Lalai 95:1-11

  • Anɔkwa jamɔ kɛ toiboo nyiɛɔ

    • “Ŋmɛnɛ lɛ, kɛ́ nyɛbo egbee toi lɛ” (7)

    • “Nyɛkakpiliŋa nyɛtsui” (8)

    • “Amɛboteŋ mihejɔɔmɔ lɛ mli” (11)

95  Nyɛbaa, nyɛhãa wɔláa nyamɔ lala wɔhãa Yehowa! Nyɛhãa wɔláa kunimyeli lala wɔhãa wɔyiwalaheremɔ Tɛsaa lɛ.+   Nyɛhãa wɔbaa ehiɛ kɛ shidaa;+Nyɛhãa wɔláa kunimyeli lala wɔhãa lɛ.   Ejaakɛ Yehowa lɛ, Nyɔŋmɔ kpele ni,Eji Maŋtsɛ kpele yɛ nyɔŋmɔi krokomɛi lɛ fɛɛ anɔ.+   Shikpɔŋ lɛ shishi yɛ edɛŋ;Gɔji lɛ anɔ gɔŋkpɔi lɛ, lɛ enɔ ni.+   Ŋshɔ lɛ ni efee lɛ, lɛ enɔ ni,+Ni eniji ekɛbɔ shikpɔŋ gbiŋ lɛ.+   Nyɛbaa, nyɛhãa wɔjáa lɛ, ni wɔkotoa lɛ;Nyɛhãa wɔkulaa shi yɛ Yehowa, mɔ ni fee wɔ lɛ hiɛ.+   Ejaakɛ lɛ ji wɔ-Nyɔŋmɔ,Ni wɔji maŋ ni yɔɔ elɛɛhe lɛ,Gwantɛŋi ni ekwɛɔ amɛnɔ.*+ Ŋmɛnɛ lɛ, kɛ́ nyɛbo egbee toi lɛ,+   Nyɛkakpiliŋa nyɛtsui tamɔ eba lɛ yɛ Meriba* lɛ,+Tamɔ eba lɛ yɛ Masa* gbi lɛ nɔ yɛ ŋa lɛ nɔ lɛ,+   Be ni nyɛtsɛmɛi lɛ ka mi lɛ,+Amɛje mi ŋwane, tsɛbelɛ amɛna minitsumɔi lɛ.+ 10  Nakai yinɔ lɛ sane je mitsine afii 40 sɔŋŋ, ni mikɛɛ akɛ: “Amɛji gbɔmɛi ni gbaa afã yɛ amɛtsuii amli be fɛɛ be;Amɛleko migbɛi lɛ.” 11  No hewɔ lɛ, mikã kitã yɛ mimlifu lɛ mli akɛ: “Amɛboteŋ mihejɔɔmɔ lɛ mli.”+

Shishigbɛ Niŋmaa

Hebri sht. ŋm., “Edɛŋ gwantɛŋi.”
Eshishi ji, “Naataamɔ.”
Eshishi ji, “Kaa; Jaramɔ shihilɛ.”