Lalai 94:1-23

  • Nyɔŋmɔ oweletɔɔ he sɔlemɔ

    • “Mɛɛ be nɔŋŋ mɛi fɔji baanya kɛyashi?” (3)

    • Yah jajemɔ hãa anáa miishɛɛ (12)

    • Nyɔŋmɔ shiŋ ewebii lɛ (14)

    • ‘Aatsɔ mla nɔ aaye sane fɔŋ’ (20)

94  Ao Yehowa, bo Nyɔŋmɔ ni otɔɔ owele,+Bo Nyɔŋmɔ ni otɔɔ owele, kpɛ ohã wɔ!   Ao shikpɔŋ lɛ Kojolɔ, tee shi.+ Okɛ nɔ ni sa henɔwolɔi lɛ ato amɛnajiaŋ.+   Mɛɛ be nɔŋŋ, Ao Yehowa,Mɛɛ be nɔŋŋ mɛi fɔji baanya kɛyashi?+   Amɛwieɔ pii, ni amɛwieɔ naafuu wiemɔi;Efɔŋfeelɔi fɛɛ shwãa.   Ao Yehowa, amɛjwaraa omaŋbii lɛ,+Ni amɛwaa ogboshinii lɛ yi.   Amɛgbeɔ yoo okulafo kɛ gbɔ,Ni amɛgbeɔ gbekɛbii ni bɛ tsɛmɛi.*   Amɛkɛɔ akɛ: “Yah enaaa;+Yakob Nyɔŋmɔ lɛ yɔseee.”+   Nyɛ mɛi ni nyɛbɛ jwɛŋmɔ, nyɛnua enɛ shishi;Nyɛ buului, mɛɛ be nyɛbaayoo nii asɛɛ?+   Mɔ ni fee* toi lɛ, ani enuŋ nii? Mɔ ni bɔ hiŋmɛi lɛ, ani enaŋ nii?+ 10  Mɔ ni tsɔseɔ jeŋmaji lɛ, ani enyɛŋ ejaje nyɛ?+ Lɛ ehãa mɛi nilee!+ 11  Yehowa le gbɔmɛi asusumɔi,Amɛtamɔ kɔɔyɔɔ ni amuɔ.+ 12  Ao Yah, gbɔmɔ ni ojajeɔ lɛ lɛ yɛ miishɛɛ,+Ni ojɛɔ omla lɛ mli otsɔɔ lɛ nii,+ 13  Koni etoiŋ ajɔ lɛ yɛ haomɔ gbii amli,Kɛyashi abaatsa bu ahã mɔ fɔŋ lɛ.+ 14  Ejaakɛ Yehowa shiŋ ewebii lɛ,+Ni ekwaŋ egboshinii lɛ.+ 15  Ejaakɛ abaakojo yɛ jalɛ naa ekoŋŋ,Ni mɛi fɛɛ ni ja yɛ amɛtsui mli lɛ baanyiɛ sɛɛ. 16  Namɔ baate shi awo mɛi fɔji ahã mi? Namɔ baawu ashi efɔŋfeelɔi ahã mi? 17  Eji Yehowa jeee miyelikɛbualɔ kulɛEtsɛŋ ni mihiɛ* baakpãtã.*+ 18  Kɛ́ mikɛɛ akɛ: “Minane miishane” lɛ, Ao Yehowa, osuɔmɔ ni tsakeee lɛ yaa nɔ ehiɛɔ mimli.+ 19  Kɛ́ tsuiyelii* hã mifee gbedee lɛ,*Oshɛjeɔ mimii ni ohãa mimii shɛɔ mihe.*+ 20  Ani efɔŋfeemɔ maŋtsɛ sɛi* baanyɛ ekɛ bo abɔ naanyoBe ni eetsɔ mla nɔ eeye sane fɔŋ?+ 21  Amɛjeɔ gbɛ amɛtutuaa jalɔ* waa+Ni amɛbuɔ mɔ ni efeko nɔ ko lɛ gbele fɔ.*+ 22  Shi Yehowa baatsɔ abobaahe ni yɔɔ shweshweeshwe* ahã mi,Mi-Nyɔŋmɔ lɛ ji mibobaa tɛsaa.+ 23  Ebaahã nibii fɔji ni amɛfeɔ lɛ ababua amɛyiteŋ.+ Ekɛ efɔŋ ni amɛfeɔ lɛ nɔŋŋ baakpãtã amɛhiɛ.* Yehowa, wɔ-Nyɔŋmɔ lɛ, baakpãtã amɛhiɛ.*+

Shishigbɛ Niŋmaa

Loo “awusãi.”
Hebri sht. ŋm., “du.”
Loo “misusuma hiɛ.”
Hebri sht. ŋm., “mayahi dioofeemɔ mli.”
Loo “susumɔi ni hãa mɔ feɔ basaa.”
Loo “fa yɛ mimli lɛ.”
Loo “Omiishɛjemɔi lɛ hãa misusuma mii shɛɔ ehe.”
Loo “Ani nɔyelɔ (loo kojolɔ) ni feɔ efɔŋ lɛ.”
Loo “jalɔ susuma.”
Hebri sht. ŋm., “Ni amɛbuɔ lá ni efeko nɔ ko lɛ fɔ (loo gbɔmɔ gbonyo).”
Loo “gɔŋ nɔ mɔɔ ni yɔɔ shweshweeshwe.”
Hebri sht. ŋm., “baahã amɛfee diŋŋ.”
Hebri sht. ŋm., “baahã amɛfee diŋŋ.”