Lalai 7:1-17
-
Yehowa lɛ, Kojolɔ ni ja ji lɛ
-
“Ao Yehowa, Kojomɔ mi” (8)
-
Yaafo lala* ni David lá ehã Yehowa yɛ Benyaminnyo Kush wiemɔi lɛ ahewɔ.
7 Ao Yehowa, mi-Nyɔŋmɔ, bo abo mibaa.+
Heremɔ miyiwala ni ojie mi yɛ mɛi fɛɛ ni waa mi yi lɛ adɛŋ.+
2 Kɛjeee nakai lɛ, amɛbaatserɛ mimli* tamɔ jata,+Koni amɛkɛ mi aya, ni mɔ ko bɛ ni baajie mi.
3 Ao Yehowa, mi-Nyɔŋmɔ, kɛ́ mitɔ̃ yɛ sane nɛɛ mli,Kɛ́ miyeko jalɛ sane,
4 Kɛ́ mitɔ̃ mɔ ni feɔ mi ekpakpa lɛ nɔ,+Ni mishɔ̃ mihenyɛlɔ nibii yɛ edɛŋ be ni efeko mi nɔ ko lɛ,*
5 No lɛ, hã mihenyɛlɔ atiu mi ni enina mi;*Hã enaanaa miwala nɔ yɛ shikpɔŋNi ehã minunyam lɛ hiɛ akpãtã yɛ mulu mli. (Sela)
6 Ao Yehowa, tee shi yɛ omlifu lɛ mli;Tee shi owo mihenyɛlɔi lɛ amlifu lɛ;+Ohiɛ atsɛ̃ ohã mi, ni ofã ni aye jalɛ sane.+
7 Hã jeŋmaji lɛ abɔle bo;Ni obaajɛ ŋwɛi owu oshi amɛ.
8 Yehowa baakojo maji lɛ.+
Ao Yehowa, kojomɔ mi yɛ mijalɛ lɛKɛ minɔkwayeli lɛ naa.+
9 Ofainɛ, hã nibii fɔji ni mɛi fɔji feɔ lɛ sɛɛ afo.
Shi hã jalɔ afi shi shiŋŋ,+Ejaakɛ bo ji jalɛ Nyɔŋmɔ+ ni taoɔ tsuii+ kɛ bɔ ni mɛi nuɔ nii ahe yɛ amɛmligbɛ tɔ̃ɔ lɛ amli ekwɛɔ.*+
10 Mitsɛŋ ji Nyɔŋmɔ,+ mɛi ni ja yɛ amɛtsuii amli lɛ a-Yiwalaherelɔ lɛ.+
11 Nyɔŋmɔ ji Kojolɔ ni ja,+Ni Nyɔŋmɔ jajeɔ ekojomɔi lɛ* etsɔɔ daa gbi.
12 Kɛji mɔ ko tsakeee etsui lɛ,+ Nyɔŋmɔ jɔɔ eklante lɛ naa;+Edɔɔ egãitso lɛ mli, ni etaa egãi lɛ.+
13 Esaa etawuu nii ni gbeɔ mɔ lɛ etoɔ;Ewoɔ egãimlibii lɛ anaa la.+
14 Naa, mɔ ko eŋɔ efɔŋfeemɔ hɔ;Eŋɔɔ haomɔ hɔ, ni efɔɔ amalei.+
15 Etsaa bu ni ehãa emli kwɔɔ,Shi egbeɔ bu ni lɛ diɛŋtsɛ etsa lɛ mli.+
16 Haomɔ ni ekɛbaa lɛ baaku sɛɛ ababua lɛ diɛŋtsɛ eyiteŋ;+Eyiwalɛ lɛ baagbee epampam.
17 Majie Yehowa yi yɛ ejalɛ lɛ hewɔ;+Malá majie Yehowa, Mɔ Ni Nɔ Kwɔ Fe Fɛɛ+ lɛ, gbɛ́i lɛ yi.+
