Lalai 92:1-15

  • Abaawó Yehowa nɔ gojoo kɛya naanɔ

    • Enitsumɔi lɛ dara ni esusumɔi lɛ amli kwɔlɔ (5)

    • ‘Jalɔ baawo yibii tamɔ tso’ (12)

    • Mɛi ni egbɔlɔ lɛ baaya nɔ awo yibii (14)

Lala ni afo. Hejɔɔmɔ Gbi lala. 92  Ehi akɛ abaada Yehowa shi+Ni alá kɛjie* ogbɛ́i lɛ yi, bo Mɔ Ni Nɔ Kwɔ Fe Fɛɛ,   Ni awie osuɔmɔ ni tsakeee+ lɛ he leebiKɛ onɔkwayeli lɛ hu he nyɔɔŋ,   Ni atswa kpãi nyɔŋma saŋku kɛ kpãi etɛ saŋku afata he,Kɛ saŋku ni akɛtswaa lala ni ŋɔɔ.+   Ejaakɛ bo, Yehowa, ohã miná miishɛɛ yɛ onifeemɔi lɛ ahewɔ;Miláa nyamɔ lala yɛ oninenaa nitsumɔi lɛ ahewɔ.   Ao Yehowa, onitsumɔi lɛ dara waa diɛŋtsɛ!+ Osusumɔi lɛ amli kwɔlɔ waa diɛŋtsɛ!+   Mɔ ni bɛ jwɛŋmɔ nyɛŋ ale enɛɛmɛi;Ni buulu ko hu nyɛŋ anu enɛ shishi akɛ:+   Kɛ́ mɛi fɔji hole amɛhe nɔ tamɔ jwɛi*Ni efɔŋfeelɔi fɛɛ shwere lɛ,Amɛhiɛ ni abaakpãtã kɛya naanɔ lɛ hewɔ ni.+   Shi bo Yehowa, awó onɔ gojoo kɛmiiya naanɔ.   Ao Yehowa, kwɛmɔ ohenyɛlɔi lɛ ashigbeemɔ lɛ,Kwɛmɔ bɔ ni ohenyɛlɔi lɛ ahiɛ baakpãtã lɛ;Efɔŋfeelɔi lɛ fɛɛ baagbɛ ashwã.+ 10  Shi obaawó mikolonto* lɛ nɔ tamɔ ŋa mli tsinanuu;Mikɛ mu kpakpa baakpa mihe koni mihe ajɔ mi.+ 11  Mihiŋmɛii baana mihenyɛlɔi lɛ ashigbeemɔ lɛ;+Mitoii baanu mɛi fɔji ni tutuaa mi lɛ ashigbeemɔ lɛ. 12  Shi jalɔ baawo yibii tamɔ tɛŋ tsoNi ebaada agbo tamɔ Lebanon tseneduru tso.+ 13  Aduɔ amɛ yɛ Yehowa shĩa lɛ;Amɛwoɔ yibii yɛ wɔ-Nyɔŋmɔ lɛ kpoi lɛ anɔ.+ 14  Amɛbaaya nɔ amɛwo yibii yɛ amɛgbɔlɛ beiaŋ po;*+Amɛbaaya nɔ amɛná hewalɛ* ni amɛfee frɔ̃frɔ̃,+ 15  Ni amɛjaje akɛ, Yehowa ja. Lɛ ji mi-Tɛsaa,+ ni nɔ fɔŋ ko bɛ emli.

Shishigbɛ Niŋmaa

Loo “atswa lala kɛjie.”
Loo “jwɛi fɔ.”
Loo “mihewalɛ.”
Loo “be ni amɛje waŋ po.”
Hebri sht. ŋm., “amɛshwi.”