Lalai 85:1-13
Kɛhã lalatsɔɔlɔ lɛ. Kora bihii lɛ anɔ.+ Lala ni afo.
85 Ao Yehowa, ona oshikpɔŋ lɛ mɔbɔ;+Okɛ mɛi ni ji Yakob nɔ ni aŋɔ amɛ nom lɛ eku sɛɛ kɛba.+
2 Okɛ omaŋbii lɛ atɔmɔ lɛ eke amɛ;Okɛ amɛhe esha lɛ fɛɛ eke amɛ.*+ (Sela)
3 Ogbala omlila lɛ fɛɛ sɛɛ;Otsi ohe kɛje omlifu ni naa wa lɛ he.+
4 Ao wɔyiwalaheremɔ Nyɔŋmɔ, okɛ wɔ ato wɔtoohe ekoŋŋ,*Ni ojie omli ni efu wɔ lɛ yɛ wɔnɔ.+
5 Ani omli baawo la awo wɔ kɛya naanɔ?+
Ani obaahã omlifu lɛ ahi wɔnɔ kɛjɛ yinɔ kome nɔ kɛya yinɔ kroko nɔ?
6 Ani owajeŋ wɔ ekoŋŋKoni omaŋbii lɛ anya yɛ ohewɔ?+
7 Ao Yehowa, jiemɔ osuɔmɔ ni tsakeee lɛ kpo otsɔɔ wɔ,+Ni okɛ oyiwalaheremɔ lɛ adro wɔ.
8 Mabo nɔ ni Yehowa, anɔkwa Nyɔŋmɔ lɛ kɛɔ lɛ toi,Ejaakɛ ekɛ ewebii lɛ, ni ji enɔkwafoi lɛ, baawie toiŋjɔlɛ wiemɔi,+Shi amɛkahe amɛhe amɛye fe nine.+
9 Lɛɛlɛŋ, eyiwalaheremɔ lɛ bɛŋkɛ mɛi ni sheɔ lɛ gbeyei lɛ,+Koni enunyam lɛ ahi wɔshikpɔŋ lɛ nɔ.
10 Suɔmɔ ni tsakeee kɛ anɔkwayeli kɛ amɛhe baakpe;Jalɛ nifeemɔ kɛ toiŋjɔlɛ baashɔshɔɔ amɛhe naa.+
11 Anɔkwayeli baakwɛ̃ kɛjɛ shikpɔŋ,Ni jalɛ nifeemɔ baajɛ ŋwɛi ekwɛ shikpɔŋ lɛ nɔ.+
12 Lɛɛlɛŋ, Yehowa baahã wɔ nɔ kpakpa,*+Ni wɔshikpɔŋ lɛ baaba enii.+
13 Jalɛ nifeemɔ baanyiɛ ehiɛ+Ni ebaagba gbɛ ehã enajifaamɔi.
Shishigbɛ Niŋmaa
^ Hebri sht. ŋm., “Oha amɛhe esha lɛ fɛɛ nɔ.”
^ Loo “buamɔ wɔnaa kɛba ekoŋŋ.”
^ Loo “Yehowa baahã wɔshwere.”
