Lalai 74:1-23
Maskil.* Asaf nɔ.+
74 Ao Nyɔŋmɔ, mɛni hewɔ okpoo wɔ kwraa nɛkɛ?+
Mɛni hewɔ omlifu lɛ tsoɔ ewoɔ* olɛɛhe lɛ toi lɛ nɛkɛ?+
2 Kaimɔ omaŋ* ni oná akɛ onɔ kɛjɛ blema tɔ̃ɔ lɛ,+Weku ni okpɔ̃ akɛ ogboshinii lɛ.+
Kaimɔ Zion Gɔŋ lɛ, he ni ohi lɛ.+
3 Fãamɔ onaji kɛya hei ni akpãtã hiɛ kwraa lɛ.+
Henyɛlɔ lɛ ekpãtã nɔ fɛɛ nɔ hiɛ yɛ he krɔŋkrɔŋ lɛ.+
4 Ohenyɛlɔi lɛ miinya yɛ okpeehe lɛ.*+
Amɛkɛ amɛ diɛŋtsɛ amɛflaŋai emamɔ jɛmɛ akɛ okadii.
5 Amɛtamɔ hii ni ehole lemai anɔ yɛ koo hayii mli tsei anɔ.
6 Amɛkɛ lemai kɛ dadei ekumɔ nibii ni akpɛ́kpɛ́i kɛye samai yɛ mli lɛ fɛɛ.+
7 Amɛwo ojamɔhe lɛ mli la.+
Amɛbule sɔlemɔ buu ni ogbɛ́i kã nɔ lɛ, amɛtsi amɛgbee shi.
8 Amɛ kɛ amɛseshibii lɛ ewie yɛ amɛtsuiiaŋ akɛ:
“Esa akɛ ashã Nyɔŋmɔ kpeehei* ni yɔɔ shikpɔŋ lɛ nɔ lɛ fɛɛ.”
9 Wɔnaaa wɔkadii lɛ dɔŋŋ;Gbalɔ ko bɛ dɔŋŋ,Ni wɔteŋ mɔ ko mɔ ko leee bei abɔ ni enɛ baaye.
10 Ao Nyɔŋmɔ, mɛɛ be nɔŋŋ henyɛlɔ lɛ baawie ashi bo kɛyashi?+
Ani henyɛlɔ lɛ baawo ogbɛ́i lɛ he muji kɛya naanɔ?+
11 Mɛni hewɔ osu onine, oninejurɔ?+
Jiemɔ kɛje omiinaa* ni okpãtã amɛhiɛ.
12 Shi Nyɔŋmɔ ji mi-Maŋtsɛ kɛjɛ blema tɔ̃ɔ,Mɔ ni tsuɔ yiwalaheremɔ nitsumɔi yɛ shikpɔŋ lɛ nɔ lɛ.+
13 Okɛ ohewalɛ lɛ hoso ŋshɔ lɛ;+Ojwara ŋshɔŋ loi wuji lɛ ayitsei yɛ nui lɛ amli.
14 Ojwara Leviatan* ayitsei;Okɛhã mɛi ni yɔɔ ŋa kpataa nɔ lɛ akɛ niyenii.
15 Ogbala gbɛi ohã nuhiŋmɛii kɛ fai;+Ohã fai ni hoɔ daa lɛ gbi.+
16 Onɔ ji jetsɛremɔ lɛ, kɛ jenamɔ hu.
Bo ofee la lɛ* kɛ hulu lɛ.+
17 Bo oto shikpɔŋ lɛ naa husui lɛ fɛɛ;+Bo ofee latsa be kɛ fɛ̃i be fɛɛ.+
18 Ao Yehowa, kaimɔ wiemɔi ni henyɛlɔ lɛ wieɔ eshiɔ bo lɛ,Bɔ ni buului woɔ ogbɛ́i lɛ he muji lɛ.+
19 Okɛ oŋa mli okpo lɛ wala* akahã ŋa mli kooloi.
Ohiɛ akakpa omaŋbii ni ehao lɛ awala nɔ kwraa.
20 Kaimɔ kpaŋmɔ lɛ,Ejaakɛ shikpɔŋ lɛ nɔ hei ni ewo duŋ lɛ eyimɔ kɛ yiwalɔi.
21 Kaahã mɔ ni tsui ekumɔ lɛ ku esɛɛ etee kɛ hiɛgbele;+Hã mɔ ni bɛ yelikɛbualɔ lɛ kɛ ohiafo lɛ ajie ogbɛ́i lɛ yi.+
22 Ao Nyɔŋmɔ, wó ohe nɔ, ni ofã onaa.
Kaimɔ bɔ ni buulu lɛ wieɔ eshiɔ bo gbi muu fɛɛ lɛ.+
23 Ohiɛ akakpa nɔ ni mɛi ni nyɛɔ bo lɛ wieɔ lɛ nɔ.
Mɛi ni tseɔ ohiɛ atua lɛ ahoofeemɔ lɛ miikwɔ kɛmiiya ŋwɛi be fɛɛ be.
