Lalai 8:1-9
Kɛhã lalatsɔɔlɔ lɛ; yɛ Gitit* lɛ nɔ. Lala ni David fo.
8 Ao Yehowa, wɔ-Nuŋtsɔ, ogbɛ́i lɛ je agbo yɛ shikpɔŋ lɛ nɔ fɛɛ;Ohã onunyam lɛ ekwɔ fe ŋwɛi po!*+
2 Oto hewalɛ shishi yɛ gbekɛbii kɛ abifabii anaa+Yɛ ohenyɛlɔi lɛ ahewɔ,Koni henyɛlɔ lɛ kɛ oweletɔlɔ lɛ afee dioo.
3 Kɛ́ mikwɛ oŋwɛii lɛ, oninenaa* nitsumɔi lɛ,Nyɔɔŋtsere kɛ ŋulamii ni osaa oto lɛ,+
4 Mɛni ji gbɔmɔ adesa* ni ojwɛŋɔ ehe,Kɛ gbɔmɔ bi hu, ni ogbaa ohe naa yɛ ehe?*+
5 Shwɛ fioo ni ohã ekɛ ŋwɛibɔfoi* fee pɛpɛɛpɛ,Ni okɛ anunyam kɛ agbojee efi lɛ akekere.
6 Ohã lɛ hegbɛ ni eye oninenaa nitsumɔi lɛ anɔ;+Okɛ nibii fɛɛ ewo enajiashi:
7 Toi kɛ tsinai fɛɛ,Kɛ ŋa mli kooloi hu,+
8 Kɛ ŋwɛi loofɔji kɛ ŋshɔŋ loi,Nɔ fɛɛ nɔ ni nyiɛɔ ŋshɔ mli gbɛi lɛ anɔ lɛ.
9 Ao Yehowa, wɔ-Nuŋtsɔ, ogbɛ́i lɛ je agbo yɛ shikpɔŋ lɛ nɔ fɛɛ!
