Lalai 99:1-9
99 Yehowa etsɔ Maŋtsɛ.+ Majimaji lɛ ahe akpokpo.
Eta maŋtsɛ sɛi nɔ yɛ kerubim lɛ anɔ.*+ Shikpɔŋ lɛ ahoso.
2 Yehowa je agbo yɛ Zion,Ni enɔ kwɔ fe majimaji lɛ fɛɛ.+
3 Amɛjie ogbɛ́i kpele lɛ yi,+Ejaakɛ eyɛ gbeyei, ni eyɛ krɔŋkrɔŋ.
4 Eji maŋtsɛ ni yɔɔ hewalɛ ni sumɔɔ jalɛ sane.+
Oto nɔ ni ja oma shi shiŋŋ.
Okɛ jalɛsaneyeli kɛ jalɛ nifeemɔi+ eba Yakob.
5 Nyɛjiea Yehowa, wɔ-Nyɔŋmɔ lɛ yi,+ ni nyɛkotoa shi yɛ enajiashi sɛi lɛ hiɛ;+Eyɛ krɔŋkrɔŋ.+
6 Mose kɛ Aaron fata esɔfoi lɛ ahe,+Ni Samuel fata mɛi ni bo amɛtsɛ egbɛ́i lɛ he.+
Amɛboɔ amɛtsɛɔ Yehowa,Ni ehereɔ amɛ nɔ.+
7 Ejɛɔ atatu ni damɔ shi jaŋŋ lɛ mli ekɛ amɛ wieɔ.+
Amɛbo ekaimɔi kɛ famɔi ni ekɛhã amɛ lɛ toi.+
8 Ao Yehowa, wɔ-Nyɔŋmɔ, ohere amɛnɔ.+
Oji Nyɔŋmɔ ni kɛ amɛtɔmɔi ke amɛ,+Shi ogbala amɛtoi* yɛ eshai ni amɛfee lɛ hewɔ.+
9 Nyɛjiea Yehowa, wɔ-Nyɔŋmɔ lɛ yi,+Ni nyɛkotoa shi* yɛ egɔŋ krɔŋkrɔŋ lɛ hiɛ,+Ejaakɛ Yehowa, wɔ-Nyɔŋmɔ lɛ, yɛ krɔŋkrɔŋ.+
Shishigbɛ Niŋmaa
^ Shishitsɔɔmɔi komɛi kɛɔ akɛ, “yɛ kerubim lɛ ateŋ.”
^ Hebri sht. ŋm., “otɔ amɛnɔ owele.”
^ Loo “nyɛjáa.”
