Lalai 87:1-7
-
Zion, anɔkwa Nyɔŋmɔ lɛ maŋ
-
Mɛi ni afɔ amɛ yɛ Zion (4-6)
-
Kora bihii lɛ anɔ.+ Lala ni afo. Lala.
87 Emaŋ lɛ faneshi lɛ yɛ gɔji krɔŋkrɔŋi lɛ anɔ.+
2 Yehowa sumɔɔ Zion agbói lɛ+Fe Yakob mama tsũi lɛ fɛɛ.
3 Ao anɔkwa Nyɔŋmɔ lɛ maŋ, awieɔ ohe anunyam wiemɔi.+ (Sela)
4 Mikɛ Rahab+ kɛ Babilon baafata mɛi ni le mi lɛ ahe;Naa Filistia kɛ Tiro kɛ Kush.
Abaakɛɛ akɛ: “Mɔ nɛ ji mɔ ni afɔ lɛ yɛ jɛmɛ.”
5 Ni abaakɛɛ yɛ Zion he akɛ:
“Afɔ amɛteŋ mɔ fɛɛ mɔ yɛ emli.”
Ni Mɔ Ni Nɔ Kwɔ Fe Fɛɛ lɛ baahã ema shi shiŋŋ.
6 Kɛ́ aaŋma jeŋmaji lɛ agbɛ́ii lɛ, Yehowa baakɛɛ akɛ:
“Mɔ nɛ ji mɔ ni afɔ lɛ yɛ jɛmɛ.” (Sela)
7 Lalɔi+ lɛ kɛ mɛi ni joɔ kɛbɔleɔ+ lɛ lɛ baakɛɛ akɛ:
“Minuhiŋmɛii lɛ fɛɛ yɛ omli.”*+
Shishigbɛ Niŋmaa
^ Loo “Kɛhã mi lɛ, bo oŋɔɔ nibii fɛɛ jɛ.”
