Lalai 71:1-24
71 Ao Yehowa, bo abo mibaa.
Kaahã mihiɛ shwie shi.+
2 Okɛ ojalɛ nifeemɔ lɛ ahere mi ni ojie mi.
Ba otoi shi ohã mi,* ni ohere mi.+
3 Tsɔ mɔɔ ni ma tɛsaa nɔ ohã miHe ko ni manyɛ mabote be fɛɛ be.
Fã koni ahere mi,Ejaakɛ bo ji mitɛsaa kɛ miteemɔhe.+
4 Ao mi-Nyɔŋmɔ, jiemɔ mi kɛje mɔ fɔŋ lɛ dɛŋ,+Kɛje yiwalɔ ni yeɔ sane ni ejaaa lɛ dɛŋ.
5 Ejaakɛ bo, Nuŋtsɔ Ofe Yehowa, onɔ mihiɛ kã;Mikɛ mihiɛ efɔ̃ onɔ* kɛjɛ miblahiiaŋ* tɔ̃ɔ.+
6 Mikɛ mihe efɔ̃ onɔ kɛjɛ mifɔmɔ mli tɔ̃ɔ;Bo ojie mi kɛje minyɛ musuŋ.+
Mijieɔ oyi be fɛɛ be.
7 Mitsɔ tamɔ naakpɛɛ nɔ ko yɛ mɛi babaoo ahiɛ,Shi bo ji mibobaahe ni wa.
8 Oyijiemɔ eyi midaaŋ obɔ;+Miwieɔ onunyam lɛ he gbi muu fɛɛ.
9 Kɛ́ migbɔ lɛ, kaashɛ mi ofɔ̃;+Kɛ́ mihewalɛ tã lɛ, kaakwa mi.+
10 Mihenyɛlɔi lɛ wieɔ amɛshiɔ mi,Ni mɛi ni taoɔ mi agbe* lɛ yaa miyi nɔ apam,+
11 Amɛkɛɔ akɛ: “Nyɔŋmɔ eshi lɛ.
Nyɛtiua lɛ ni nyɛmɔa lɛ, ejaakɛ mɔ ko mɔ ko bɛ ni baahere lɛ.”+
12 Ao Nyɔŋmɔ, okɛ mi teŋ akajekɛ.
Ao mi-Nyɔŋmɔ, feemɔ oya ni oye obua mi.+
13 Hã mɛi ni teɔ shi amɛwoɔ mi* lɛAhiɛ agboi ni amɛhiɛ akpãtã.+
Hã mɛi ni taoɔ mi efɔŋ lɛ,Ahiɛ agboi ni amɛhiɛ ashwie shi.+
14 Shi mi lɛ, maya nɔ mamɛ;Majie oyi babaoo fe tsutsu lɛ.
15 Minaabu baawie ojalɛ nifeemɔ lɛ he,+Kɛ oyiwalaheremɔ nitsumɔi lɛ gbi muu fɛɛ,Tsɛbelɛ amɛfa fe bɔ ni manyɛ makai.*+
16 Ao Nuŋtsɔ Ofe Yehowa,Maba mabawie ohewalɛ nitsumɔi lɛ ahe;Matsĩ ojalɛ nifeemɔi lɛ atã, bo pɛ onɔ lɛ.
17 Ao Nyɔŋmɔ, otsɔɔ mi nii kɛjɛ miblahiiaŋ,*+Ni mitee nɔ mijaje onaakpɛɛ nitsumɔi lɛ kɛbashi bianɛ.+
18 Ao Nyɔŋmɔ, kɛ́ migbɔ ni mije waŋ po lɛ, kaakwa mi.+
Hã magba yinɔ ni baaba lɛ ohewalɛ* lɛ he saneKɛ ohewalɛ nitsumɔi lɛ hu matsɔɔ mɛi fɛɛ ni baaba yɛ sɛɛ lɛ.+
19 Ao Nyɔŋmɔ, ojalɛ nifeemɔi lɛ shɛɔ ŋwɛi tɔ̃ɔ;+Ofeɔ nibii wuji;Ao Nyɔŋmɔ, namɔ tamɔ bo?+
20 Eyɛ mli akɛ ohã mihao ni mina nɔ waa moŋ,+Shi wajemɔ mi ekoŋŋ;Jiemɔ mi kɛje shikpɔŋ lɛ shishi* kɛba.+
21 Hã migbojee lɛ adaNi obɔle mi ni oshɛje mimii.
22 Kɛkɛ lɛ, matswa kpãa saŋku kɛjie oyiYɛ onɔkwayeli lɛ hewɔ, Ao mi-Nyɔŋmɔ.+
Malá ni matswa saŋku* kɛjie oyi,Ao Israel Mɔ Krɔŋkrɔŋ.
23 Be ni miláa kɛjieɔ oyi lɛ, minaabu baanya waa,+Ejaakɛ ohere miyiwala.*+
24 Mililɛi baawie ojalɛ nifeemɔ lɛ he* gbi muu fɛɛ,+Ejaakɛ mɛi ni miitao mihiɛ akpãtã lɛ ahiɛ baagboi ni amɛhiɛ baashwie shi.+
Shishigbɛ Niŋmaa
^ Loo “Kotomɔ shi koni obo mi toi.”
^ Loo “Bo miheɔ miyeɔ.”
^ Loo “migbekɛbiiashi.”
^ Loo “mɛi ni taoɔ misusuma.”
^ Loo “misusuma.”
^ Loo “makane.”
^ Loo “migbekɛbiiashi.”
^ Hebri sht. ŋm., “onine.”
^ Loo “shikpɔŋ lɛ nɔ nui ni mli kwɔlɔ lɛ amli.”
^ Loo “Mikɛ saŋku baatswa lala.”
^ Loo “okpɔ̃ misusuma.”
^ Loo “Mililɛi baajwɛŋ ojalɛ nifeemɔ lɛ nɔ.”
