Lalai 88:1-18
Lala. Lala ni Kora bihii lɛ fo.+ Kɛhã lalatsɔɔlɔ lɛ; yɛ Mahalat* gbɛ nɔ, koni alá ni ahere nɔ. Heman,+ Ezrahinyo lɛ Maskil.*
88 Ao Yehowa, miyiwalaheremɔ Nyɔŋmɔ,+Jetsɛremɔ lɛ, miboɔ mitsɛɔ bo,Ni jenamɔ hu, mibaa ohiɛ.+
2 Hã misɔlemɔ lɛ abaje ohiɛ,+Ba otoi shi ohã mibolɔmɔ kɛhã yelikɛbuamɔ lɛ.*+
3 Ejaakɛ amanehulu eyi misusuma* obɔ,+Ni miwala kã Gbonyobu* lɛ naabu tuuntu.+
4 Abu mi ashi mɛi ni miikpeleke shi kɛmiiya bu* lɛ mli lɛ anɔ momo;+Mitsɔ mɔ ko ni bɛ yelikɛbualɔ,*+
5 Ashi mi yɛ gbohii ateŋTamɔ mɔ ko ni agbe lɛ ni kã gbonyobu mli,Mɔ ni okaiii dɔŋŋNi bɛ okwɛmɔ shishi dɔŋŋ.*
6 Okɛ mi efɔ̃ bu ni mli kwɔ fe fɛɛ lɛ mli,Yɛ hei ni ewo duŋ, yɛ bu agbo ni mli kwɔ waa lɛ mli.
7 Omlifu lɛ tsii yɛ minɔ,+Ni ohã oshɔkei ni naa wa lɛ ekumɔ eshwie minɔ. (Sela)
8 Oshwie mɛi ni le mi lɛ kɛje mihe kɛtee sɛɛ shɔŋŋ;+Ohã mitsɔ nyaŋemɔ nii mihã amɛ.
Aŋa miyi ni minyɛɛɛ majo foi.
9 Mihaomɔ lɛ ehã mihiŋmɛi nɔ eha.+
Ao Yehowa, miboɔ mitsɛɔ bo gbi muu fɛɛ;+Bo migbɛɔ midɛŋ mitsɔɔ.
10 Ani obaafee naakpɛɛ nii otsɔɔ gbohii?
Ani mɛi ni egboi ni bɛ hewalɛ dɔŋŋ lɛ baanyɛ ate shi amɛjie oyi?+ (Sela)
11 Ani abaawie osuɔmɔ ni tsakeee lɛ he yɛ gbonyobu lɛ mli,Kɛ onɔkwayeli lɛ hu he yɛ hiɛkpatamɔ bu lɛ* mli?
12 Ani abaale onaakpɛɛ nitsumɔi lɛ yɛ duŋ mli,Kɛ ojalɛ nifeemɔi lɛ hu yɛ shikpɔŋ ni aleee nɔ ko yɛ nɔ lɛ nɔ?+
13 Shi bo Yehowa, bo miboɔ mitsɛɔ lolo kɛhã yelikɛbuamɔ,+Daa leebi lɛ, misɔlemɔ lɛ bajeɔ ohiɛ.+
14 Ao Yehowa, mɛni hewɔ okwa mi?*+
Mɛni hewɔ okɛ ohiɛ etee mi?+
15 Kɛjɛ migbekɛbiiashi tɔ̃ɔ lɛMinaa nɔ, ni bei pii lɛ, mibɛŋkɛɔ gbele;+Amanehului ni ohãa minaa lɛ ehã mihe ejɔ.
16 Omlifu ni naa wa lɛ tsii yɛ minɔ;+Ohe gbeyei lɛ kpãtãa mihiɛ.
17 Gbi muu fɛɛ lɛ, amɛbɔleɔ mi tamɔ nui;Amɛbaa minɔ kɛjɛɔ he fɛɛ he.*
18 Oshwie minanemɛi kɛ mihe mɛi kɛje mihe kɛtee sɛɛ shɔŋŋ;+Duŋ etsɔ minaanyo.
Shishigbɛ Niŋmaa
^ Kwɛmɔ Wiemɔi Titrii Amligbalamɔ lɛ.
^ Kwɛmɔ Wiemɔi Titrii Amligbalamɔ lɛ.
^ Loo “Kotomɔ shi ni obo mibolɔmɔ kɛhã yelikɛbuamɔ lɛ toi.”
^ Kwɛmɔ Wiemɔi Titrii Amligbalamɔ lɛ.
^ Hebri mli lɛ, “Sheol,” ni ji, mfonirifeemɔŋ gbonyobu kome kɛhã adesai. Kwɛmɔ Wiemɔi Titrii Amligbalamɔ lɛ.
^ Loo “Mitsɔ tamɔ mɔ ko ni bɛ hewalɛ.”
^ Loo “gbonyobu.”
^ Hebri sht. ŋm., “Ni ajie lɛ kɛje odɛŋ.”
^ Loo “yɛ Abadon.”
^ Loo “misusuma.”
^ Shishitsɔɔmɔi komɛi kɛɔ akɛ, “minɔ shi kome.”
