Lalai 86:1-17

  • Nyɔŋmɔ ko tamɔɔɔ Yehowa

    • Yehowa sumɔɔ waa akɛ ekɛ esha ake (5)

    • Jeŋmaji lɛ fɛɛ baajá Yehowa (9)

    • “Tsɔɔmɔ mi ogbɛ lɛ” (11)

    • “Feemɔ mitsui ekome” (11)

David sɔlemɔ. 86  Ao Yehowa, ba otoi shi ohã mi,* ni ohere mi nɔ,Ejaakɛ miina nɔ, ni miiye ohia.+   Buu miwala* he, ejaakɛ anɔkwafo ji mi.+ Heremɔ otsulɔ ni kɛ ehiɛ efɔ̃ onɔ lɛ,Ejaakɛ bo ji mi-Nyɔŋmɔ.+   Ao Yehowa, naa mi mɔbɔ,+Ejaakɛ miboɔ mitsɛɔ bo gbi muu fɛɛ.+   Ao Yehowa, hã otsulɔ anya,*Ejaakɛ bo mitsɔɔ mihiɛ mihãa.*   Ejaakɛ bo Yehowa, ohi*+ ni osumɔɔ waa akɛ okɛ esha ake;+Osuɔmɔ ni tsakeee lɛ fa babaoo hã mɛi fɛɛ ni boɔ tsɛɔ bo lɛ.+   Ao Yehowa, bo misɔlemɔ lɛ toi;Ni obo fai ni mikpaa kɛhã yelikɛbuamɔ lɛ toi jogbaŋŋ.+   Miboɔ mitsɛɔ bo yɛ mihaomɔ gbi lɛ nɔ,+Ejaakɛ obaahere mi nɔ.+   Ao Yehowa, nyɔŋmɔi lɛ ateŋ mɔ ko mɔ ko bɛ ni tamɔ bo,+Nitsumɔ ko nitsumɔ ko bɛ ni tamɔ onɔ lɛ.+   Ao Yehowa, jeŋmaji lɛ fɛɛ ni ofee lɛBaaba ni amɛbakoto bo,+Ni amɛbaawo ogbɛ́i lɛ hiɛ nyam.+ 10  Ejaakɛ oje agbo ni ofeɔ naakpɛɛ nii;+Okome too pɛ ji Nyɔŋmɔ.+ 11  Ao Yehowa, tsɔɔmɔ mi ogbɛ lɛ.+ Manyiɛ onɔkwale lɛ mli.+ Feemɔ mitsui ekome* koni eshe ogbɛ́i lɛ gbeyei.+ 12  Ao Yehowa, mi-Nyɔŋmɔ, majie oyi kɛ mitsui fɛɛ,+Ni mawo ogbɛ́i lɛ hiɛ nyam kɛya naanɔ, 13  Ejaakɛ osuɔmɔ ni tsakeee lɛ da hã mi,Ni ohere miwala* kɛje Gbonyobu* lɛ shishi tɔ̃ɔ.+ 14  Ao Nyɔŋmɔ, hii ni yeɔ amɛtsuinaa sane teɔ shi amɛwoɔ mi;+Hii ni yitseiaŋ wala ni efee ekome miitao amɛgbe mi,*Ni amɛbuuu bo.*+ 15  Shi bo Yehowa, Nyɔŋmɔ mɔbɔnalɔ kɛ musuŋtsɔlɔ* ji bo,Omli fuuu mra ni osuɔmɔ ni tsakeee kɛ onɔkwayeli* lɛ fa babaoo.+ 16  Tsɔ ohiɛ ohã mi, ni ona mi mɔbɔ.+ Okɛ ohewalɛ lɛ ahã otsulɔ lɛ,+Ni ohere onyɔŋ yoo bi* lɛ. 17  Hã mana ekpakpa ni ofeɔ lɛ he okadi,*Koni mɛi ni nyɛɔ mi lɛ ana, ni amɛhiɛ agboi. Ejaakɛ bo Yehowa, bo ji miyelikɛbualɔ kɛ mɔ ni shɛjeɔ mimii.

Shishigbɛ Niŋmaa

Loo “kotomɔ shi koni obo mi toi.”
Loo “misusuma.”
Loo “hã otsulɔ susuma anya.”
Loo “Ejaakɛ bo miwóɔ misusuma nɔ mihãa.”
Loo “oji mɔ kpakpa.”
Loo “Hã mi tsui ni mli ejako enyɔ.”
Loo “misusuma.”
Hebri mli lɛ, “Sheol,” ni ji, mfonirifeemɔŋ gbonyobu kome kɛhã adesai. Kwɛmɔ Wiemɔi Titrii Amligbalamɔ lɛ.
Loo “miitao misusuma.”
Loo “Ni amɛkɛ bo emako amɛhiɛ.”
Loo “drolɔ.”
Loo “onɔkwale.”
Hebri sht. ŋm., “binuu.”
Loo “odaseyeli.”