Lalai 96:1-13

  • “Nyɛláa lala hee nyɛhãa Yehowa”

    • Yehowa sa yijiemɔ babaoo (4)

    • Majimaji lɛ anyɔŋmɔi lɛ ahe bɛ sɛɛnamɔ (5)

    • Nyɛjáa kɛ atadei krɔŋkrɔŋi (9)

96  Nyɛláa lala hee nyɛhãa Yehowa.+ Nyɛláa nyɛhãa Yehowa, nyɛ shikpɔŋ lɛ fɛɛ!+   Nyɛláa nyɛhãa Yehowa; nyɛjiea egbɛ́i lɛ yi. Nyɛjajea eyiwalaheremɔ lɛ he sane kpakpa lɛ gbi fɛɛ gbi.+   Nyɛjajea enunyam lɛ yɛ jeŋmaji lɛ ateŋ,Nyɛjajea enaakpɛɛ nitsumɔi lɛ yɛ majimaji fɛɛ amli.+   Yehowa je agbo ni esa yijiemɔ babaoo. Ehe yɛ gbeyei fe nyɔŋmɔi krokomɛi lɛ fɛɛ.   Majimaji lɛ anyɔŋmɔi lɛ fɛɛ lɛ, nyɔŋmɔi ni he bɛ sɛɛnamɔ ji amɛ,+Shi Yehowa ji mɔ ni fee ŋwɛi lɛ.+   Agbojee* kɛ anunyam yɛ ehiɛ;+Hewalɛ kɛ fɛo yɛ ejamɔhe lɛ.+   Nyɛ majimaji amli wekui, nyɛkɛ woo ni sa Yehowa lɛ ahãa lɛ,Nyɛkɛ woo ni sa Yehowa lɛ ahãa lɛ yɛ enunyam kɛ ehewalɛ lɛ hewɔ.+   Nyɛkɛ anunyam ni sa Yehowa gbɛ́i lɛ ahãa lɛ;+Nyɛkɛ nikeenii abaa ekpoi lɛ anɔ.   Nyɛkotoa* Yehowa kɛ atadei krɔŋkrɔŋi.*Shikpɔŋ lɛ fɛɛ, nyɛhe akpokpoa yɛ ehiɛ! 10  Nyɛjajea yɛ jeŋmaji lɛ amli akɛ: “Yehowa etsɔ Maŋtsɛ!+ Akɛ shikpɔŋ lɛ ema shi shiŋŋ, nɔ ko nɔ ko nyɛŋ ahã ehoso.* Ebaakojo majimaji lɛ* yɛ jalɛ naa.”+ 11  Ŋwɛi anya, ni shikpɔŋ lɛ aná miishɛɛ;Ŋshɔ lɛ kɛ nɔ fɛɛ nɔ ni yɔɔ mli lɛ ashimɔ tamɔ nugbɔshiimɔ;+ 12  Ŋa lɛ kɛ nɔ fɛɛ nɔ ni yɔɔ mli lɛ aná miishɛɛ.+ Ni nakai beiaŋ nɔŋŋ lɛ, koo mli tsei lɛ fɛɛ abɔ oshe+ 13  Yɛ Yehowa hiɛ, ejaakɛ eeba,*Eeba koni ebakojo shikpɔŋ lɛ. Ebaakojo mɛi ni yɔɔ shikpɔŋ lɛ nɔ lɛ* yɛ jalɛ naa,+Kɛ majimaji lɛ yɛ enɔkwayeli lɛ naa.+

Shishigbɛ Niŋmaa

Loo “Woo.”
Loo “Nyɛjáa.”
Shishitsɔɔmɔi komɛi kɛɔ akɛ, “yɛ bɔ ni eyɔɔ krɔŋkrɔŋ waa lɛ hewɔ.”
Loo “enyɛŋ ehoso.”
Loo “Ebaatsu majimaji lɛ asaji ahe nii ehã amɛ.”
Loo “eba.”
Loo “Ebaakojo shikpɔŋ lɛ.”