Lalai 83:1-18

  • Be ni akɛ henyɛlɔi ekpe lɛ he sɔlemɔ

    • “Ao Nyɔŋmɔ, kaafee diŋŋ” (1)

    • Henyɛlɔi lɛ tamɔ jwɛi ni miibɔle ehe (13)

    • Nyɔŋmɔ gbɛ́i ji Yehowa (18)

Lala. Lala ni Asaf fo.+ 83  Ao Nyɔŋmɔ, kaafee diŋŋ;+Ao Ŋwɛinyo, kaabu onaa* ni kaadamɔ shi diŋŋ okwɛ.   Ejaakɛ naa! ohenyɛlɔi lɛ miifee hoo;+Mɛi ni nyɛɔ bo lɛ, ehole amɛhe nɔ.*   Amɛtsɔɔ ŋaa gbɛ nɔ amɛkpaŋɔ amɛshiɔ omaŋbii lɛ yɛ teemɔŋ;Amɛkpaŋɔ amɛshiɔ mɛi ni jara wa kɛhã bo lɛ.*   Amɛkɛɔ akɛ: “Nyɛbaa ni wɔkpãtãa jeŋmaŋ nɛɛ hiɛ,+Koni akakai Israel gbɛ́i dɔŋŋ.”   Amɛfee ekome kɛto yiŋ;*Amɛkpaŋ amɛshi bo+   Edom mama tsũi lɛ, kɛ Ishmaelbii lɛ, kɛ Moab,+ kɛ Hagribii+ lɛ,   Kɛ Gebal kɛ Amon+ kɛ Amalek, kɛFilistia+ kɛ mɛi ni yɔɔ Tiro+ lɛ.   Asiria+ hu eyafata amɛhe;Amɛmiiye amɛmiibua Lot bii* lɛ.*+ (Sela)   Feemɔ amɛ tamɔ bɔ ni ofee Midian lɛ,+Tamɔ bɔ ni ofee Sisera kɛ Yabin yɛ Kishon faa* lɛ he lɛ.+ 10  Akpãtã amɛhiɛ yɛ En-dor;+Amɛtsɔmɔ tamɔ kooloi afei yɛ shikpɔŋ lɛ nɔ. 11  Feemɔ amɛbladei lɛ tamɔ bɔ ni ofee Oreb kɛ Zeeb lɛ,+Kɛ amɛlumɛi* lɛ hu tamɔ ofee Zeba kɛ Zalmuna lɛ,+ 12  Ejaakɛ amɛkɛɛ akɛ: “Nyɛhãa wɔyaŋɔa shikpɔŋ ni Nyɔŋmɔ hiɔ nɔ lɛ.” 13  Ao mi-Nyɔŋmɔ, feemɔ amɛ tamɔ jwɛi ni miibɔle ehe,+Tamɔ ŋmaa* tsei ni kɔɔyɔɔ miitswa lɛ kɛmiiya kɛmiiba. 14  Bɔ ni la ni shãa koo,Kɛ lalilɛi ni shãa gɔji ji lɛ,+ 15  Nakai nɔŋŋ okɛ okɔɔyɔɔ ni naa wa lɛ atiu amɛ+Ni okɛ ahum ni jɛ oŋɔɔ lɛ awo amɛhe gbeyei.+ 16  Ao Yehowa, okɛ hiɛgbele aha amɛhiɛ,*Koni amɛtao ogbɛ́i lɛ sɛɛ gbɛ. 17  Amɛhiɛ agboi ni gbeyei amɔmɔ amɛ waa kɛya naanɔ;Amɛhiɛ ashwie shi ni amɛhiɛ akpãtã; 18  Hã mɛi ale akɛ, bo ni ogbɛ́i ji Yehowa+ lɛ,Bo okome too ji Mɔ Ni Nɔ Kwɔ Fe Fɛɛ yɛ shikpɔŋ lɛ nɔ fɛɛ.+

Shishigbɛ Niŋmaa

Loo “kaamua onaa.”
Loo “ehole amɛyitsei anɔ.”
Hebri sht. ŋm., “mɛi ni okɛtee lɛ.”
Hebri sht. ŋm., “Amɛkɛ tsui kome tee ajina.”
Hebri sht. ŋm., “bihii.”
Hebri sht. ŋm., “Amɛtsɔ Lot bihii lɛ nine.”
Loo “nujɔɔ.”
Loo “amɛhiɛnyiɛlɔi.”
Ŋmaa ní awieɔ he yɛ biɛ lɛ ji wiiti, abele, omɔ, kɛ amɛhenɔi lɛ eko.
Hebri sht. ŋm., “hã amɛhiɛ ayimɔ kɛ hiɛgbele.”