Lalai 81:1-16

  • Hewalɛwoo kɛhã toiboo

    • Nyɛkajáa maŋsɛɛ nyɔŋmɔi (9)

    • “Miná ni mimaŋ lɛ bo mi toi” (13)

Kɛhã lalatsɔɔlɔ lɛ; yɛ Gitit* lɛ nɔ. Asaf nɔ.+ 81  Nyɛláa waa nyɛhãa Nyɔŋmɔ, wɔhewalɛ lɛ.+ Nyɛláa kunimyeli lala nyɛhãa Yakob Nyɔŋmɔ lɛ.   Nyɛjea lalatswaa lɛ shishi, ni nyɛkɔa akashaa lɛ,Saŋku ni akɛtswaa lala ni ŋɔɔ lɛ kɛ kpãa saŋku lɛ fɛɛ.   Nyɛkpãa tɛtɛrɛmantɛrɛ* lɛ yɛ nyɔɔŋtsere hee lɛ nɔ,+Yɛ nyɔɔŋtsere ni eye emuu lɛ nɔ, kɛhã wɔgbijurɔyeli gbi lɛ.+   Ejaakɛ eji famɔ kɛhã Israel,Yakob Nyɔŋmɔ lɛ yiŋkpɛɛ* ni.+   Eto shishi akɛ kaimɔ nɔ kɛhã Yosef+Be ni eje* kpo kɛyatutua Ejipt shikpɔŋ lɛ.+ Minu gbee* ko ni miyooo miikɛɛ akɛ:   “Miwó jatsu lɛ kɛje ekɔɔŋ nɔ;+Ajie eniji kɛje kɛntɛŋ lɛ he.   Be ni ohao lɛ, obo otsɛ mi, ni mijie bo;+Mijɛ nugbɔshiimɔ lɛ mli* mihere bo nɔ.+ Mika bo mikwɛ yɛ Meriba* nui lɛ ahe.+ (Sela)   Mimaŋ, nyɛboa toi, ni maye odase mashi nyɛ. Ao Israel, miná ni nyɛbo mi toi.+   Kulɛ nyɔŋmɔ kroko ko ehiŋ nyɛteŋ,Ni nyɛkotoŋ maŋsɛɛ nyɔŋmɔ ko.+ 10  Mi Yehowa, miji o-Nyɔŋmɔ lɛ,Mɔ ni jie bo kɛje Ejipt shikpɔŋ lɛ nɔ lɛ.+ Gbɛɛ odaaŋ hatoo, ni mawo lɛ obɔ.+ 11  Shi mimaŋ lɛ booo migbee toi;Israel baaa ehe shi ehãaa mi.+ 12  No hewɔ lɛ, mihã amɛnyiɛ amɛtsuii ni ekpiliŋ lɛ asɛɛ;Amɛfee nɔ ni amɛsusuɔ akɛ eja.*+ 13  Miná ni mimaŋ lɛ bo mi toi,+Miná ni Israel nyiɛ migbɛi lɛ anɔ!+ 14  Kulɛ maba amɛhenyɛlɔi lɛ ashi oya;Mawó minine nɔ mashi amɛhenyɛlɔi lɛ.+ 15  Mɛi ni nyɛɔ Yehowa lɛ baaba amɛhe shi yɛ ehiɛ,Ni amɛnaagbee* baahi shi kɛya naanɔ. 16  Shi bo* lɛ, ebaalɛ bo kɛ wiiti kpakpa fe fɛɛ,*+Ni ebaahã bo wo ni jɛ tɛsaa mli ni oye ni otɔ.”+

Shishigbɛ Niŋmaa

Hebri sht. ŋm., “akolonto.”
Loo “kojomɔ.”
Ni ji, Nyɔŋmɔ.
Loo “maŋ ko nɔ wiemɔ.”
Hebri sht. ŋm., “nugbɔshiimɔ teemɔhe lɛ mli.”
Eshishi ji, “Naataamɔ.”
Hebri sht. ŋm., “Amɛnyiɛ yɛ amɛyiŋtoi amli.”
Hebri sht. ŋm., “amɛbe.”
Hebri sht. ŋm., “lɛ,” ni ji Nyɔŋmɔ maŋ lɛ.
Hebri sht. ŋm., “wiiti ni ewo fɔ.”