kɛ ohe folo kɛ hiɛgbele, bo yoo ni oyɔɔ Shafir.”
Hebri sht. ŋm., “Yoo.”
Hebri sht. ŋm., “yoo.”
Hebri sht. ŋm., “Fii shwiili lɛ okpɛtɛ okpɔŋɔi lɛ ahe, bo yoo ni oyɔɔ Lakish.”
Loo “shɛɛyeli.”
Loo “mɔshwielɔ.”
Hebri sht. ŋm., “Mikɛ kunimyelɔ lɛ baaba onɔ, bo yoo ni oyɔɔ Maresha.”