Lalai 79:1-13

  • Be ni jeŋmaji batutua Nyɔŋmɔ webii lɛ he sɔlemɔ

    • “Wɔtsɔmɔ hiɛgbejianii” (4)

    • ‘Ye obua wɔ yɛ ogbɛ́i lɛ hewɔ’ (9)

    • “Too mɛi ni bɔle wɔ lɛ najiaŋ toi kpawo” (12)

Lala ni Asaf fo.+ 79  Ao Nyɔŋmɔ, jeŋmaji lɛ ebote oshikpɔŋ lɛ nɔ;*+Amɛbule osɔlemɔ shĩa krɔŋkrɔŋ lɛ;+Amɛhã Yerusalem etsɔ koikoi.+   Amɛkɛ otsuji lɛ agbohii lɛ ehã ŋwɛi loofɔji koni amɛyeAmɛkɛ onɔkwafoi lɛ aloo ehã shikpɔŋ lɛ nɔ ŋa mli kooloi.+   Amɛfɔse amɛlá amɛshwie shi tamɔ nu yɛ Yerusalem fɛɛ,Ni mɔ ko mɔ ko bɛ ni baafu amɛ.+   Wɔtsɔmɔ hiɛgbejianii wɔhã mɛi ni bɔle wɔ lɛ;+Mɛi ni bɔle wɔ lɛ yeɔ wɔhe fɛo ni amɛŋmɔɔ wɔ.   Ao Yehowa, mɛɛ be omli baawo la kɛyashi? Kɛya naanɔ lo?+ Mɛɛ be omlifu lɛ baaya nɔ atso tamɔ la kɛyashi?+   Fɔsemɔ omlila lɛ oshwie jeŋmaji ni leee bo lɛKɛ maŋtsɛyelii hu ni tsɛɛɛ ogbɛ́i lɛ anɔ.+   Ejaakɛ amɛkpãtã Yakob hiɛNi amɛfee eshikpɔŋ lɛ amaŋfɔ.+   Kaagbala wɔtoi yɛ wɔtsɛmɛi lɛ atɔmɔi lɛ ahewɔ.+ Naa wɔ mɔbɔ oya,+Ejaakɛ aba wɔ shi waa.   Ao wɔyiwalaheremɔ Nyɔŋmɔ, ye obua wɔ,+Yɛ ogbɛ́i ni yɔɔ nyam lɛ hewɔ;Jiemɔ wɔ, ni okɛ wɔhe eshai lɛ ake wɔ* yɛ ogbɛ́i lɛ hewɔ.+ 10  Mɛni hewɔ esa akɛ jeŋmaji lɛ akɛɛ akɛ: “Nɛgbɛ amɛ-Nyɔŋmɔ lɛ yɔɔ?”+ Hã ale yɛ jeŋmaji lɛ amli, ni wɔkɛ wɔhiŋmɛii ana huAkɛ atɔ otsuji lɛ alá ni afɔse ashwie shi lɛ he owele.+ 11  Bo mɔ ni awo lɛ tsuŋ lɛ kɛ̃ɛmɔ lɛ toi.+ Okɛ ohewalɛ* kpele lɛ abaa mɛi ni abu amɛ gbele fɔ lɛ* ayi.*+ 12  Ao Yehowa, too mɛi ni bɔle wɔ lɛ najiaŋ toi kpawo+Yɛ wiemɔi ni amɛwieɔ amɛshiɔ bo lɛ hewɔ.+ 13  Kɛkɛ lɛ, wɔ ni ji omaŋ kɛ olɛɛhe lɛ tooku lɛ,+Baada bo shi kɛya naanɔ;Ni wɔbaajie oyi kɛjɛ yinɔ kome nɔ kɛya yinɔ kroko nɔ.+

Shishigbɛ Niŋmaa

Hebri sht. ŋm., “ogboshinii lɛ mli.”
Hebri sht. ŋm., “ni oha wɔhe eshai lɛ anɔ.”
Hebri sht. ŋm., “onine.”
Hebri sht. ŋm., “gbele bihii lɛ.”
Shishitsɔɔmɔi komɛi kɛɔ akɛ, “ajie mɛi ni abu amɛ gbele fɔ lɛ.”