Lalai 97:1-12
97 Yehowa etsɔ Maŋtsɛ!+
Shikpɔŋ lɛ anya.+
Ŋshɔkpɔi babaoo lɛ amii ashɛ amɛhe.+
2 Atatui kɛ duŋ kpii ebɔle ehe fɛɛ;+Jalɛ nifeemɔ kɛ jalɛsaneyeli akɛto emaŋtsɛ sɛi lɛ shishi.+
3 La nyiɛɔ ehiɛ+Ni eshãa ehenyɛlɔi lɛ yɛ he fɛɛ he.+
4 Esarawai lɛ gbalaa, ni ekpɛɔ shikpɔŋ lɛ nɔ;Shikpɔŋ lɛ naa, ni ekpokpoɔ.+
5 Gɔji lɛ sereɔ tamɔ wo agbaku* yɛ Yehowa hiɛ,+Yɛ shikpɔŋ muu lɛ fɛɛ Nuŋtsɔ lɛ hiɛ.
6 Ŋwɛi jajeɔ ejalɛ nifeemɔi lɛ,Ni majimaji fɛɛ naa enunyam lɛ.+
7 Mɛi fɛɛ ni jáa amagai ni agbɔ* lɛ ahiɛ agboi,+Mɛi ni shwãa amɛfɔ̃ɔ amɛnyɔŋmɔi ni he bɛ sɛɛnamɔ lɛ anɔ lɛ.+
Nyɛ nyɔŋmɔi fɛɛ, nyɛkotoa* lɛ.+
8 Zion nuɔ, ni enyaa;+Yuda maji* lɛ amii eshɛ amɛheYɛ bo, Yehowa, oyiŋkpɛi* lɛ ahewɔ.+
9 Ejaakɛ bo, Yehowa, bo ji Mɔ Ni Nɔ Kwɔ Fe Fɛɛ yɛ shikpɔŋ lɛ fɛɛ nɔ;Awó onɔ gojoo fe nyɔŋmɔi krokomɛi lɛ fɛɛ.+
10 Nyɛ mɛi ni nyɛsumɔɔ Yehowa, nyɛnyɛa efɔŋ.+
Ebuɔ enɔkwafoi lɛ awala* he;+Ejieɔ amɛ kɛjeɔ mɛi fɔji adɛŋ.*+
11 La ekpɛ ehã jalɔ+Ni mɛi ni ja yɛ amɛtsui mli lɛ hu ená miishɛɛ.
12 Nyɛ jalɔi lɛ, nyɛnyaa yɛ Yehowa hewɔ,Ni nyɛdaa egbɛ́i* krɔŋkrɔŋ lɛ shi.
Shishigbɛ Niŋmaa
^ Eeenyɛ efee akɛ, aawie nɔ ko ni wobii feɔ ni amɛkɛ wo toɔ mli ni nyɛɔ esereɔ lɛ he.
^ Loo “akpɛ́.”
^ Loo “nyɛjáa.”
^ Hebri sht. ŋm., “biyei.”
^ Loo “okojomɔi.”
^ Loo “asusumai.”
^ Loo “ahewalɛ mli.”
^ Hebri sht. ŋm., “ekaimɔ.”
